شكر خاص للاخ الزميل: aboomar22

[MEDO84EG]

السلام عليكم و رحمه الله و بركاته
بصراحه انا حابب اقدم الشكر الواجب عليا للاخ العضو
aboomar22
لانه ما شاء الله انسان متعاون جدا
من ساعه ما اشتريت عربيتي و هو بيساعدني بكل شيء و مش بيبخل عيلا بمعلومه
و بيعاملني كأني اخ بجد
و خايف علي مصلحتي و علي عربيتي كأنها بتاعته
بجد عجز الكلام عن شكره و ادبه و اخلاقه و تواضعه
فحبيت اشكره هنا
لاني كان ليا شرف التعرف بيه هنا
الف شكر ليك استاذ ابو عمر
و مش هقولك غير شيء واحد
ان سيدنا محمد قال
كان الله في عون العبد ما دام العبد في عون اخيه

[MEDO84EG]

و يستمر العطاء
و هذا الرجل اللي هو رجل بمعني الكلمه يجي معايا لليوم التاني علي التوالي عند الميكانيكي
و ما شاء الله
و الله بيشد علي الميكانيكي و بيحرص معاه اكتر من حرصي نفسي علي عربيتي
صحيح باين ان العربيه متبهدله و فيها شغل بالهبل
لكن معرفتي بانسان زي ابو عمر مكسب كبير جدا اكبر بكتير من الجهد اللي بيبذل في اصلاح هذه السياره
ربنا يبارك فيك يا ابو عمر و يحفظك من كل سوء

[aboomar22]

يا اخى اخجلتنى انا معملتش حاجة والله انت اللى انسان محترم جدا وياريت فعلا اقدر اعمل حاجة وبعدين الشكر لمنتدى نايل موتورز اللى عرف الناس ببعضها

[MEDO84EG]

لا و الله يا ابو عمر
دا حضرتك و الله اللي فرحتني جدا
و الله انا فرحت جدا بمعرفه حضرتك و الله العظيم
و ان شاء الله معرفه لا تنقطع
العربيات بتروح و تيجي لكن معرفه الناس كنوز
و بجد يا ابو عمر بارك الله فيك

[mbx4e]

كاربراتير ويبر 34 تي ال سي اللي محتاجه والسعر حسب التفاق مش هانختلف وعلى التجربة ودي نمرتي
0145749045 بالمناسبه فيه شفاط اتوماتيك فاكيوم بوابته اللي فوق الكبيره مش الصغيره زي السولكس

[mbx4e]

ساعدني في بيعه يا ابو عمر هو ينفع ل 305 ؟؟؟؟؟؟؟؟؟؟
بالمناسبه قطره حوالي 12 او 10 سم من فوق هو 305 ليها عمة قي المقاس دا ؟؟؟؟؟؟؟؟

[MEDO84EG]

و يستمر العطاء الي شيء يفوق الوصف
تخيلوا يا جماعه امبارح الميكانيكي بيخلص في العمره و بيكرب الموتور علشان يدور
بصراحه انا فضلت مستني لاني نفسي اشوفها بتدور بعد اسبوع كامل من الاصلاحات
المهم فضلت مع الميكانيكي و العجيب اني اول ما جيت سألت علي ابو عمر قالولي انه جه قبلي مرتين في نفس اليوم!!!
و صعب عليا تعبه
قلت اكلمه اشكره
فخفت و انا بكلمه يعرف اني في الورشه لحسن يجي تاني و اتعبه معايا اكتر
المهم بعد العشاء كده لقيته جه من نفسه
و فضل يوجه الميكانيكي و يعلق علي دي و يقوله عدل دي و اعمل دي
اكتر من تعليقاتي انا نفسي

ما شاء الله
و الاغرب انه فضل معايا مسابنيش الا لما دارت
و فضل معايا لحد الساعه 11:30 مساءا
بجد اخجلني جدا
انسان ما شاء الله عليه
شيء فوق الوصف

[aboomar22]

وبعدين بقى ياراجل الناس لبعضيها

[MEDO84EG]

و الله يا استاذ ابو عمر حضرتك بجد متتصورش انا سعيد بمعرفه حضرتك قد ايه
و كمان و الله انا فرحت جدا ان العربيه كانت سبب لتعرفي بحضرتك
و علي الرغم من اني سعيد ان العربيه قربت تخلص لكن بجد حزين
لاني كنت بشوف حضرتك يوميا
و بجد و الله انا سعيد بمعرفه حضرتك لاشياء كتير
1- الجدعنه الزايده و الملفته للنظر
2-حرص حضرتك علي مصلحتي و من غير حضرتك حتي متعرفني
3-التفاني الشديد و ان حضرتك دايما توجه الميكانيكي و بتطلب منه انه يهتم جدا حتي اكتر من تشديدي عليه
4-المعامله الاخويه و اللي تماما لوجه الله
و الله مش عارف اقول ايه
يا جماعه الاستاذ ابو عمر ده كنز بجد
الله يبارك في حضرتك و في اولاد حضرتك يا رب العالمين

[أحمد علوان]

ما شاء الله عليك يابو عمر ربنا يباركلك واحنا كلنا هنا فرحانين ان فيه ناس محترمة بالشكل ده موجودة معانا هنا في المنتدى
ربنا يباركلك ويجازيك كل خير

[MEDO84EG]

و يستمر العطاء
و يستمر ابو عمر في مساعدتي بتفاني رائع
امبارح فضل معايا لحد 10:30 مساءا
يجي من شغله يجري علي الميكانيكي و يفضل معاه و بعدين يمشي شويه و يرجعله تاني
و علي كده يوميا
و الله مهتم بالعربيه اكتر مني بكتير
و دايما يشدد علي الميكانيكي
طب الطريف يا جماعه ان امبارح و الميكانيكي بيلين اكتشفنا ان الدينامو مش شغال
جه ساعتها ابو عمر
و قالي ايه
كده البطاريه هتطير
قلتله منا عارف ( و الصراحه اتحرجت اقول للميكانيكي )
لقيت ابو عمر قاله ايه ده انا هروح اجيب كهربائي
و طيران رحنا جري و عرفني بكهربائي و جابه في ايده و شدد عليه اوي بردو و قالو يخاي باله من عربيتي جامد
و بعدين رحنا للعربيه
الكهربائي من فضل الله شغل الدينامو
و انا بحاسب الكهربائي
ابو عمر طيران مسابنيش لوحدي و وقف معايا
الكهربائي طلب مبلغ رحت مطلعه و بديهوله
لقيت ابو عمر اعترض و قاله : ايه يا عم انت هو انت عملت ايه خد دول و بس كفايه
و خفض معاه مبلغ المصنعيه للنصف
و الله الموضوع مش موضوع فلوس
الموضوع موضوع شهامه
و كمان الميكانيكي اكتشف ان فيه سلندر من الاربعه مش شغال و كلم الخراط و قاله طب ابقي هاتلي القطع اللي اشتغلت فيها تاني
الميكانيكي قال اخر النهار هوديه
ابو عمر قاله ايه؟ اخر النهار ايه
من الظهر بالكتير توديهاله و تجيبها و تجرب تاني
بصراحه واحد غيره كان ريح دماغه
او من اساسه واحد غيره بالكتير كان اداني نمره تليفون الميكانيكي و بس
بجد انا سعيد جدا و الله
مش علشان تظبيط عربيه
لاني بجد كسبت انسان ما شاء الله عليه

[أحمد علوان]

يا ميدو عرفني على ابو عمر انا هاخش على عمرة قريب
وكمان انت مردتش عليا الميكانيكي ه فين عشان انا عايز اروحلة طالما بيفهم في ال 305 هو فين يا ريت ترد عليا مستني ردك بليز

[aboomar22]

ياباشا انا تحت امر حضرتك ويسعدنى معرفتك وبخصوص العمرة انتظر بس شوية لما ميدو يخلص ونشوف اخبارها ايه معاه انا الحمد لله كويسة قوى معايا نشوف ميدو بعد مايخلص هيحصل ايه وده رقم موبايلى 0166671495

[MEDO84EG]

يا ميدو عرفني على ابو عمر انا هاخش على عمرة قريب
وكمان انت مردتش عليا الميكانيكي ه فين عشان انا عايز اروحلة طالما بيفهم في ال 305 هو فين يا ريت ترد عليا مستني ردك بليز

اخي العزيز
بارك الله فيك
ان شاء الله نروحله سوا
بس زي ما الاستاذ ابو عمر قال
استني لحد ما انا اخلص علشان هو مش بيفتح كذا محرك سوا
و كمان علشان نديك نتقرير ثنائي
و ان شاء الله خير
و هنعرفك كمان علي محلات قطع غيار جديد و مستعمل استيراد

[أحمد علوان]

اخي العزيز
بارك الله فيك
ان شاء الله نروحله سوا
بس زي ما الاستاذ ابو عمر قال
استني لحد ما انا اخلص علشان هو مش بيفتح كذا محرك سوا
و كمان علشان نديك نتقرير ثنائي
و ان شاء الله خير
و هنعرفك كمان علي محلات قطع غيار جديد و مستعمل استيراد

ربنا يباركللكم ويوفقكم انا ان شاء الله موضوع العمرة قدامي شهرين ولا حاجة يكون ربنا فرجها هاهاهاهاه
وان شاء الله مستني دوري
وشكرا مقدما للاخ الفاضل أبو عمر