فتيس 405

[amigooo]

لاحظت خبطة ..... تكة ... اثناء النقلات ! لم اكن اسمعها قبلا .. سألت الميكانيكى .. دى معلقة الفتيس ؟؟ قالى ان 405 مافيهاش معلقة .. مع انى فاكر انى قريت هنا قبلا عنها !! ممكن توضيح من رجالة المنتدى ؟؟؟

[MOUSTAFA_SAAD]

ايه هى المعلقه دية مش عارفها بصراحها
العربيه دية انا ركبت موديل 2000 وهى بشوكها لسه زيرو وكانت التكه دية موجوده على طول ومستمره فيها الا لو انت قصدك حاجه تانيه انا مش فاهمها

[acc_gr2004]

لا انا فعلا سمعت عن المعلقة .. فى الفتيس .. وانها بتحتاج تتغير كل فترة او تتربط .. لكن بصراحة مش عارف شكلها او تكلفتها

[mohamedadelemam]

السلام عليكم...لو قصد حضراتكم الشدادات اللى بتحرك الفتيس فدى بتبقى كبس كدا وممكن بتتكسر أو بتضعف شوية وبتتغير بالواحدة على حسب البايظة ودى سعرها تقريبا كان 30 جنيه

[the-hero]

معالق الفتيس
بيسموها الصنيعية الطرنطة او الوزة وده الجزء المثبت بالاسكتر ب مسمار وحدة حركة بشكل رأسي
المعالق عبارة عن حديد صغير بطول 10 سم تفريبا بها انصاف كورة من الطرفين على شكل المعلقة مليانة جلد بحيث تخش كبس فى الوزة وهما 2
موجودين فى كل موديلات ال 405 بلا استثناء
انصح بتركيب الاصلى سواء جديد او استيراد
الطقم جديد ب 150 ج والوزة ب 90 ج
الطقم استيراد بعد التاكد من سلامة الجلد ب من 50-70 ج والوزة ب 50 ج
وطبعا الاستيراد احسن من جديد ولو اصلى بس لو حالتة جيدة لآنه بيعيش اكتر واورجينال
ملحوظة يجب التأكد من ربط مسمار الوزة بالاسكترة بشكل جيد لأحكام حركة العصا

[amigooo]

الف شكر للاستاذ .. (فعلا) احمد هيرو .. واحشنا .. و وحشانا مواضيعك الجميلة .. مراجع البيجو فى المنتدى متعة لكل محب للبيجو وحاصة 405 .. وشهادة التقدير من المنتدى للاستاذ .. فى محلها ونأمل ان تستمر .

[the-hero]

الف شكر للاستاذ .. (فعلا) احمد هيرو .. واحشنا .. و وحشانا مواضيعك الجميلة .. مراجع البيجو فى المنتدى متعة لكل محب للبيجو وحاصة 405 .. وشهادة التقدير من المنتدى للاستاذ .. فى محلها ونأمل ان تستمر .

ربنا يكرمك ويعزك