ماتور 305

[peugeot305]

انا عندي 305 موديل 80 عملتلها طقم شنبر وغيرت شميز علشان فية عتب

خلصت وظبت تاكيهات و مليت اسطوانة الدبرياج بالمرة و بدين طلعت السويس
العربية اخرها 120 كيلو ساعة و الماتور صوتة عالى جدا جدا و في 60 بحس بصوت شبة صوت مكنة الطعمية عند بتوع الفول بعد 60 الصوت بيروح ده عادي على قد سنها و لا مش عادي و في حاجة غلط

[aboomar22]

سبحان الله تعرف انى لسه كنت هكتب اسال على حضرتك وعن الاستاذ احمد علوان وميدو انتوا بعد العمرة مش باينين ليه اولا ان شاء الله تكون بخير وبعدين انت المفرض بتلين بلاش تقرص على الموتور قبل 1000 كيلو غالبا صوت الموتور عالى من التاكيهات بعد العمرة بيفتح التاكيهات علشان متسخنش وبعد 1000 كيلو بتظبطها تانى غالبا بعد متظبطها الصوت هيبقى احسن راجع الميكانيكى اللى عمرت عنده يبص على الصوت ده وابقى عرفنا كلفت كام وكمان احمد علوان ياريت يعرفنا اخباره ايه والعمرة بتعته اخبارها ايه

[peugeot305]

الميكانيكي هوه اللي قال كده

انا كنت عديت 1000 كيلو و ظبت تاكيهات عند الميكانيكي و قال امش عادي و سافر كده تمام علشان كده قلت اشوف اخبار السرعة

[أحمد علوان]

السلام عليكم

أخي peugeot305 الصوت اللي بيبقا عند سرعة 60 ويروح عند التمانين ده ممكن يكون كهربا وحصل مع اخويا في عربيتة مازدا 323 وحصلت معايا في البيجو بس معايا انا استحملتها لقتها زادت وكانت العربية بتصقف لو جيت اقرص في الغيارات او لو كبست بنزين مرة واحدة
شوف ميكانيكي يظبطلك الاسبراتيرز وان شاء الله حاجة بسيطة جدا

سبحان الله تعرف انى لسه كنت هكتب اسال على حضرتك وعن الاستاذ احمد علوان وميدو انتوا بعد العمرة مش باينين ليه اولا ان شاء الله تكون بخير وبعدين انت المفرض بتلين بلاش تقرص على الموتور قبل 1000 كيلو غالبا صوت الموتور عالى من التاكيهات بعد العمرة بيفتح التاكيهات علشان متسخنش وبعد 1000 كيلو بتظبطها تانى غالبا بعد متظبطها الصوت هيبقى احسن راجع الميكانيكى اللى عمرت عنده يبص على الصوت ده وابقى عرفنا كلفت كام وكمان احمد علوان ياريت يعرفنا اخباره ايه والعمرة بتعته اخبارها ايه

أخي أبو عمر انا بس اليومين اللي فاتو دول كنت مبخشش على المنتدى والعربية يا دوبك لسة دايرة امبارح وبتلين وان شاء الله هاعمل موضوع عن كل حاجة في العمرة أول ما استلم العربية.
اصل النت دلوقتي مش متاحة قدامي كتير مع ان شغلي معظمة على النت لكن مابدخلش على المنتدى
صحيح انت عملت اية في موضوع الموبينة والاسبراتير عندك؟

[MEDO84EG]

سبحان الله تعرف انى لسه كنت هكتب اسال على حضرتك وعن الاستاذ احمد علوان وميدو انتوا بعد العمرة مش باينين ليه اولا ان شاء الله تكون بخير وبعدين انت المفرض بتلين بلاش تقرص على الموتور قبل 1000 كيلو غالبا صوت الموتور عالى من التاكيهات بعد العمرة بيفتح التاكيهات علشان متسخنش وبعد 1000 كيلو بتظبطها تانى غالبا بعد متظبطها الصوت هيبقى احسن راجع الميكانيكى اللى عمرت عنده يبص على الصوت ده وابقى عرفنا كلفت كام وكمان احمد علوان ياريت يعرفنا اخباره ايه والعمرة بتعته اخبارها ايه

اخي العزيز
انا فعلا مقصر مع حضرتك
بس اصلي ملخوم في العربيه
انا منتظر اخلص كل شيء في التليين علشان في حاجات بتظهر معايا
و اللي ان شاء الله هيعمل عمره بعدي و ياقرا الموضوع اللي هعمله ان شاء الله بجد هيتوهم

[peugeot305]

غيرت وظبت الكهربا

غيرت البوجيهات و ظبت الاسبراتير
الصوت راح على الستين بس السرعة مبتعديش 120
لسه يا ترى اية السبب

[aboomar22]

هل صوت الموتور بيعلى والعربية مبتجريش يبقى ده ممكن يكون اسطوانة دبرياج لكن لو الموتور مش بيعلى عن حد معين ممكن يكون كاربراتير وبعدين 120 حلو قوى اكتر من كده فى عربية قديمة مش كويس

[MEDO84EG]

هل صوت الموتور بيعلى والعربية مبتجريش يبقى ده ممكن يكون اسطوانة دبرياج لكن لو الموتور مش بيعلى عن حد معين ممكن يكون كاربراتير وبعدين 120 حلو قوى اكتر من كده فى عربية قديمة مش كويس

بص يا سيدي
هو طبعا بعد كلام ابو عمر مفيش كلام لانه ما شاء الله عليه دكتور ال 305
بس ليا كلمتين هما مجرد تفصيل لكلام استاذنا ابو عمر
بص يا سيدي
صلي بينا علي النبي
دلوقتي موضوع السرعه ده لازم نمسكه حته حته
اول شيء من الاحتمالات يا اما الجزء الميكانيكي يا اما الجزء الكهربي
و انت لسه مظبط كهرباء يعني خلاص كده ميه ميه
نيجي للميكانيكا
بص يا سيدي
نمسكها حته حته بردو
عندك مثلا بدايه من الكربراتير ممكن يكون هو لانه وظيفته انه يغذي المحرك بخليط من الهواء و البنزين
فدي ممكن نعرفها منين يا ريس
من ال ار بي ام شوفه كام
لو اكتر من 3.5 يبقي المحرك شغال تمام و بيطلع ار بي ام كتير و جايب اخره يبقي كده ممكن يكون اسطوانه زي ما استاذنا ابو عمر بيقول
لكن لو اقل يبقي ممكن يكون كربراتير
جرب كده و قلنا شوف ال ار بي ام كام
و لو كان اخرها ممكن بردو نشوفلك صرفه متقلقش
لو عاوزها تجيب 220 ان شاء الله نخليهالك تطير كمان
و صحيح انت 1500 و لا 1300

[peugeot305]

العربية 1500 cc

العربية 1500 cc
بس معنديش عداد RBM انا موديل 1980

[aboomar22]

تصدق بقى لو فلتر البنزين مسدود او مش نظيف ممكن يعمل المشكلة دى

[MEDO84EG]

طب حاول تعرفلنا بيبقي صوت الموتور عالي و انت علي ال 120 يعني بتحس انه بيجعر و جايب اخره ؟و لا بتحس انه ممكن يجيب تاني بس مش بيستجيب ؟و الف شكر للاستاذ ابو عمرراجل بمعني الكلمه ما شاء الله

[peugeot305]

حاسس انة بيجعر و بيجيب اخرة

حاسس انة بيجعر و بيجيب اخرة بس دواسة البنزين لسة فيها كمان
و غير فلترين البنزين بتوعها الوضع قائق و غيرت بوجيهات

[aboomar22]

حاسس انة بيجعر و بيجيب اخرة بس دواسة البنزين لسة فيها كمان
و غير فلترين البنزين بتوعها الوضع قائق و غيرت بوجيهات

كده اظن انها مشكلة دباياج طيب انت جرب اطلع امريكانى كده تشوف ادائها عامل ايه وبرضه حاول تعما امريكانى كده من الاول الى الثانى وهيبان معاك ممكن تكون الاسطوانة وحشه وخصوصا موضوع الملىء بيبقى مش دايما كويس

[peugeot305]

العربية بتطلع امريكاني كويس

العربية بتطلع امريكاني كويس من الاول للتاني