Tweet
لمبة النور العالي عندي اتحرقت ورحت اغيرها عند الكهربائي فقالي ان اللمبه دي مش موجوده في السوق .. وجابلي بدالها لمبه تانيه مختلفه عنها بيسموها ( لمبه صاروخ ) وقطع الفيشه بتاعت اللمبه الاصليه ولحم السلك في اللمبه الجديده ..ومشيت على كده بس كان فيه مشكلتين إن النورمش مظبوط يعني ضارب يمين اوي وماينفعش يتظبط لان اللمبه ما لهاش مكان في الفانوس تتثبت فيه إنما مرميه جوه الفانوس وخلاص وزي ما تيجي..والتانيه إن ضهر الفانوس مكان ركوب اللمبه الاصليه مفتوح لأن اللمبه الجديده مش قافله المكان اللي المفروض يتقفل تماماً باللمبه وكمان بيكون فيه غطا كاوتش بيركب فوقها وطبعاً ما ركبش ، وكده الفانوس بعد فتره هيتملي تراب ويتجرح وإضائته تضعف وما يكونش ليه حل إلا التغيير..
المهم اخدت اللمبه القديمه وقلبت الدنيا عليها .... سألت عند كل بتوع الاكسسوار وقطع الغيار ونزلت التوفيقيه ورحت التوكيل ( وجيه اباظه غمره ) قالو لي دخل العربيه الورشه .. عملت كده وبعدين خرجوها تاني وقالو اللمبات دي مش موجوده رحت ( جلوبال )في شارع بورسعيد و ( مصطفى شوقي ) مكرم عبيد و( نور ) و( رضا عشماوي) شارع بورسعيد و( فاروق عمران ) شارع دمشق ... ولفيت شارع دمشق كلله ...والحمد لله اخيراً جابهالي محل إكسسوارات في شارع دمشق اسمه ( مركز دمشق - احمد عيسى ) وهوه قدام محطة شل .. واللمبه دي الماني الموديل بتاعها ( h2 ) و بعشرين جنيه ..
انا باعتذر عن الاطاله بس بحاول احكي الموقف اللي اتعرضتله علشان ماحدش غيري يلف اللفه دي تاني ، وربنا يجازيني بالخير ان شاء الله .
المهم اخدت اللمبه القديمه وقلبت الدنيا عليها .... سألت عند كل بتوع الاكسسوار وقطع الغيار ونزلت التوفيقيه ورحت التوكيل ( وجيه اباظه غمره ) قالو لي دخل العربيه الورشه .. عملت كده وبعدين خرجوها تاني وقالو اللمبات دي مش موجوده رحت ( جلوبال )في شارع بورسعيد و ( مصطفى شوقي ) مكرم عبيد و( نور ) و( رضا عشماوي) شارع بورسعيد و( فاروق عمران ) شارع دمشق ... ولفيت شارع دمشق كلله ...والحمد لله اخيراً جابهالي محل إكسسوارات في شارع دمشق اسمه ( مركز دمشق - احمد عيسى ) وهوه قدام محطة شل .. واللمبه دي الماني الموديل بتاعها ( h2 ) و بعشرين جنيه ..
انا باعتذر عن الاطاله بس بحاول احكي الموقف اللي اتعرضتله علشان ماحدش غيري يلف اللفه دي تاني ، وربنا يجازيني بالخير ان شاء الله .
Comment