ممكن سعر ال 405

[smsm_nabawy]

السلام عليكم ،، صاحبي أتعرض عليه بيجوه 405

نفس الموديل ده

ب 18 ألف جنيه !!

بس طبعاً كانت متبهدلة حبه صغيرة !!

مش عارف ،، هل هو السعر ده بتاعها فعلاً ،، أرجو الأفادة !!

هو مستعد يدفع لحد 28 ألف جنيه !! هل ممكن العربية دي تمنها يجيب السعر ده "في حدود ال 28 الف؟"

[ahmed2y]

معلش مش فاهم صاحبك معروض عالية عربية زى دى ب 18 ولا 28 احسن انت لخبطنى

[smsm_nabawy]

لا يا فندم ،، هوا معروض عليه عربية زي دي ب 18 ألف !!

بس هوا شاكك فيها لأنها متبهدلة شوية ،، فانا بسأل هل ده فعلاً ممكن يكون سعرها ؟؟ وهل لو صرف نظر عن الي قدامه دي ،، ممكن يلاقي عربية زي دي ،، و حالة كويسة او معقولة ب 28 ألف ؟؟

[MohamedAyman]

السلام عليكم
العربيه ب18 الف كده رخيصه جدا خلي صاحبك ياخد باله أحسن ممكن تكون مسروقة
والله اعلم

[aboomar22]

لا ولا حتى 28 الحالة التعبانة فوق ال 30 طبعا

[smsm_nabawy]

شكراً للنصيحة ،، هو قلق اوي برده !! عربية فرنساوي و بالسعر ده ؟؟

شكراً تاني يا شبااب

[acc_gr2004]

ممكن تكون مسروقة ايه ؟؟؟ دى اكيد مسروقة
انا شوفت عربيات 405 موديلات تمانينات ومافيهاش تكييف وزجاج امامى مكسور .. وماتور محتاج عمرة .. وصالون داخلى تقرف تحط رجلك عيله .. والعربية مظهرها العام غبى ومطلوب 25000 نهائى ( طبعا وماخفى كان اعظم )

[DR.M]

ههههههههههههههه



ولا 18 ولا 28


دي اكيد مسروقه طبعا

[smsm_nabawy]

فعلاً يا شباب ،، كان عندكم حق !! العربية كان مشكوك في أمرها ،، و صاحبي لما راح للسمسار الي كان عارض عليه العربية ، و سأل عليه ،، قالوله ده بقاله 5 أيام مش بيجي ،، سأل على العربية و على الي كان عارضها للبيع ،، قالوله ده الوليس قبض عليه ،، كان سارق العربية ،، و سارق نمر و مركب النمر المسورقة على العربية !!

يااا رب أحفظنا !!

[aboomar22]

حرامى غبى يعنى لو كان عرضها اقل من سعرها ب كام الف يمكن كانت اتباعت لكن ربك يريد ان يتقبض عليه ودى حاجة تخلينا قبل مانبص على العربية نبص على الورق انا عن نفسى مبحبش الشراء من الشارع بحب البايع اللى بروح اشوف العربية عند بيته او شغله ويكون البائع شكله محترم حتى لو زادت شوية ماهو برضه راحة بالك بفلوس