استفسار عن بيجو 307

[beahmed]

يا جماعة انا عاوز اعرف رايكم في بيجو 307 علشان انا ناوي اشتريها ان شاء الله و بفاضل بينها و بين الانسر البومة لان انا معايا الكريستالة و عارف كل حاجة عن الانسر تقريبا
بس انا ماعنديش ادني خبرة في البيجو خالص و عاوز اعرف اية عيوب البيجو 307 و بالذات لو ليها عيوب قاتلة مثلا مشكلة في الفتيس او حاجات من النوع دة من المشاكل
و عاوز اعرف اية الفروق بين 307 و 307sw
متشكر جدا مقدما

[maclaren722]

والله البيجو307 عربية ممتازة من حيث الثبات الخرافى والتسارع الممتاز والكماليات الكثيرة بس الخليجى منها هو الافضل وليس المصرى ومن وجهة نظر بعض الناس ان ليها عيوب لكن من وجهة نظرى العيوب دى موجودة ف كل العربيات هى واطية شوية على الارض وده اللى بيديها الثبات الرائع والتكنولوجيا بتاعتها عالية شوية مش اى حد بيفهم فيها لكن ف مراكز متخصصة وانا عن نفسى مجربها بنفسى ولازم الصيانة بتاعتها تتعمل ف مواعيدها ومحتاجة بنزين نظيف علشان العربية اصلا المفروض يتحطلها بنزين 95أو 98 لكن لو حطيتها 92 هتبقى معاك زى الفل الفكره كلها ف توفير البنزين وتاخد حوالى 9_10لتر ف ال100كلم وقطع غيارها اسعارها مابين الالمانى واليابانى لكن الحريفيييين موجوده وف مركز خدمة انا بتعامل معاه واسعاره كويسة اسمه french lionبس على فكره قطع غيارها معمره جدا انا حاولت افيدك باللى افتكرته ولو افتكرت حاجة تانى هاقولك واسف على الاطالة

[Unendlich]

بص من الاخر هو استعمال :
عايز عربية تمسح بـكرامتها الأرض و قطاع غيار في السوبر ماركت و اعادة بيع ممتازة يبقى البوما
عايز شياكة و تكنولوجيا و دلع و شكل و ثبات يبقى البيجو