يا ترى مين هيدينى النصيحه؟

[Europian]

معروض عليا بيجو 307 موديل 2005 كامله اوتوماتيك

ياريت حد يعرفنى مميزاتها وعيووووووبهههها من حيث الاعطال واسعار وتوافر قطع الغيار والثبات على الطريق والتوكيل

وشكرا لكل اللى ش هيبخل عليا بلنصيحه

[pioneerahmed]

خليك فى الشكل الجديد 2007 و 2008

[Europian]

الف شكر على النصيحه يابوب بس ليا سؤالين يهمنى تجاوب عليهم اوى بعد اذنك

هل انت بترشحلى من 2007 لعيب فى موديل 2005 ولو انا اللى معايا يدوب على قد موديل 2005 اصرف نظر عنها ولا اكمل؟

السؤال التانى معلش استحملنه هو بره الموضوع شويه بس انت اكيد هتفيدنى لانك جربت الابيزا 2008
ايه رايك فى ابيزا 2001 او 1998 1400 cc
ومعلش تعبتك معايا

[pioneerahmed]

يا حبيبى لا تعب ولا حاجة بص الابيزا حلوة بس ضيقة و قطع غيارها غاليه و تكييفها متوسط (دة بالنسبة لل2008) بس الموديلات الى انتا بتقول عليها سنعت انها مقرفة فى صيانتها و قطع غيارها ممكن تتاكد من قسم سيات فى المنتدى الرجالة عاملين فية شغل حلو

اما بالنسبة للبيجو بص بقى هى مشاكلها 4 حاجات اساسية مفيش غيرهم

1- الفتيس دايما بيجيب بلوف و سولونويد (شكل 2005 و 2006 مشاكلة اكتر من 2007 و 2008 ) عشان تتلافى المشكلة دى تغير زيت الفتيس بزيت اصلى تمن اللتر 150 جم و هو بياخد 8 لتر + ان انت اكيد هتغير البلوف دية كل فترة مش كبيرة و يفضل مع تغيير الزيت كل 50000 كم بالكتير و البلوف دية فى منها نوعين النوع الى كان نازل فى 2005 و 2006 و دة بيبوظ بسرعة بيعملة 800 جنية الاتنين اما المعدل الى افضل شوية بيعملو الاتنين 1200 جم

2- طرمبة البنزين دي بتبوظ عشان البيجو دية بيتحطلها بنزين 95 اقل من كدة ياثر على الطرمبة و دى حلها حاجة من اتنين يئما طحتلها بنزين 95 على طول و دة طبعا مينفعش يائما لما تبوط غير الموتور بتاعها بموتور بوش المانى ب 200 جم احسن بكتير من الاصلى و ارخص النص كمان و عمرة ما بيبوظ (عن تجربة فى الميجان لانها نفس الطرمبة و نفس المشكلة)

3- طرمبة زيت علبة الدركسيون الباور و دى بتبوظ من الاستعمال بسبب الطرق و المطبات و عيون القط المتخلفة الى مالية الشوارع و تمنها مش رخيص معدية الالف جنية بس مبتبوظش قبل 100000 كم و لما بتبوظ مش بتوقف العربية بس بتخلى الباور يقطع

4- الدينامو بتاع العربية دية بيبوظ دايما لدرجة ان مودرن سيرفس (مركز معتمد من الوكيل) بينصح انو يتغير كل 80000 كم عشان لما بيقطع بيقطع مرة واحدة و بتضطر تشيل العربية عشان مش هتدور معاك و اعراضة ان بيخلى كل انوار التابلوة منورة على طول و تمنة حوالى 3000 جم

و لو فى عندك اى استفسار ادينى الو يا باشا و انا تحت امرك 0102067025

[Europian]

الف شكر بجد لانك قولت المفيد وربنا يباركلك يا بوب

[MuhamedNabil]

يا حبيبى لا تعب ولا حاجة بص الابيزا حلوة بس ضيقة و قطع غيارها غاليه و تكييفها متوسط (دة بالنسبة لل2008) بس الموديلات الى انتا بتقول عليها سنعت انها مقرفة فى صيانتها و قطع غيارها ممكن تتاكد من قسم سيات فى المنتدى الرجالة عاملين فية شغل حلو

اما بالنسبة للبيجو بص بقى هى مشاكلها 4 حاجات اساسية مفيش غيرهم

1- الفتيس دايما بيجيب بلوف و سولونويد (شكل 2005 و 2006 مشاكلة اكتر من 2007 و 2008 ) عشان تتلافى المشكلة دى تغير زيت الفتيس بزيت اصلى تمن اللتر 150 جم و هو بياخد 8 لتر + ان انت اكيد هتغير البلوف دية كل فترة مش كبيرة و يفضل مع تغيير الزيت كل 50000 كم بالكتير و البلوف دية فى منها نوعين النوع الى كان نازل فى 2005 و 2006 و دة بيبوظ بسرعة بيعملة 800 جنية الاتنين اما المعدل الى افضل شوية بيعملو الاتنين 1200 جم

تعديل بسيط , 2006 فى منها الشكل الجديد انا عربيتى كده و الصبابات بتاعت الفتيس برده هى المعدلة الجديدة وانا بعمل موضوع الفتيس قالولى فى مودرن سيرفيس 3 لتر زيت على العموم انا حروح عشان اغير و حبقى اقولك

2- طرمبة البنزين دي بتبوظ عشان البيجو دية بيتحطلها بنزين 95 اقل من كدة ياثر على الطرمبة و دى حلها حاجة من اتنين يئما طحتلها بنزين 95 على طول و دة طبعا مينفعش يائما لما تبوط غير الموتور بتاعها بموتور بوش المانى ب 200 جم احسن بكتير من الاصلى و ارخص النص كمان و عمرة ما بيبوظ (عن تجربة فى الميجان لانها نفس الطرمبة و نفس المشكلة)

انا غيرتها بعد ال 100 الف بكتير بس اعتقد ان العيب مش فى البنزين لانه مش حيكون اتقل فى سحبه من التنك و لاكن اعتقد حيقصر على التسارع , هى ممكن تكون بتتعب لو التنك بينزل لوستوى قليل كتير مثلا
قلاقى فين المتور البوش ده لانى الشفته فى السوق كله صينى و سعره 125 عايز اسقط واحد فى الطلمبة القديمة

3- طرمبة زيت علبة الدركسيون الباور و دى بتبوظ من الاستعمال بسبب الطرق و المطبات و عيون القط المتخلفة الى مالية الشوارع و تمنها مش رخيص معدية الالف جنية بس مبتبوظش قبل 100000 كم و لما بتبوظ مش بتوقف العربية بس بتخلى الباور يقطع

ديه بقى انشاء الله حجبلكم قررها لانى لسة مغير الطلمبة بوحده استعمال ( نصيحة لو حد خيشترى يشترى وحدة تتفك قدامة من العربية المقطوعة لان فى كتير متصلح فى السوق و السعر وصل 2000 ) وو فكيت العندى و لقيت مكثف لحامه مفكوك و الظاهر ان ده العيب لانى لقيت واحد فى فورم 307 برده فكها و كان نفس المكثف مفكوك بس هو معرفش كان راكب فين , انا حظى ان رجل واحد بس هى الكانت فصلة على العموم انا حلحمها و لما اجربها حنزل الخطوات عشان الجماعة الانتهازية بتوع البيجو.

4- الدينامو بتاع العربية دية بيبوظ دايما لدرجة ان مودرن سيرفس (مركز معتمد من الوكيل) بينصح انو يتغير كل 80000 كم عشان لما بيقطع بيقطع مرة واحدة و بتضطر تشيل العربية عشان مش هتدور معاك و اعراضة ان بيخلى كل انوار التابلوة منورة على طول و تمنة حوالى 3000 جم

بصراحة معنديش فكرة عن الدينامو و ارجو من الله انه يطول فى عمره.

و لو فى عندك اى استفسار ادينى الو يا باشا و انا تحت امرك 0102067025

[pioneerahmed]

اسال على الموتور دة فى شارع دمشق هتلاقى منو كتير

[pioneerahmed]

بص يا باشا عشان تغير زيت الفتيس يفضل جدا يكون فى التوكيل بس عشان حاجتين

اولا: عشان الفتيس بياخد 8 لتر و عشان تصفية لازم تحل الفتيس كلة و دة طبعا لازم حد بيفهم فيها و حافظها و مش هتلاقى احسن من التوكيل

ثانيا عشان محدش هيعرف يظبط ضغط الفتيس كويس لان دة محتاج اجهزة مش موجودة غير فى التوكيل بردو