استفسار عن نظام تبريد بيجو 405

[refa3y2]

السلام عليكن و رحمة الله وبركاته
عندي استفسار عن نظام تبريد بيجو 405 عربيتي بقطع بيها كل يوم حوالي 160 كم ذهاب و عودة للعمل من حوالي اسبوعين لقيت العربية حرارتها عدت 90 مع انها اصلا اول مرة توصل 90 المهم اطفأت التكييف لما رجعيت البيت راجعت الريداتير وجدت الماء ناقص خوالي لتر المهم بغد كدة الحرارة اتظبطت لكن و انا بعمل الصيانه الاسبوعية ( اراجع الزيت ونظافة عامة وز.....الخ) ايضا وجدت الماء ناقص حوالي لتر!!!!!!!!!!
هل هذا عادي ولا لأ و بعدين الحرارة القصو للبيجو 405 المفروض تكون كام؟؟؟؟
علما ان انا استخدم ماء اخضر
عذرا للاطالة

[mohamedadelemam]

السلام عليكم..حضرتك هى بتسخن مع التكيف بس؟..ولو مع التكيف بس حضرتك بتلاحظ إن السرعة العالية للمراوح بتشتغل مع شغل التكيف ولا لأ؟....بإذن الله خير

[refa3y2]

اولا شكرا على اهتمامك و سرعة الرد
حقيقة اول مرة تسخن مني هي ديه اصل انا لسه شاريها من حوالي 6 شهور
ثانيا السرعة العالية للمرواح اشتغلت لما الحرارة كانت بين 90 و 100 وبعدين الحرارة نزلت ما بين 70و 90 و بعدين رجعت تاني زادت حتى وصلت 90 كل ده والتكييف شغال

[Nour_Peugeot]

الحراره الطبيعيه لل 405 اساسا 92 درجه و اغلب البيجو كده

حضرتك لما بتزود مياه بتاخد هوا من دوره المياه ؟؟ تاني حاجه راجع علي كتاوت المراوح لو بتاخد فعلا هواء من دوره المياه يبقي في مشكله في المراوح بس لو بتعدي 90 بحاجه بسيطه فداه طبيعي

[ahmed2y]

شوف حضرتك موضوع نقصان المية والمعدل بتاعة انا مش عارف قوى الموضوع دة لكن من الافضل لما تزود مياة يكون الصبح قبل ما تدور العربية وهى باردة عشان مش بتكون دورة التبريد مظغوطة ومتاخدش هواء منك الصبح بقى تفتح وتزود مية وتقفل وتتاكد من قفل الراديتير كويس وتتكل على الله

وشوف برضو راى باقى الاعضاء هيفيدوك اكتر

[mohamedadelemam]

السلام عليكم..حضرتك المفروض السرعات العالية للمروحة تشتغل بمجرد شغل التكيف..هو دا السبب فى اللى حصل عند حضرتك..ودا غالبا بسبب الإكسبنشن لأن حضرتك أكيد رحت لحد بتاع تكيفات وكبس دورة التكيف عشان يعرف مكان تسريب..صح؟!!!..ودى أكتر حاجة بتبوظ الإكسبنشن...عموما الحل إن حضرتك تغيره أو تلغيه

[refa3y2]

السلام عليكم..حضرتك المفروض السرعات العالية للمروحة تشتغل بمجرد شغل التكيف..هو دا السبب فى اللى حصل عند حضرتك..ودا غالبا بسبب الإكسبنشن لأن حضرتك أكيد رحت لحد بتاع تكيفات وكبس دورة التكيف عشان يعرف مكان تسريب..صح؟!!!..ودى أكتر حاجة بتبوظ الإكسبنشن...عموما الحل إن حضرتك تغيره أو تلغيه

اسف بس انا مش فاهم ممكن حضرتك توضح اكثر لان فعلا انا ذهبت إلى ورشه لضبط التكييف قبل الموقف بحوالي اسبوعين إلا انني لم اشغل التكييف بعدها نظرا لأن الجو كان جيدا

[mohamedadelemam]

السلام عليكم..حضرتك بتوع التكيف بيضغطوا دورة التكيف هواء بضغط عالى جدا عشان يكتشفوا أى تسريب...بس بكدا بيبوظوا حاجة إسمها إكسبنشن...مع تشغيل التكيف تلاقى حضرتك العربية حرارتها بتزيد جدا وفى نفس الوقت السرعة العالية مش شغالة..فى الحالة دى ممكن تلغى الإكسبنشن زى عندى أو تشترى واحد جديد

[Omar_H]

سؤال يا رجالة هو الواحد إزاي بياخد هوا من دورة المية ؟؟

[mamado405]

سؤال مهم

ياريت حد يقول لنا حكايه اخد الهوا دي تتعمل ازاي

[Nour_Peugeot]

اخد الهوا في ال 405 سهل جدا اسهل طريقه من الردياتير علطول شوف مكان غطا الردياتير علي الشمال لما تفتح الكبوت

اخر الرديايتر من اليمين في كده بوز صغير ظاهر بتعمله ب كماشه و تلفه انك تفتحه و تسيبه يطلع الجواه لغايه لما تطلع مياه صفيه

و فيه ممكن تاخد هواء من الكوعه هتلاقي بلف سغير كده ممكن تفتحه تاهد هوا و لما يطلع مياه بس تقفله بس المياه بتبقي سخنه

[mohamedadelemam]

أستاذ نور سبقنى ..دايما سباق للخير..بارك الله فيك

[mmshalaby]

سلام عليكم، طب يا جماعة معلش انا معايا 405 موديل 1994 (زى بتاعت الشرطة دى) و بقطع برضه حوالى 180 كم فى اليوم. طرمبة المية بعد اما غيرتها، العربية بقت حرارتها بتعدى التسعين بشوية (قرب ال 100 مثلا) و بعدين اسمع المراوح وكله تمام

الفكرة بقى انه زمان (العربية معانا من 1994 يعنى) كانت الحرارة مش بتعدى ال 90 دى خالص، هيه توصل 90 و بعدين تنزل تانى.
تانى حاجة بقى انى بسبب كده بخاف اشغل التكييف تسخن زيادة (والجو اليوميين دووول انتو عرفيييين)

فهل فى علاقة اصلا ولا لأ بموضوع الطرمبة ده؟ وامتى ابطل العربية (لو الحرارة وزصلت لكام، لقدر الله)؟
وهل اشغل التكييف عادى كده؟ ولو شغلته امتى اوقفه؟

واسف على الاطالة

[mohamedadelemam]

السلام عليكم..حضرتك هى السرعة المنخفضة فى المراوح مش بتتسمع يمكن دى بتبقى صوت السرعة العالية ودا دليل على إن فى حاجة مش مظبوطة فى دورة التبريد يجوز الطرنبة الجديدة بتسرب أو الدورة محتاج يتفضى منها الهوا...أو أحيانا لما نضطر نفتح دورة المياة ونفضيها زى ما حصل لتغيير طرنبة الدورة..الشوائب بتترسب فى قاع الريداتير وتسبب ضعف فى دورة التبريد..فممكن كمان يكون الريداتير محتاج يتنضف

[mohamedadelemam]

أسف نسيت باقى السؤال..المفروض إن حضرتك تبطل السيارة لو وصلت لدرجة 95 وذلك خوفا على وش السلندر...ونصيحة بلاش حضرتك تشغل التكيف غير لما ربنا يسهل وحضرتك تكتشف العيب...أ÷ صحيح أخر حاجة حضرتك لو لسه مركب كوعة الترموستات ممكن تكون هى السبب فى موضوع السخونة