سؤال عن بيجو 307

[Seifmando]

بفكر جدياً انى اغير لبيجو واجيب 307 مو 2007 مستعملة منوال 1600 سي سي

بس اللى محيرنى ان سعرها رخيص جداً بانسبة للزيرو بتاعها
كنت عاوز اعرف ليه بالتفصيل وهل ليها عيوب كتيرة اوى كدا يخلى سعر اعادة بيعها فى الارض كدا
مع العلم انى معايا لانسر 2008

عاوز اعرف
1- قطع الغيار بكم ومجودة ولا لأ
2- العربية نفسها اعتمادية ولا لأ
3- السحب والتسارع
4- اي ميكانيكي يفهم فيها ولا لازم التوكيل
5- سعر اعدة البيع بتاعها
6- اى معلومات تانية

[pioneerahmed]

1- قطع الغيار بكم ومجودة ولا لأ
قطع غيارها مش اغلى من اللانسر بكتير و فيها حاجات ممكن تكون اقل بكتير من اللانسر بس كاعتمادية لقطع الغيار بتبوظ بسرعة و مش معمرة خالص
2- العربية نفسها اعتمادية ولا لأ
رايي ان اللانسر اعتمادية اكتر منها بمراحل
3- السحب والتسارع
ال هاتش باك سحبها كويس بس بردو مش زى اللانسر
4- اي ميكانيكي يفهم فيها ولا لازم التوكيل
لا طبعا مش اى ميكانيكى و وارد جدا يحصل فيها مشكلة محدش يعرف يحلها
5- سعر اعدة البيع بتاعها
اقل بكتيير من اللانسر
6- اى معلومات تانية

اشيك بكتير من اللانسر و اى عربية تانية و اوبشنز رائعة
بس تكييف ملوش لازمة

نصيحة:
لو عايز اوبشنز و اعتمادية شوفلك بيمر تسعينات بس تكون نضيفة جدا جدا لو مش نضيفة اوى متاخدهاش خالص