العربية اللي حلتي باظط الحقونيييييييي

[أحمد علوان]

يا بيجوهاوية يا ريت تلدوني على ميكانيكي بيفهم في ال 305 ويكون كويس
ويا ريت تشوفوا اللي حصل في العربية على الرابط ده

http://www.nilemotors.net/Nile/210337-a.html#post3873389146

وعايز اعرف العمرة تتكلف كام
وهاعوز اية
وانا سألت انهاردة على علبة عمرة (بساتم وشمايز) لقيت التركي ب 625
والصبابات والسبايك كل واحدة ب 135
يا ريت تقولولي اية بكام
وياريت لو فيه حل غير العمرة عشان الفلوس والوقت مش مناسب ليها نهائيييييييييييي

[أحمد علوان]

آه انا بقالي فترة باسأل زميلنا اللي بيعمل عمرة الاستاذ medo84eg على الميكانيكي اللي بيعمل عنده العمرة عشان كنت عايز ميكانيكي كويس ضروري وهو قالي بعدين وانا مردتش اتقل علية ورحت للي خربلي العربية ده
يا ريت حد يدلني على ميكانيكي كويييييييسسسسسسسسسسسسسسسس

[أحمد علوان]

وموضوع علبة العمرة التركي ده كويس ولا اية؟

[aboomar22]

بص يا باشا كل ده هيبان للاسف بعد فتح الموتور ممكن يكون حاجة بسيطة ويحتاج الى طقم شمبر فقط زى عربيتى كده لكن مكن تغير الصبابات والدلايل وطبعا هتملا اسطوانة دبرياج وطقم جوانات اظن ب 130 جنيه وممكن تحتاج شمايز وبساتم او كامة وعمود تاكيهات اللى هيقولك اسعار كل حاجة ميدو لانه كاتبها وكمان هو اصلا مهندس فبيفهم فىالميكانيكة عموما مؤقتا استعمل زيت تقيل ممكن شل للمواتير القديمة او الاماراتى مش فاكر اسمه فاسكو تقريبا علبه خضراء زيت تقيل لحد ماتشوف هتعمل ايه

[أحمد علوان]

أخي ابو عمر
شكرا لتشريفك الموضوع
انا باستعمل زيت تعاون كوب فاكت (للديزل) مفيش اتقل من كدة
انا عايز ميكانيكي كويس يشوفلي العربية
ويقولي اية اللي ممكن يحصل ويتكلف كام عشان اظبط نفسي وانجز الموضوع ده قريب فياريت تلدني على الميكانيكي اللي انت وديت الزميل العزيز ميدو يعمر عربيتة عنده
على فكرة الموتور كان اساسا خفيف
والمهندس ميدو لسة مش كاتب كل حاجة هو كان كاتب طقم بساتم ( بالشيميز و الشنبر ) تركي 825 جنيه انا لقتهم ارخص
يا ريت لو ينفع نظبط اجيلك يوم توديني للميكانيكي ده او تقولي هو فين ربنا يجازيك خير عني
وخصوصا ان امبارح وانا مروح من الشغل العربية عطلت في طريق السويس ولك ان تتخيل وضعي كان اية عقبال اما جبتها العباسية عن والدي وتخيل الوضع لو كان معايا زوجتي وابني كان الحال هايكون اية
انا عايز انجز عشان اعرف اروح شغلي واعرف اتنقل بزوجتى وابني
مستني ردك

[MEDO84EG]

اخي العزيز
مفيش تتقيل و لا حاجه و الله احنا اخوات
بص يا سيدي صلي علي النبي
و الله انا متلحوس في العربيه و عاوز اخلص كل شيء علشن انت تتفادي الاخطاء اللي انا وقعت فيها
بس مش مشكله تعالي نروح للميكانيكي و انا ممكن اقولك علي سعر كل قطعه في الموتور و تحت امرك في اي شيء
لو حابب تتواصل معايا علي الخاص و اديلك نمرتي و نتقابل ماشي
عاوز اديلك نمره الميكانيكي و تروحله ماشي
انا تحت امرك

[MEDO84EG]

بس نصيحه مني بجد
متفتحش الموتور الا لما يكون معاك ميزانيه في حدود 3000 جنيه علشان صدقني الموتور لو اتفتح و اتعمل صح انسي
يبقي فعلا كانك معاك موتور جديد زيرو مش مجرد موتور متصلح او استيراد
هيبقي احسن من الاستيراد مليون مره و بالدليل
و لو عاوز اقولك الفرق تحت امرك

[ahmedhossam86]

http://www.nilemotors.net/Nile/182645-a.html

[MEDO84EG]

مشكور استاذ احمد حسام