Tweet
أنا الحمدلله عندى معدل الإستهلاك حوالى 200كم/20 لتر فى بيجو 405 1600 كربيراتير موديل 98 وعاملة حوالى 92 ألف كم داخل المدينة والحمدلله العربية زى الفل...من فترة لاحظت إنى لما بدوس بنزين مرة واحدة على الأول أو الثانى بحس برجة خفيفة أو زى العربية بتتسحب وبعدها بتجرى تمام...فقمت بتنظيف الكربيراتير كويس جدا بس للأسف الأعراض زى ما هى..ملحوظة..فى تجربة حطيت بيك هواء للباب الأول أكبر من بتاعها شوية..السحب بقى أحسن من أى بيجو زيها والرجة راحت بس البوجيهات ظهر عليها اللون الأسود وغير كدا أنا مش بحب أغير فى الفابريقة ...حد من حضراتكم عنده حل أفادكم الله؟
-
-
قدامك حل من اتنين لو عايز الكلام المزبوط
1-ترجع البيك بنفس المقاس الفبريكا القديم (لان تهبيب البوجيهات دا معناه ان خليط الوقود والهوا غني بالبنزين يعني نسبه البنزين اكتر من المسموح بيها عشان كدا البوجيه مابحرقهاش كلها ) وممكن تلعب في السبارك جاب بتاعت البوجيه بس ماحبش الكلام دا خصوصا ان موتورك فابريكا ( في محل في وسط البلد جنب سينما اوديون اسمه محل الطويل بيبع كل رفايع الكربراتيرات بس روح له ومعاك البيك الاصلي لو حابب تشتري البيك الاصلي دا لو القديم بايز
2- ممكن تخلي البيك الاوسع اللي انت مركبه بس هاتروح تزبط بقى ايه نسبه انبعاثات العادم على جهاز تاني واول اكسيد الكربون (ودا انا معرفش حد عنده الجهاز دا ولا فين موجود في بلدنا اللي موجود فيها لبن العصفور بس اللي يدور ياريت اللي يعرف يقلنا ) بالمناسبه لو لقيت حد قلنا يا استاذ محمد عشان نستفيد كمان لازم تبص على كتالوج الكربراتير ( فيه كتالوج مخصوص ليه من سلسلة هايينز Haynes ) عشان تعرف طريقة معايرة بيكات الهواء وبيكات الخليط كمان عشان تعرف نسب انبعاثات العادم وطريقة الزبط على الجهاز
بالمناسبه انا عارف ان الكربراتير بتاعك الاتنبن باب ياترى اي واحد فيهم عشان فيه موديلين منه هم قريبين من بعض اوي ومتشابهين جدا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بالمناسبه كمان هل توقيت فتح الباب التاني مزبوط عشان ممكن يكون دا اصل المشكله ؟؟؟؟؟؟؟؟؟؟؟؟؟؟؟؟؟؟؟
كمان فلتر البنزين ممكن يكون سبب المشكله
طبعا دول احد اسباب المشكله عندك لو السبب كاربتبر ودورة الوقود والعادم فيه عندك الكانستر والاكسجين سنسور وعلبة البيئة او الكاتاليست لو الكلام دا عندك حطهم في الحسبان
ضيف على كدا ممكن يبقى فيه اسباب اخري لمشكلة السحب دي منها
حالة طقم الدبرياج وخلوصه (واطي ولا عالي ولا مزبوط)
كمان عندك حالة الكهربا ( حالة طقم الكهربا - البوجيهات محتاجه تغيير .......... الخ) -
السلام عليكم..أولا متشكر لحضرتك جدا على ردك...ثانيا أنا كل 60 ألف كم بغير كربيراتير زى ما كتالوج الصيانة كاتب..فعندى واحد قديم غير إن واحد صاحبى كمان إدانى الكربيراتير بتاعه فمعنديش مشكلة فى موضوع البيكات كتير عندى..أنا جربت أركب الكربيراتير القديم وبردو لقيت نفس المشكلة بعد كدا شوفت فلتر البنزين لقيته نظيف خالص...فى الآخر سميت بالله وفكيت الإسبيراتير ودى أول مرة أفكه والحمدلله إفتكرت إنى أعلم مكانه عشان تبقى ظبطه كهرباء الفابريقة ..المهم غسلته بالبنزين وحطيت وجربت الحمدلله بقت تمام وزى الفل..ومتشكر جدا لحضرتك والله للرد وكل سنة وحضرتك طيبComment
-
ازيك يامحمد بيه (كل سنة وحضرتك طيب )
جميل
الحمدلله انها اتحلت
دلوقتي انا عايز منك تملى البيانات دي
اعراض المشكلة (وصف العطل ):.....................................؟؟؟؟؟؟؟؟؟؟؟ ؟؟!!!!!!!!!!!!
بحس برجة خفيفة أو زى العربية بتتسحب وبعدها بتجرى تمام (ممكن تفسر اكتر رجه وبعدين تتسحب هل تقصد استجابة سحب العربية مع دوسة البنزين غير متناسبه فيه تردد او هزه بسيطه بس ملحوظه صح ؟
مكان العطل ( طلع الاسبراتير زي ما انت قلت تمام كدا )
تفسير العطل :.............!!!!!!!!!!؟؟؟؟؟؟؟؟؟؟؟؟؟؟؟؟ دي اهم واحده
علاجه :( طبعا التنظيف او التغيير والتركيب المزبوط بعد كدا )Comment
-
السلام عليكم..كل سنة وحضرتك طيب ومتشكر جدا لإهتمام حضرتك..كان قصدى إن عند ضغطة بنزين مفاجئة كان فى رجة فى الموتور يعنى خفيفة وبعدها تحس زى ما تكون العربية هتبطل أو تشرق..كل دا لمدة ثانيتين بالكتير وبعد كدا عادى بتجرىComment
-
السلام عليكم و رحمة الله و بركاته
هو الاسبراتير بتاع عربية سيادتك العادى
اللى فيه أبلاتين و كوندنسر و لا اسبراتير الكترونى 
من اللى بيبقاله مشط ؟؟؟؟
[CENTER][FONT=Comic Sans MS][SIZE=7][COLOR=cyan][B][I]Maserati Quattroporte[/I][/B][/COLOR][/SIZE][/FONT][/CENTER]
[CENTER][B][FONT=Arial Black][SIZE=3][COLOR=#8b0000]بسم الله الرحمن الرحيم[/COLOR][/SIZE][/FONT][/B][/CENTER]
[CENTER][B][COLOR=navy]لقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)[/COLOR][/B][/CENTER]
[CENTER][B][FONT=Arial Black][SIZE=3][COLOR=darkred]صدق الله العظيم[/COLOR][/SIZE][/FONT][/B][/CENTER]Comment
-
السلام عليكم..حضرتك هو إليكترونى وفيه مشطComment
-
كان عندي نفس المشكلة وغيرت بسببها 2 كربراتير وطلعت المشكلة في الاخر في الحدافات بتاعت الاسبيلاتير الي بتوزع الكهربا في السرعات المختلفةComment
Comment