ساعدوني ربنا يبراكلكم في بيجو 307

[kekokelany]

من فتره قريبه بدات رساله تظهر ساعات وساعات لا engine manegment system is faulty ولما روحت كشفت كمبيوتر عليها في مودرن قالي هيا قاريه البوابات بتاعت الماتور والمهم بدات العربيه كل فتره اجي ادورها تقعد تحرق عالمارش وتقومش غير من خامس مره ولا حاجه
المهم سبت العربيه يومين من غير مادورها وجيت ادورها النهارده لاقيت البطاريه نايمه تماما فحطيت بطاريه عربيه تانيه بحيث تقومها ولما جيت ادور لاقيتها عملت معايا نفس اللقطه ومش راضيه تدور
قاعده تحرق عالمارش ومابتقومش زي اما تكون منضف البوابات

فياجماعه ساعدوني هل ده سببها البوابات بس ولا حاجه تانيه ولو البوابات مفيش طريقه تخليني ادور العربيه اوصل بيها للقاهره عشان اغيرها بس رجائي ترودوا عليا بسرعه عشان انا شويه وهتجنن

[MuhamedNabil]

سعات الباوبات وضعها مش بيكون معروف للعربية , لو فتحت الكونتاكت و دست دواست البنزين للاخر حتحس ان فى زرار فى اخر الدواسة , دوس لحد لما تسمع صوت التكة بتعته, كده العربية حتعرف مكان البوابة
حاجة تانية كده تتاكد منها بسرعة اتأكد ان مفيش تسريب مية فى الفيشة بتاعت الكنترول يونت ده عيب بيحصل و بيبوظ الكنترول يونت و بيدى نفس العطل و انشاء الله تتطلع حاجة بسيطة

Peugeot Workshop Information

[MuhamedNabil]

الكنترول يونت الاصدى عليها فى علبة الفيوزات الفى الكابوت م الكنترول الخلف البطارية

[kekokelany]

مبدايا احب اشكرك جدا على الرد يا أ/ محمد نبيل
والحمدلله انا عرفت الخلل عندي كان فين,, هوا كان في فيشة الكونتاك مكانتش بتدي مارش وعشان كدا انا فصلتها وكنت بحاول ادور منها فامكنتش بتدور طبعا عشان اشفره فعلى ماخدت بالي ,,
بس كان ليا استفسار يا بشمهندس بالنسبه للرساله اللي كانت بتظهرلي دي ممكن يكون سببها ايه مع العلم اني لما كشف عليها قالولي عندك البوابه قاريه فولت هننضفها ونشوف وبرده كانت قاريه فوت بس انا مش عارف دي ممكن تتصلح ولا ايه مع العلم ان العربيه دلوقت مش تقيله في السحب ولو تعرف اجيب الفيشه بتاعت الكونتاك منين اكون شاكر ليك جدا ومعلش انا تاعبك معايا