اسبراتير الكترونى فى بيجو 305

[mado4ever]

السلام عليكم ورحمة الله وبركاته
انا معايا بيجو 305 والعربية زى الفل بس المشكلة انها لما بتسخن بتقطع فى المشى وبتغيب جدا فى الدوارة وغيرت بوجيهات وابلاتين وكوندنسر ونفس المشكلة وكنت سمعت انه ممكن يركبلها اسبراتير الكترونى بتاع 505 عشان يظبط الكهرباء ويسهل شوية فى الدوارة فمش عارف دة ينفع ولا لا ولو ينفع حيتكلف فى حدود كام
وعموما العطل دة له علاقة بالبوبينة ولا مالهاش دعوة عشان فيه ناس قالتلى المشكلة فى البوبينة

[aboomar22]

غالبا دى مشكلة فى الموبينة وعلشان تتاكد لما العربية تسخن حط ايدك على الموبينة هتلاقيها سخنة جداحط عليها فوطة مبلولة ودور هتدور على طول هات موبينة يبانى وهى سعرها من 70/ 75 هتظبط الاداء معاك ان شاء الله

[mado4ever]

شكرا على الرد يا باشا وانا حجرب الموضوع دة ان شاء الله
بس موضوع الاسبراتير الالكترونى دة فاشل ولا ما عندكش فكرة يا ابو عمر

[aboomar22]

لا مش فاشل بس مكلف اعتقد ان سعره غالى مش فاكر بكام بس لما سالت عليه كان غالى

[waleedabbas]

اعتقد انه ينفع لاني ركبته في عربية بيجو 104 جبتلها اسبراتير الكتروني استيراد بتاع 205 واتكلف بمستلزماته حوالي 450 جنيه

[mado4ever]

لا مش فاشل بس مكلف اعتقد ان سعره غالى مش فاكر بكام بس لما سالت عليه كان غالى

شكرا يا باشا على الرد

اعتقد انه ينفع لاني ركبته في عربية بيجو 104 جبتلها اسبراتير الكتروني استيراد بتاع 205 واتكلف بمستلزماته حوالي 450 جنيه

طالما حضرتك ركبته فى بيجو 104 يبقى اكيد ينفع عندى فى ال 305 بس كنت عايز ايه هى مستلزماته يعنى الى انت تقصدها

[waleedabbas]

طالما حضرتك ركبته فى بيجو 104 يبقى اكيد ينفع عندى فى ال 305 بس كنت عايز ايه هى مستلزماته يعنى الى انت تقصدها

معلش اتاخرت في الرد

مستلزماته هو بيجي معاه الكارت الاليكتروني واعتقد بوبينة تكرير لان البوبينة العادية ماتنفعش مع الالكتروني بس دي مش متاكد كانت معاه ولا اشتريتها لوحدها لان ده من فترة عموما هو البياع بيبقى عارف ايه المطلوب معاه لو قلتله انك هتحول والكهربائي او الميكانيكي برضه عارف المجموعة

اما بالنسبة للتحويل من اسبراتير عادة لالكتروني فده هيفرق معاك كتير وهتريح دماغك من وجع القلب بتاع العادة وده ميزة في البيجو ان بينزل فيها اسبراتير الكتروني من زمان كده

[MASERATI]

السلام عليكم و رحمة الله و بركاته

الفرق فى أداء العربية بين الاسبراتير الالكترونى و العادى, زى الفرق بين العربية الاسكودا ال120 اللى موتورها ورا و بين الأستون مارتن db7 .

اذا كنت أنا يدوووووووووووووووب مركب فى العربية البيجو ال505 بتاعتنا أبلاتين الكترونى صينى من أبو 175 جنيه و حاسس بالفرق ده, أومال لما تركب اسبراتير كامل الكترونى بالموبينا بتاعته, على فكرة, الاسبراتير الاكترونى ده بالموبينا بتاعته هنا فى المنصورة بيعمل حوالى 500 جنيه, و بيبقى ليه مشط بيتغير كل مدة طويلة, أنا مستنى, أن الأبلاتين الاكترونى اللى أنا مركبه ده يقطع, أقوم عامل الموضوع دهو مغير و جايب اسبراتير الكترونى كامل بالموبينا بتاعته, لأن الأبلاتين الاكترونى ده مش بيتباع عندنا فى المنصورة, أنا كنت جايبه و مركبه فى القاهرة و كمان حكاية أنه صينى دى, مخليانى ماشى و أنا حاطط ايدى على قلبى .

[mado4ever]

السلام عليكم و رحمة الله و بركاته

الفرق فى أداء العربية بين الاسبراتير الالكترونى و العادى, زى الفرق بين العربية الاسكودا ال120 اللى موتورها ورا و بين الأستون مارتن db7 .

اذا كنت أنا يدوووووووووووووووب مركب فى العربية البيجو ال505 بتاعتنا أبلاتين الكترونى صينى من أبو 175 جنيه و حاسس بالفرق ده, أومال لما تركب اسبراتير كامل الكترونى بالموبينا بتاعته, على فكرة, الاسبراتير الاكترونى ده بالموبينا بتاعته هنا فى المنصورة بيعمل حوالى 500 جنيه, و بيبقى ليه مشط بيتغير كل مدة طويلة, أنا مستنى, أن الأبلاتين الاكترونى اللى أنا مركبه ده يقطع, أقوم عامل الموضوع دهو مغير و جايب اسبراتير الكترونى كامل بالموبينا بتاعته, لأن الأبلاتين الاكترونى ده مش بيتباع عندنا فى المنصورة, أنا كنت جايبه و مركبه فى القاهرة و كمان حكاية أنه صينى دى, مخليانى ماشى و أنا حاطط ايدى على قلبى .

معلش اتاخرت في الرد

مستلزماته هو بيجي معاه الكارت الاليكتروني واعتقد بوبينة تكرير لان البوبينة العادية ماتنفعش مع الالكتروني بس دي مش متاكد كانت معاه ولا اشتريتها لوحدها لان ده من فترة عموما هو البياع بيبقى عارف ايه المطلوب معاه لو قلتله انك هتحول والكهربائي او الميكانيكي برضه عارف المجموعة
شكرا يا باشا
اما بالنسبة للتحويل من اسبراتير عادة لالكتروني فده هيفرق معاك كتير وهتريح دماغك من وجع القلب بتاع العادة وده ميزة في البيجو ان بينزل فيها اسبراتير الكتروني من زمان كده

شكرا يا باشا عالرد وطالما كدة بقى يبقى اغير لالكارونى وانا مطمن واهوه ابقى اعتبرت نفسى اشتريت عربية aston martin db7 ب 500 جنيه

[medododo]

+1111
متابع باهتمام

[araby5858]

فعلا انا اشتريت الاسد 305 ووجدت مالكها السابق مغير الاسبراتير لالكتروني وعرفت كده من تجربة واحد صاحبي ان الفرق كبير جدا بين الاسبراتير العادي والالكتروني

[MASERATI]

فعلا انا اشتريت الاسد 305 ووجدت مالكها السابق مغير الاسبراتير لالكتروني وعرفت كده من تجربة واحد صاحبي ان الفرق كبير جدا بين الاسبراتير العادي والالكتروني

السلام عليكم و رحمة الله و بركاته

فرق السما من العمى.

فرق ال126 من الAston Martin DB7 .

و اذا كانت حتة الأبلاتين الالكترونى اللى ب175 جنيه, عمل كده, أومااااااااااااااال لما أركب الاسبراتير الالكترونى بالموبينا بتاعته بتاع ال505 الأصلى, هيحصل ايه.

[darsh_darsh]

السلام عليكم و رحمة الله و بركاته

فرق السما من العمى.

فرق ال126 من الaston martin db7 .

و اذا كانت حتة الأبلاتين الالكترونى اللى ب175 جنيه, عمل كده, أومااااااااااااااال لما أركب الاسبراتير الالكترونى بالموبينا بتاعته بتاع ال505 الأصلى, هيحصل ايه.

يار يت اخى تسالى على اسبراتير الكترونى سن قصير مش الطويل بتاع 505 موديل 90
عشان هركبه على بيجو 504 موديل 77
شوفه يعمل كام عندك وحالته ايه

[MASERATI]

يار يت اخى تسالى على اسبراتير الكترونى سن قصير مش الطويل بتاع 505 موديل 90
عشان هركبه على بيجو 504 موديل 77
شوفه يعمل كام عندك وحالته ايه

السلام عليكم و رحمة الله و بركاته

كان بودى و الله يا باشا, بس للأسف, هنا ...... هنا....., مفيش بيجو 505 خالص و تقريبا مافيش بيجو أصلا.

[aboomar22]

ايوه صحيح هو فى كندا هتلاقى 505 بص يادرش بما انك من الجيزة حضرتك ممكن تسال عليه عند احمد فهمى بتاع البيجو اللى فى المنيب هو مشهور قوى والفرع التانى خلف مستشفى ام المصريين