إعـــــــلان

Collapse

.

,
See more
See less

تنظيف الفوانيس

Collapse
X
 
  • Filter
  • الوقت
  • Show
Clear All
new posts

  • تنظيف الفوانيس

    طبعا كتير من ملاك البيجو بيعانوا من مشكلة اصفرار الفوانيس من السفر والشمس والعوامل الجوية
    وفي طبعا حلول كتير زي إنك تصب باغات جديدة بس دي ممكن تطلع مظبوطة وممكن لأ
    أو إنك تشتري فانوس جديد أو استيراد بس ده بيكون مكلف جدا
    وكتير طبعا عارفين إن الفوانيس ممكن يتعملها صنفرة وده بالنسبالي افضل الحلول عشان تكلفته معقولة وال نتيجة ممتازة والفانوس أصلي بتاع العربية العيب الوحيد في الصنفرة إن الفانوس بيتفك وبيكون غالبا مقفول بـسيليكون مضغوط فالواحد بصراحة والفانوس بيتفك قلبه بيقع في رجله بس بعد مبيتافل بقى عندك فانوس جديد .
    أنا هحط صور الفوانيس بتاعتي قبل وبعد الصنفرة
    وهحط كمان صور الفانوس وهو معموله سموك وده بيرش النيكل الجوه الفانوس اسود بس بيدي شكل تحفة للفانوس .

    ImageShack® - Online Photo and Video Hosting

    ImageShack® - Online Photo and Video Hosting

    دي الفوانيس قبل ما تتصنفر


    ImageShack® - Online Photo and Video Hosting

    ودي صورة للفانوس بعد ما اتصنفر


    ImageShack® - Online Photo and Video Hosting

    الفانوس بعد مااتعمله سموك

    ImageShack® - Online Photo and Video Hosting

    ودول الاتنين جنب بعض عشان المقارنة

    طبعا في ناس كتير في الحرفين بتعمل الموضوع ده بس أنا دورت عندي في 6 أكتوبر لحد مالقيت واحد كويس قوي واسعاره حلوة اسمه محمد الروبي موجود في الحي الأول قدام حلو الجامعة
    اللي ساكنين في أكتوبر أكيد عارفينه واللي مش هيعرف يوصلوا يقولي وأنا اوصفله العنوان بالضبط

  • #2
    اتكلف كام يا باشا عشان انا لسه عاملهم في الحرفيين
    Waleed Abbas

    Comment


    • #3
      الله ينور , بس عشان تحافظ عليه كده و ميصفريش تانى تديلوا wax كل اسبوع , عشان الصنفرة بتشيل الطبقة البتحمى البلاستيك من الشمس فتعوض الموضوع ده بالواكس و لو الواكس مكتوب عليه UV protection يبقى فى الجول.
      هو لما فتح الوش بتاع الفانوس قطع فى البلاستيك الاسود ولا عمل ايه !
      انا اصلى فتحت الكشفات عندى عشان اغير العدسات و كان فتحهم مرهق جدا

      عملت ايه فى الطلمبة صحيح تبقى طمنى

      Comment


      • #4
        اتكلف ١٥٠ جنيه الموضوع ده انا بصراحة كنت مستغليه في الاول بس للامانة الراجل تعب فيهم خصوصا انو صنفرهم بايده لاني سمعت ان الصاروخ بيسرطن الباغ فمرضتش اخليه يعملهم بالصاروخ
        محمد باشا هو طبعا قطع البلاستيك الاسود عشان يفك الفانوس الاول سخنه من برة بالهيتر عشان يسهل الفتح بيتهيألي الخطوة دي كانت هتفرق كتير معاك . و بعد كدة رجعه زي ما كان بالسيليكون .
        انا كنت بدور علي الشمع الي انت قولتلي عليه ده بس مش عارف اجيبه منين ولا بكام ؟ وبالنسبة لموضوع الطلمبة انا رديت في الموضوع انا عملت كل الي انت قولت عليه بس الظاهر ان العطل في الطلمبة نفسها فا انا بتحرك بعربية تانية دلوقت لحد ما اشوف حد كويس بتاع بيجو لاني لسة ماتعاملتش مع حد برة التوكيل . متعرفش حد كويس اروحله في الحاجات اللي زي دي لان اول حاجة حيقولهالي في التوكيل هات طلمبة جديدة..

        Comment


        • #5
          المشاركة الأصلية كتبت بواسطة shark_3li مشاهدة المشاركة
          اتكلف ١٥٠ جنيه الموضوع ده انا بصراحة كنت مستغليه في الاول بس للامانة الراجل تعب فيهم خصوصا انو صنفرهم بايده لاني سمعت ان الصاروخ بيسرطن الباغ فمرضتش اخليه يعملهم بالصاروخ
          معقول السعر انا برضه عملت بسعر قريب وكنت مستغليه كده الحمد لله هو الفانوس لما بيتعمل بيوفر فعلا انك تشتري واحد جديد
          Waleed Abbas

          Comment


          • #6
            المشاركة الأصلية كتبت بواسطة MuhamedNabil مشاهدة المشاركة
            الله ينور , بس عشان تحافظ عليه كده و ميصفريش تانى تديلوا wax كل اسبوع , عشان الصنفرة بتشيل الطبقة البتحمى البلاستيك من الشمس فتعوض الموضوع ده بالواكس و لو الواكس مكتوب عليه UV protection يبقى فى الجول.
            معني كده انه هيصفر اسرع من الاول :( بعد ما الطبقة دي اتشالت
            Waleed Abbas

            Comment


            • #7
              المشاركة الأصلية كتبت بواسطة waleedabbas مشاهدة المشاركة
              معني كده انه هيصفر اسرع من الاول :( بعد ما الطبقة دي اتشالت
              ده اكيد هو اصلا اذا اصفر فى الاول ده بسبب مسح الكشفات بفوطة خشنة او على تراب و ده بيعمل زى صنفرة مع الوقت بيكون شال الطبقة البتمنع اشعة الشمس انها تصفر البلاستيك و نفس الكلام للبوية

              اى واكس مستورد نوع نضيف اقراء عليه و مكتوب UV protection اشتريه.

              Comment


              • #8
                انا فكرت اعمله وكنت مستسهل الموضوع بس لما لقيت انه هيفك الفانوس كله قلقت وخصوصا انه بيكون متقفل من المصنع بمادة غير السيلكون سواء بتاع الازاز او غير وكمان لأنه بيشيل الطبقة الحامية الورنيش رجعت في كلامي وتكلفته كانت جنيه 100

                Comment


                • #9
                  بص يا باشا هو لو شكل الفانوس عندك دلوقتي زي ماكان عندي قبل مااصنفره كنت أكيد مش هترجع في كلامك :)
                  يعني لو الفانوس عندك لسة شفاف يبقى فعلا خسارة تفكه

                  Comment


                  • #10
                    هل تقصدو بفك الفانوس انك تفك الوش الباغه ولا تقصد انك تفكه من العربيه؟
                    انا عملت الموضوع دا بنفسي مرتين (مره اوبل كورسا ومره مرسيدس c)
                    دورت علي النت الاول و في مواقع كتير بتشرح ازاي تشيل الاصفرار ده و بحجات بسيطه
                    صنفره 800 و 1500
                    و بوليش للبلاستيك و مش محتاج تفكه من العربيه الاول
                    لما عملت الموضوع دا اول مره مكنش عندي صاروخ للبوليش
                    بس لما نجح اشتريت صاروخ
                    التكلف كانت بسيطه 5جنيه للصنفره و البوليش كان ب 25(بس دورت عليه كتير و محدش كان فاهم يعني ايه بولش بلاستك لغايه ما واحد هنا وصفلي محل في شارع دمشق افتكر كان اسمه المدينه تقريبا و سالته وقالي مفيش! بالصدفه شفت علبه عنده عليها فانوس مصفر بقولوا امال ده ليه قالي دا بينضف الفوانيس .... طبعا كان هوه دا البولش اللي بدور عليه).
                    فلو عندك مكان ممكن تعملها بنفسك.
                    Ahmed Saber

                    Comment


                    • #11
                      والله احسن حاجة الواحد يعمل حاجته بايده بس المشكلة انو نضفو عندي من جوة و من برة
                      من برة دي مقدور عليها بس مكنتش هتدي النتيجة المطلوبة لكن من جوة دي انا لو كنت عملتو كان زماني شاري فانوس جديد لاني كنت هبوظو تماما لان فكه صعب جدا

                      Comment

                      Working...
                      X