واخيرا وجدت الحل لاصفرار فوانيس ال307

[maclaren722]

كان عندى مشكلة ف فوانيس البيجو307 وفكرت كتير انى اركب باغات جديده لحد ما احد الاعضاء الكرام دلنى على محل محترم لعمل وصب الباغات ف العمرانية وفعلا رحت هناك وشافوا الفوانيس وقرروا انهم هيعملوا باغات جديدة وباذن الله هصور وارفع الصور وعلى العموم صاحب المحل اسمه أ.مصطفى وعنوانه 24 ش الثلاثينى العمرانية الغربية بجوار حى العمرانية ولو الاداره شايفة انى ده اعلان للمحل ف انا اسف جدا وعلى العموم ده رقمه 0125427663 وقولوا احنا من طرف احمدعلام بتاع البيجو 307 من اكتوبر وهو هيعمل معاكم احلى واجب وعلى فكره اسعاره كويسه وشغله نضيف وكمان عنده وشوش جاهزه واسف على الاطالة وباذن الله هارفع الصور بكره علشان تقول لى رايكم

[abdalah_hashem]

حضرتك قلت وجدت الحل انا افتكرت انة حاجة زى غسيل او مادة معينة تلمعة بيها
انت كدة عملت واحد جديد :))

[ameerahmad]

ممكن الاسعار ؟

[mbx4e]

انا قلت لك على حوار الصب دا بس مقلتلكش على العمرانيه دي خالص تصدق الورشه دي عند بيت جدي
مين اللي وصف لك هناك
بالمناسبه انا ساكن في اكتوبر بردك

[mbx4e]

ممكن الصور والاسعار

[maclaren722]

بالنسبة للصور هارفعها قريب وبالنسبة للاسعار هو بياخد على الفانوسين 400 جنية بس اهم حاجة تكون جنبه وهو بيشتغل علشان الفوانيس دى فيها شغل يدوى كتير وبالاخص الجزء البومبيه ف الفانوس علشان لازم يكون مظبوط علشان الاضاءة تكون مركزه زى الفانوس الاصلى وعنوانه 24 ش الثلاثينى العمرانيه الغربيه وانا بصراحه روحتله علشان بتوع شركة الاهرام الى ف التوفيقية قالولى تسيب الفانوس 4 ايام وعلى فكره الصنايعى اللى بيعمل الشغل هناك هو نفس الشخص اللى بيشتغل ف الاهرام بتاع التوفيقية وميدان الضاهر واسف على التاخر ف الرد

[amadjoo]

مبروك يا باشا وان شاء الله يكون نضيف لأنه برضه غالى مش رخيص

وياريت ترفع الصور علشان نشوف الشغل

تحياتى

[maclaren722]

الصور رفعتها الشركة على الجروب بتاعها على الfacebookوده اللينك بتاع الصوره الاولىhttp://www.facebook.com/photo.php?fbid=147372168658565&set=o.1992734867668 82&pid=302113&id=100001573496013
ولينك الصوره التانية هو دهhttp://www.facebook.com/photo.php?fbid=147373405325108&set=o.1992734867668 82&pid=302125&id=100001573496013
وشوفوا الصور وقولولى ايه رايكم

[khaled_yassin]

مبروك يا باشا

[mbx4e]

شغل حلو جدا زي ماباين في الصور بس اهم حاجة نضافة الفنش والدقة في الشغل
بالنسبة للسعر دا حاجة نسبية وبتختلف على حسب الشغل بومبيهات او تضليعات كمان نوع العربية والموديل ودا برده راجع للشخص لما بيقارنه باسعار الاصلي وخصوصا لو ماكانش متوفر غير فوانيس كاملة سواء استيراد او اصلي بتفرق جامد

[mbx4e]

بالبلدي بالنسبة ل 307 مش 400 جنيه ارخص من شرا فوانيس؟؟ صح ولا متوفر لها وشوش جاهزه ؟؟ ارجو الرد

[maclaren722]

الفوانيس بتاعتها صينى عاملة 1050 للاثنين من عند خالد كولومبه ف جسر السويس واستيراد 900

[ahmedelganainy]

السلام عليكم ورحمة الله

انا بفكر اشتري 307 sw موديل 2006 او 2007 وشوفت علي النت ان كذا واحد اشتكي منها ومن الفتيس والاعطال الكتير لدرجة انهم بينصحوا ان محدش يجبها
فلو سمحتوا لو حد معاه العربيه وجربها فتره طويله ياريت يقولنا عن العربيه هي كويسه ولا لا وايه مشاكلها وايه عيوبها
وهل ينصحنا بيها ولا لا
وشكرا واسف علي التطويل
السلام عليكم

[RedBull_30]

على فكرة يا جماعة موضوع اصفرار الفانوس ده امره سهل بس من الاول .. اول ما تجيب العربية وهي لسة جديدة هات البوليش واعمل بيه الفوانيس ولمعها كويس واعمل كده كل 6 شهور وباذن الله مش هيحصلها حاجة و سواء كانت باغة او ازاز هيبقى نفس النتيجة باذن الله هتلاقيها بتلمع معاك علطول ولونها مش بيتغير

[A.Lotfy]

ايه الجمال ده ... الفوانيس كأنها جديدة