مياه في الدواسة 307

[MuhamedNabil]

أنا من كم يوم كدا لقيت مياه في الدواسة بتاعة السائق و نشفتها و و بسيط كدا من تحت الدركسيون بس ملقتش أثر مياه ، و برد بصيت على السربنتنة بتاعة السخن بس ملقتش أي مصر مكسورة أو مشروخة بس المية دي أنا حاسس انها من السربنتنة بتاعة التدفئة أو من المية البتنذل لم التكييف بيشتغل

ياترى حصل الموضوع دة قبل كدا !

[sterio_504ever]

متااااابع

[Ahmed Amin]

ممكن تكون أزازة مية كنت حاططها ووقعت شوية وأنتا أتوهمت بعدها :)
أو لو حدا بيركب غيرك يكون وقع مية في المكان دا

[ahmatar]

متابع بأهتمام

[م.احمد زكريا]

راجع على سربنتينة السخن الورا التابلوه ممكن يكون جوان دخول المياه بيسرب مش شرط السربنتينة نفسها

ودي حلها بسيط جدا

حصلت مع واحد صاحبي

[MuhamedNabil]

انا انهردا لفيت المكان بتاع الجوان بمنديل عشان لو المنديل اتبل اقفشه لانى مشفتش لحد دلقتى المياه بتنزل من فين
بس انا شاكك انها الميه البتتكسف مع تشغيل التكييف لان بقالى فتره مش بشوف المية تابتنزل تحت العربية اثناء التكييف.

[redredzone]

انا انهردا لفيت المكان بتاع الجوان بمنديل عشان لو المنديل اتبل اقفشه لانى مشفتش لحد دلقتى المياه بتنزل من فين
بس انا شاكك انها الميه البتتكسف مع تشغيل التكييف لان بقالى فتره مش بشوف المية تابتنزل تحت العربية اثناء التكييف.

انا كان عندي نفس المشكله دي في العربيه ورحت للمركز اللي بتعامل معاه وكان خرطو م الدرين للتكييف بتاع التكثيف هو بيسرب ميه جوه العربيه بدل بره والموضوع مكلفنيش لما عملوه....وقالولي لو ده الدفايه وقتها لاني شكيت فيها لازم الميه تنقص م الردياتير...يبقي لو الميه نقصت عندك تبقي الدفايه..لكن لو منقصتش يبقي الخرطوم

[MuhamedNabil]

الحمد لله انهردة اتأكدت من مكان تسريب المياة فيين بعد مالخطة نجحت و موضح فى الصورة فى الديرة الحمرة الكبيرة و المشكلة فى جوان البين الماسورتيين






الجوانات مواضحيين فى رقم 6
لسة مش عارف حفتحها امتى عشات على فورم بيجو بيقولوا لازم افاضى مية الرادياتير

[ahmedkhater]

انا قريت الموضوع بيتاعك يا محمد من فترة .. و بقالي اسبوع الميه بتنقص من الراديياتير بشكل رهيب مع اني كنت لسة عامل صيانة لدورة التبريد و اختبرت كل الخراطيم بالضغط .. النهاردة و انا بغسل العربية الولد قاللي فيه ميه كتير في الدواسة تحت رجل السائق .. و افتكرت الموضوع بتاعك لأنها نفس المشكلة فياريت تقوللي انت وصلت لايه و حليت المشكله ازاي .. يا ترى صلحتها بنفسك و حاجة بسيطة ولا محتاجة لصنايعي و قطع غيار .. و شكرا جدا لأنك بتعرض خبرتك

[MuhamedNabil]

انا كنت فى مركز الحدمة و عملوهالى بتخفيض عشان انا اصلا مكنتش عايز اعملها عندهم , المهم هما بيشخصوها سربنتية الدفاية و بسصلحوها ب 350 فى حين الموضوع كله ياخد 15 دقيقة فى تغيير كوتشتين صغيريين جدا ممكن يطلعوا ب 5 جنيه مثلا.
ولاهى لو حضرتك ليك فى الشغل بأيدك توكل على الله و لو ملكش وديها لاى مكانيكى نضيف حيخلاصهالك و بعد لما تغيرهم بتكون المياة نقصت كتير و بتحتاج تزودها و تتأكد ان الدايرة مفيهاش هواء
عشان توصلهم بتفك 3 مصامير غالبا 2 بتوع الفيبر المغطى الجزء الجنب رجلك و بتحتاج طقم الن كى نجمة ده مهم لازم للعربية دى و بعد كدة مسمار واحد هو الرابط الماسورتين ببعض.
و بالنهار الموضوع بيكون واضح لو حتعملهل بنفسك و لو محتاج حاجة قولى انشاء الله لو فى استطعتى حسعدك

[Ahmed Amin]

مبروك علي تصلح العيب..
ممكن أعرف أنهي مركز خدمه اللي عملتها عنده ؟
وأعتذر عن ردي الغير منطقي بالأعلي.. لم أقصد به الهزار.

[MuhamedNabil]

انا عملتها فى مودرن سيرفيس و بس زي مقلت فى الاول هم بيشخصوها تصليح سربنتينة التكييف و بيحسب مصنعية غالية لو حضرتك متأكد ان المياه بتنزل من هنالك اعملها فى حتة تانية لان الموضوع كله 30-40 جنيه مصنعية يدوب عليه لان انت رايح اصلا و مشخص العيب .