غيرت طقم الدبرياج فى ال206

[amr mokhtar]

النهاردة رحت التوكيل الصبح على الساعة 8 و نص و سبتلهم العربية عشان أغير طقم الدبرياج

بصراحة طقم الدبرياج كان وصل لمرحلة صعبة اوى... العربية سحبها ضعيف و الموتور بإستمرار عالى
لما رحتلهم فى الأول طقم الدبرياج مكانش موجود فى الإسكندرية ..و جابوه تانى يوم من القاهرة

بس عشان يغير طقم الدبرياج فك حاجات كتير اوى.. مدادات الإسكترا و فك علبة البطارية و فلتر الهواءو أخيرآ نزل الجيربوكس و تم تغيير المحروس:)
و فى السكة غيرت شوية حاجات زى كابل الدبرياج و اويل سيل و رومان بلى الكوبلن و زراع الإتزان شمال بس الحمد لله اليمين كان كويس

الموضوع ده أخد حوالى سبع ساعات بس طبعآ انا رحت بصيت عليها الساعة 1 و روحت و رجعتلهم تانى على الساعة 4 زى ما قالوللى

الحمد لله العربية رجعت زى زمان .. سحبها اتحسن جدآ .. دواسة الدبرياج كانت بقت تقيلة اوى دلوقتى بقت خفيفة زى العربيات اليابانى كده

بصراحة انا مش عارف ليه الناس بتقول ان التوكيل مش كويس .. الناس محترمين جدآ و الميعاد اللى قالولى عليه فعلآ لقيت العربية خالصة فيه و محدش دخل وسخ الصالون او بهدل حاجة جوة العربية بالرغم انى مكنتش واقف معاهم طول الوقت

و نييجى بقى للجزء الصعب اللى بينسيك فرحت الحاجات الجديدة... الأسعار

طقم الدبرياج (إسطوانة و ديسك و بلية الدبرياج): 1790جنيه
اويل سيل : عدد 2 :70 جنيه
رولمان بلى الكوبلن: 65 جنيه
كابل الدبرياج: 245 جنيه
ذراع الميزان: 315 جنيه

و بالنسبة للمصنعية : 393 جنيه

يعنى المبلغ النهائى اللى اول ما سمعته ضحكت قدام الموظف و حسيته عايز يقول إيه المجنون ده:D:2929 جنيه مصرى غرقان

هل الأسعار دى تعتبر مرتفعة اوى؟
مع العلم انى مغير الكلام ده كله لأول مرة و العربية عاملة دلوقتى 124 الف كيلو

و سؤال فنى .. يعنى إيه الديسك يطبع مع الإسطوانة؟؟ و هل ده بيفرق فى السحب بعد فترة من التركيب؟؟

ربنا يبارك فيها و يا رب متفتحش فى حاجة تانية

[waleedabbas]

لا هما من جهة الاحترام هما معاملتهم زى الفل محدش يقدر يقول حاجة لكن المشكلة انهم فى الزحمة مش بيعملك كل ال انت عايزة وبتضطر تروحلهم مرة او اكتر عشان تعمل نفس العيب
جايز عشان حضرتك فى اسكندرية مفيش الزحمة ال عندنا فى القاهرة
لكن ماشاء الله انك بتغير طقم الدبرياج لاول مرة بعد 124 الف ده اعتقد معدل كويس جدا
لكن بالنسبة للاسعار بصراحة بقالى كتير مش متابع لكن اعتقد الاسعار كلها غليت انا اخر مرة مغير طقم دبرياج فى 405 من حوالى 5 سنين كان ب 700 بره التوكيل غيرالمصنعية
وواحد صاحبى قبلها بفترة مغير طقم دبرياج 206 بحوالى 900 جنيه ال 206 اغلى شوية
عموما اذا كان بيقعد 120 الف يبقى ماشاء الله ما يعتبرش غالى وربنا يباركلك فيها

[FLYINGPEUGEOT]

الف مبروك ياباشا على الطقم الجديد...
هى الاسعار والمصنعيه كويسين ماعدا حاجتين غاليين شويه

سلك الدبرياج بره ....بحوالى 190 جنيه
طقم الدبرياج كامل valeo
ب 1580 جنيه تقريبا وفى نوع تانى ب 1200 جنيه بس تعبان
بس بردو الفرق مش كبير..بالنسبه لتوكيل...

كدا كللو تمام والحمد لله
................................

ومعنى الاسطوانه تطبع على قرص الديسك....هو ان ساعات بيكون فى زوائد او رتوش
بتيل الاسطوانه...او بيكون التيل محممل شويه
فعماية التطبيع دى بتكون
لظبط نسبة الخلوص بين الاسطوانه والديسك
ومع الاحنكاك الرتوش والزوائد الموجوده بتيل الاسطوانه بتتبرى بفعل الحراره والاحتكاك...بس لازم يكون الاحتكاك مش اكبر من اللازم عشان ممكن الرتوش دى تأثر على قرص الديسك نفسه..وساعات تيل الاسطوانه بيتآكل بطريقه غير منتظمه
مما يؤدى لحدوث رعشه خفيفه اثناء التحرك بالسياره

عشان كده يفضل انك ما تقرصش على العربيه اثناء الفتره دى

وياريت اى سندويتش عا الماشى :D

[amr mokhtar]

لا هما من جهة الاحترام هما معاملتهم زى الفل محدش يقدر يقول حاجة لكن المشكلة انهم فى الزحمة مش بيعملك كل ال انت عايزة وبتضطر تروحلهم مرة او اكتر عشان تعمل نفس العيب
جايز عشان حضرتك فى اسكندرية مفيش الزحمة ال عندنا فى القاهرة
لكن ماشاء الله انك بتغير طقم الدبرياج لاول مرة بعد 124 الف ده اعتقد معدل كويس جدا
لكن بالنسبة للاسعار بصراحة بقالى كتير مش متابع لكن اعتقد الاسعار كلها غليت انا اخر مرة مغير طقم دبرياج فى 405 من حوالى 5 سنين كان ب 700 بره التوكيل غيرالمصنعية
وواحد صاحبى قبلها بفترة مغير طقم دبرياج 206 بحوالى 900 جنيه ال 206 اغلى شوية
عموما اذا كان بيقعد 120 الف يبقى ماشاء الله ما يعتبرش غالى وربنا يباركلك فيها

إحنا عندنا مش دايمآ بيبقى زحمة و لما بيكون زحمة و اروحلهم بحاجة محتاجة وقت فى إصلاحها بيقوللى تعالى فى يوم تانى

[amr mokhtar]

الف مبروك ياباشا على الطقم الجديد...
هى الاسعار والمصنعيه كويسين ماعدا حاجتين غاليين شويه

سلك الدبرياج بره ....بحوالى 190 جنيه
طقم الدبرياج كامل valeo
ب 1580 جنيه تقريبا وفى نوع تانى ب 1200 جنيه بس تعبان
بس بردو الفرق مش كبير..بالنسبه لتوكيل...

كدا كللو تمام والحمد لله
................................

ومعنى الاسطوانه تطبع على قرص الديسك....هو ان ساعات بيكون فى زوائد او رتوش
بتيل الاسطوانه...او بيكون التيل محممل شويه
فعماية التطبيع دى بتكون
لظبط نسبة الخلوص بين الاسطوانه والديسك
ومع الاحنكاك الرتوش والزوائد الموجوده بتيل الاسطوانه بتتبرى بفعل الحراره والاحتكاك...بس لازم يكون الاحتكاك مش اكبر من اللازم عشان ممكن الرتوش دى تأثر على قرص الديسك نفسه..وساعات تيل الاسطوانه بيتآكل بطريقه غير منتظمه
مما يؤدى لحدوث رعشه خفيفه اثناء التحرك بالسياره

عشان كده يفضل انك ما تقرصش على العربيه اثناء الفتره دى

وياريت اى سندويتش عا الماشى :D

المشكلة ان مفيش اى محل بره بيبيع حاجة ال206 خصوصآ الحاجات الميكانيكية ممكن تلاقى فوانيس مساحات بس عشان كده مفيش قدامى غير التوكيل

طيب بالنسبة لتطبيع الإسطوانة مع الديسك الموضوع ده بيحتاج امشى اد إيه من غير قرص على الموتور؟ "و لو ان ده مش من عاداتى بس للإحتياط "

و بالنسبة للساندوتش فأنت تشرفنا فى الإسكندرية و هاخدك بالطقم الجديد و نطلع على صواريخ فى بحرى..
و مش هتقول لحد بعد كده هات ساندويتش:D:D

[dr_3eshoo]

مليش في البيجو بس انا غيرت طقم اسطوانه و ديسك و بليه كانو ب1500 جنيه ده بتاع بسات و نوعه ساكس و غيرتهم بعد 165 الف كيلو
بس ازاي انا والدي يحلف بالبيجو بيقولي ان قطع غيارها معمره و رخيصه

[waleedabbas]

بالنسبة لل 206 عربية صغيرة فكده حلو اوى تعتبر كده معمره لكن الباسات ماشاء الله عليها برضه عربية المانى محترمة وطبيعى تكون قطع غيارها معمرة اكتر من 206
لكن حضرتك غيرت الطقم ده فين اكيد مش فى التوكيل؟

[amr mokhtar]

مليش في البيجو بس انا غيرت طقم اسطوانه و ديسك و بليه كانو ب1500 جنيه ده بتاع بسات و نوعه ساكس و غيرتهم بعد 165 الف كيلو
بس ازاي انا والدي يحلف بالبيجو بيقولي ان قطع غيارها معمره و رخيصه

فرق السعر مش كبير اوى و خد بالك المشكلة فى إرتفاع سعر اليورو مؤخرآ عشان كده اسعار قطع غيار العربيات الأوروبى مرتفعة

ما شاء الله طقم الدبرياج يتغير على 165 الف كيلو يعتبر ممتاز
و برضه خد بالك الموضوع بيعتمد على اسلوب السواقة و هل العربية بتسافر بس و لا بتمشى فى وسط البلد كتير
لإن العربية لما بتبقى ماشية بالراحة طول الوقت و نقلات كتير .. الكلام ده كله بيقصر عمر الطقم

بس برضه انا مش شايف ان 124 الف كيلو مش قليل

[dr_3eshoo]

لا بره التوكيل الامانه بس عند واحد زيه زي التوكيل قالي ان الاسطوانه و الديسك دول الي بيركبوا في التوكيل و هو اصلا شغال في التوكيل
بس دي ال 206 امال ال406 هتبقى ايه

[FLYINGPEUGEOT]

المشكلة ان مفيش اى محل بره بيبيع حاجة ال206 خصوصآ الحاجات الميكانيكية ممكن تلاقى فوانيس مساحات بس عشان كده مفيش قدامى غير التوكيل

طيب بالنسبة لتطبيع الإسطوانة مع الديسك الموضوع ده بيحتاج امشى اد إيه من غير قرص على الموتور؟ "و لو ان ده مش من عاداتى بس للإحتياط "

و بالنسبة للساندوتش فأنت تشرفنا فى الإسكندرية و هاخدك بالطقم الجديد و نطلع على صواريخ فى بحرى..
و مش هتقول لحد بعد كده هات ساندويتش:D:D

هو انت تمشى على سرعات عاليه كمان زى ماانت عايز..بس اهم حاجه ما تحمملش rpm كتير على نفس الغيار من 2.5 الى 3 rpm بالكتير

خدلك 50 كيلو بس على نفس النظام دا وبعد كده اتعامل عادى خالص

اما بالنسبه بقه للعزومه...انت كده ادبست خلاص..وانت اللى جبتو لنفسك ..هخلص العربيه وهطب عليك :D:D

مليش في البيجو بس انا غيرت طقم اسطوانه و ديسك و بليه كانو ب1500 جنيه ده بتاع بسات و نوعه ساكس و غيرتهم بعد 165 الف كيلو
بس ازاي انا والدي يحلف بالبيجو بيقولي ان قطع غيارها معمره و رخيصه

لا ياباشا هى مش مقياس بردو...يعنى الحكايه دى بتوقف على اكتر من حاجه

1- جوده خامات القطع المستخدمه نفسها
2-كفاءة وقوة الموتور
3-طريقة سواقتك

والله العظيم انا واحد صاحبى معاه 306 موديل
غير طقم الدبرياج بعد مامشى بالعربيه حوالى 300.000 كيلو !!!!!! تخيل
علما بانه كان مشترى العربيه بنفس الطقم دا...يعنى ياعالم كان ماشى كام كيلو قبل كده!!!!!!!!!!

يعنى مش مقياس خالص

عموما البيجو بيجو بردو :p

:D:D

[waleedabbas]

ربنا يستر على ال 406 ياباشا وبلاش السيرة دى:) هى عموما اوتوماتيك
بس ال انا اعرفه ان الباسات قطع غيارها اغلى لانها كانت من ضمن اختياراتى وانا بشترى بس انا بحترمها اوى ماشاء الله

[ASD peugeot]

البيجو 206 عربيه جميله بس قطع الغيار كده غاليه و مش موجوده الا في التوكيل يا ريت لو تكتب اسعار بعض قطع الغيار ليها

[dr_3eshoo]

يا وليد باشا ربنا يطرحلك فيها البركه انا احترم البيجو علشان خاطر ابويا بس مش اكتر
ابو دخلوه معاكوا في العصابه هيفدكوا اوي :))

[dr_3eshoo]

من حق يا هاني انت عملت ايه في عربيتك واخبرها ايه

[FLYINGPEUGEOT]

يا وليد باشا ربنا يطرحلك فيها البركه انا احترم البيجو علشان خاطر ابويا بس مش اكتر
ابو دخلوه معاكوا في العصابه هيفدكوا اوي :))

جهجهجهجهجهجهججه ....جامده موووت :D

من حق يا هاني انت عملت ايه في عربيتك واخبرها ايه

فى الفنش ياباشا ....الحمد لله تم تسقيط المكنه وتثبيتها وعمل اللازم...تم تقفيل ضفيرة الكهرباء..تم تقفيل الشكمان...تم تقفيل التوربو...تم تقفيل دورة الماء ...تم تقفيل العفشه...

ان شاء الله بكره.....فى شوية شغل بسيط فى الفتيس...وفى عصاية الفتيس والاتياش..عشان انا بعت جبت short shift kit من بره ..وبكره هيركبوه

وهيقفللو دورة البنزين....كويس...وندور العربيه بعد كده بكره بردو ان شاء الله...وربنا يقدو اللى فيه الخير وربنا يستر :(

ادعيلى