أماكن بيع قطع غيار وورش البيجو

[the-hero]

يا جماعه حد يقول لى منين اجيب السقف الزجاج البانوراما و متوسط سعره,,,,بس فى اسرع وقت ممكن...بيجو 307 sw

شوف فى الحرفيين وعند الدكتور امام مدارس البي بي سي

[MASERATI]

السلام عليكم و رحمة الله و بركاته

انا كان عندى سؤال و أرجو أن يتسع صدركم لى :

العربية البيجو ال 505 مو 1980 بتاعتنا , الزيت بينقص من الموتور بمقدار نص لتر لكل غيار/ كل 1000 كم يعنى .

المشكلة أن أنا لاحظت فى خلال السنة الأخيرة دى أن العربية بتسخن و على فكرة الموضوع ده جديد عليها تماما لأن أنا متعود أن العربية دى لو ماشى فى ميدان التحرير فى شهر أغسطس الساعة 2 الظهر و المرور واقف, مستحيل تسخن, يعنى المؤشر بيكون على الأزرق , آه و الله العظيم, ماهى عربيتنا من حوالى 30 سنة بقه و أنا عارفها, لحد ما لقيتها فى الفترة الأخيرة اللى هى الصيف ده و اللى فات بدأت تسخن, نظفت الرادياتير و اتأكدت أن الميه مابتنقص و أن الرادياتير مش مخروم و أن طلمبة الميه شغالة و بتقلب كويس و كله تمام وكمان غيرت المروحة و جبت واحدة أكبر و بعد كل ده بتسخن برضه.

لدرجة أن أنا كنت هسمع كلام بتاع الرادياتيرات و أغير الرايدياتير بواحد أطول شويه .

بس و أنا واقف مرة مع واحد بتاع دوكو اللى أنا بتعامل معاه و قولتله أن العربية بتاكل زيت و ان العربية بتسخن, يعنى المؤشر بتاع الحرارة ممكن يوصل لنص المسافة بين الأزرق و الأحمر رغم أن العادى أنه طول عمره بيكون على الأزرق و عمره ما يعلى عن كده الا ادا كان فى عيب فى دورة التبريد, قام بتاع الدوكو قاللى حاجة أنا مش عارف ادا كانت صح ولا لأ, هى أن أدام المكنة خفيفة و بتاكل زيت, فالعادى أنها تسخن و تمسك حرارة, فأنا عاوز أعرف, ده صحيح؟؟؟ , عشان لو كان صحيح , أروح للميكانيكى عشان يحل المكنة و يشوف هى بتاكل زيت ليه, على أساس أن يمكن لما أعالج موضوع الزيت اللى بينقص ده, تقوم مشكلة الحرارة تتحل و خصوصا أن أنا عندى احساس داخلى أن موضوع المكنة ده لو اتصلح, السخونية دى هتروح, يمكن يكون الكلام ده مجرد احساس و ممكن يكون بجد, بس ده اللى أنا حاسس بيه لأنها عربيتنا و أنا عارفها كويس و العربية هى نفس العربية و الرادياتير هو نفسه, بس موضوع السخونيه دى اللى جديد.

أنا بصراحة المشكلة عندى مش فى الزيت اللى بينقص لأن مش مشكله عندى أن أنا أزودها نص و لا حتى كيلو زيت كل غيار 1000 كم , بس المشكلة اللى بتتعبنى بالدات لو مسافر مشوار طويل و بالدات فى الصيف يعنى, هى الحرارة.

فأرجو من الأخوة الأفاضل اللى فى المنتدى هنا أنهم يشاركونى الرأى و يدلونى على الخير ان شاء الله

شكرا و جزاكم الله كل خير

maserati

[the-hero]

السلام عليكم و رحمة الله و بركاته

انا كان عندى سؤال و أرجو أن يتسع صدركم لى :

العربية البيجو ال 505 مو 1980 بتاعتنا , الزيت بينقص من الموتور بمقدار نص لتر لكل غيار/ كل 1000 كم يعنى .

المشكلة أن أنا لاحظت فى خلال السنة الأخيرة دى أن العربية بتسخن و على فكرة الموضوع ده جديد عليها تماما لأن أنا متعود أن العربية دى لو ماشى فى ميدان التحرير فى شهر أغسطس الساعة 2 الظهر و المرور واقف, مستحيل تسخن, يعنى المؤشر بيكون على الأزرق , آه و الله العظيم, ماهى عربيتنا من حوالى 30 سنة بقه و أنا عارفها, لحد ما لقيتها فى الفترة الأخيرة اللى هى الصيف ده و اللى فات بدأت تسخن, نظفت الرادياتير و اتأكدت أن الميه مابتنقص و أن الرادياتير مش مخروم و أن طلمبة الميه شغالة و بتقلب كويس و كله تمام وكمان غيرت المروحة و جبت واحدة أكبر و بعد كل ده بتسخن برضه.

لدرجة أن أنا كنت هسمع كلام بتاع الرادياتيرات و أغير الرايدياتير بواحد أطول شويه .

بس و أنا واقف مرة مع واحد بتاع دوكو اللى أنا بتعامل معاه و قولتله أن العربية بتاكل زيت و ان العربية بتسخن, يعنى المؤشر بتاع الحرارة ممكن يوصل لنص المسافة بين الأزرق و الأحمر رغم أن العادى أنه طول عمره بيكون على الأزرق و عمره ما يعلى عن كده الا ادا كان فى عيب فى دورة التبريد, قام بتاع الدوكو قاللى حاجة أنا مش عارف ادا كانت صح ولا لأ, هى أن أدام المكنة خفيفة و بتاكل زيت, فالعادى أنها تسخن و تمسك حرارة, فأنا عاوز أعرف, ده صحيح؟؟؟ , عشان لو كان صحيح , أروح للميكانيكى عشان يحل المكنة و يشوف هى بتاكل زيت ليه, على أساس أن يمكن لما أعالج موضوع الزيت اللى بينقص ده, تقوم مشكلة الحرارة تتحل و خصوصا أن أنا عندى احساس داخلى أن موضوع المكنة ده لو اتصلح, السخونية دى هتروح, يمكن يكون الكلام ده مجرد احساس و ممكن يكون بجد, بس ده اللى أنا حاسس بيه لأنها عربيتنا و أنا عارفها كويس و العربية هى نفس العربية و الرادياتير هو نفسه, بس موضوع السخونيه دى اللى جديد.

أنا بصراحة المشكلة عندى مش فى الزيت اللى بينقص لأن مش مشكله عندى أن أنا أزودها نص و لا حتى كيلو زيت كل غيار 1000 كم , بس المشكلة اللى بتتعبنى بالدات لو مسافر مشوار طويل و بالدات فى الصيف يعنى, هى الحرارة.

فأرجو من الأخوة الأفاضل اللى فى المنتدى هنا أنهم يشاركونى الرأى و يدلونى على الخير ان شاء الله

شكرا و جزاكم الله كل خير

maserati

مدام بتاكل زيت يبقى لآزم تتحل ويتعملها طقم شنبر ويعمل لها فحص كامل
غير كدا ممكن تفتح منك فى عمرة كاملة لو مشيت عليها مشوار وسخنت وبطلت منك

[MASERATI]

السلام عليكم و رحمة الله و بركاته

أنا متشكر جدا للرد بتاع سيادتك

بس حضرتك ماتعرفش, طقم الشنبر بياخد شغل أد ايه و بيتكلف حوالى كام؟؟؟

شكرا

maserati

[sherbeni]

السلام عليكم
انا اعيز ميكانيكى و عفشجى كويس و ابن حلال لبيجو 306 وقطع الغيار اجبها منين علما انى من سكان القاهرة ولا يفرق المكان طالما داخل القاهرة وشكرا الاهتمام السادة الاعضاء ويا سلام لو تعرفو اسعار قطع الغيار علما ان السيارة موديل 1996 1400cc كاربرتير و اسف على الاطالة و بانتظار الردود .

[MASERATI]

السلام عليكم و رحمة الله و بركاته

أنا كنت عاوز أكملكم المعلومات عن العربية البيجو ال 505 مو 1980 بتاعتنا عشان تبقى الصورة واضحة,بالنسبة لسحب العربية, أنا شايف أنه كويس, يعنى أنا بنقل من التانى للتالت على 60 و من التالت للرابع على 90 و العربية كسرعة قصوى ممكن تجيب معايا 140, خلى بالكوا العربية دى معانا من 1980 و اتعملها عمرة كاملة فى 1994 , غير كده مفيش حاجة اتعملت تانى الا يمكن غيرت جوان وش السلندر فى 2005 لما العربية جابت جوان وش سلندر لما سخنت لأن الرادياتير كان مخروم و أنا ما أخدتش بالى

أنا مفيش مشكلة أنى أغير الرادياتير لو ده هيحل مشكلة الحرارة بشكل نهائى, بس أنا خايف أغير الرادياتير و تفضل العربية تسخن برضه, ساعتها هبقى ماعملتش حاجة !!!!!!

أنا كنت سمعت عن الرادياتير ال 3 صفوف ده لأن اللى أنا أعرفه الرادياتير العادى, زى اللى راكب عندى فى العربيه اللى هو عبارة عن سربنتينة و راكب عليها علب و خلاص, اللى أنا أعرفه و سمعته من الصنايعية هو الرادياتير ال 3 ماسورة, فهل فى أى حد سمع عن الرادياتير ال 3 صفوف ده ؟؟؟؟

آه , بالمناسبة , أنا كان عندى سؤال تانى :

أنا سمعت عن حاجة اسمها زيت شنبر, فأنا عاوز أعرف ايه فايدة الزيت ده بالظبط و بيتحط ازاى فى المكنة, يعنى بيتحط عادى مع الزيت ساعة ما آجى أغير الزيت و لا بيتحط امتى , و هل بأضيفه لزيت الموتور, يعنى بأضيفه فوق ال 4 لتر اللى بيتحطوا أصلا ساعة ما آجى أغير الزيت و لا بيتحط و بعدين أكمل فوقه لحد ما أوصل للمقاس المطلوب و خلاص ؟؟؟؟

ياريت أى حد يعرف معلومات عن الحاجات دى مايبخلش على و جزاكم الله كل خير .

MASERATI

[the-hero]

السلام عليكم و رحمة الله و بركاته

أنا كنت عاوز أكملكم المعلومات عن العربية البيجو ال 505 مو 1980 بتاعتنا عشان تبقى الصورة واضحة,بالنسبة لسحب العربية, أنا شايف أنه كويس, يعنى أنا بنقل من التانى للتالت على 60 و من التالت للرابع على 90 و العربية كسرعة قصوى ممكن تجيب معايا 140, خلى بالكوا العربية دى معانا من 1980 و اتعملها عمرة كاملة فى 1994 , غير كده مفيش حاجة اتعملت تانى الا يمكن غيرت جوان وش السلندر فى 2005 لما العربية جابت جوان وش سلندر لما سخنت لأن الرادياتير كان مخروم و أنا ما أخدتش بالى

أنا مفيش مشكلة أنى أغير الرادياتير لو ده هيحل مشكلة الحرارة بشكل نهائى, بس أنا خايف أغير الرادياتير و تفضل العربية تسخن برضه, ساعتها هبقى ماعملتش حاجة !!!!!!

أنا كنت سمعت عن الرادياتير ال 3 صفوف ده لأن اللى أنا أعرفه الرادياتير العادى, زى اللى راكب عندى فى العربيه اللى هو عبارة عن سربنتينة و راكب عليها علب و خلاص, اللى أنا أعرفه و سمعته من الصنايعية هو الرادياتير ال 3 ماسورة, فهل فى أى حد سمع عن الرادياتير ال 3 صفوف ده ؟؟؟؟

آه , بالمناسبة , أنا كان عندى سؤال تانى :

أنا سمعت عن حاجة اسمها زيت شنبر, فأنا عاوز أعرف ايه فايدة الزيت ده بالظبط و بيتحط ازاى فى المكنة, يعنى بيتحط عادى مع الزيت ساعة ما آجى أغير الزيت و لا بيتحط امتى , و هل بأضيفه لزيت الموتور, يعنى بأضيفه فوق ال 4 لتر اللى بيتحطوا أصلا ساعة ما آجى أغير الزيت و لا بيتحط و بعدين أكمل فوقه لحد ما أوصل للمقاس المطلوب و خلاص ؟؟؟؟

ياريت أى حد يعرف معلومات عن الحاجات دى مايبخلش على و جزاكم الله كل خير .

maserati

الرداتير ال 3 مسورة ده بيبقي العريض وبياخد ميه اكتر وتبريدة احسن طبعا
حوار بقي زيت الشنبر ده يعتبر اى كلام خصوصا مع المواتير القديمة بس عامتا لو عاوز تجربة مفيش مشاكل هو بيقلل نسبة الاحتكاك وينعم العربية فترة كدا وبيتحط عادى جدا مع غيرة الزيت وبس

[MASERATI]

السلام عليكم و رحمة الله و بركاته

شكرا جدا للأخ الفاضل the-hero على المشاركات الايجابية اللى أفادتنى كتير جدا, بس النقطة اللى كنت عايز أسأل عليها عشان مايحصلش غلط و انا بغير الزيت,على فكرة أنا بستخدم زيت كالتكس اللى بيتغير كم 1000 كم, يبقى أنا المفروض أحط ال4 لتر عادى زى أى غيار و بعد كده أحط زيت الشنبر زيادة عليه و لا كده يبقى الزيت كتير و غلط؟؟؟

و لا الصح أعمل ايه بالظبط؟؟؟

شكرا و جزاك الله كل خير

MASERATI

[the-hero]

السلام عليكم و رحمة الله و بركاته

شكرا جدا للأخ الفاضل the-hero على المشاركات الايجابية اللى أفادتنى كتير جدا, بس النقطة اللى كنت عايز أسأل عليها عشان مايحصلش غلط و انا بغير الزيت,على فكرة أنا بستخدم زيت كالتكس اللى بيتغير كم 1000 كم, يبقى أنا المفروض أحط ال4 لتر عادى زى أى غيار و بعد كده أحط زيت الشنبر زيادة عليه و لا كده يبقى الزيت كتير و غلط؟؟؟

و لا الصح أعمل ايه بالظبط؟؟؟

شكرا و جزاك الله كل خير

maserati

لا عادى جدا مش هيبقي فيه زيادة

[A.Elsawaf]

موضوع مهم جدا جدا لأى حد معاه بيجو علشان كده فكرت علشان انا ان شاء الله هشترى بيجو قريب انا بدور على عربية دلوقتى .. الحاجة دى ممكن تنفعنى وتنفع أى واحد بتاع بيجو ... انا جمعت كل المحلات والورش اللى الاعضاء الكرام قالو عليها فى الموضوع ده وعملتها فى جدول وورد كده وكمان صورتين ... صورة للروش وصورة لأماكن بيع قطع الغيار ان شاء الله يعجبوكو ... بس الناس الخبرة فى البيجو من زمان عاوزين حاجات اكتر ... مش معقول دول بتوع البيجو الكويسين بس :) اكيد فى ناس تانية كتير

اسيبكو دلوقتى مع الملف والصور







وده لينك ملف الورد للى عاوزه

RapidShare: 1-CLICK Web hosting - Easy Filehosting

[the-hero]

موضوع مهم جدا جدا لأى حد معاه بيجو علشان كده فكرت علشان انا ان شاء الله هشترى بيجو قريب انا بدور على عربية دلوقتى .. الحاجة دى ممكن تنفعنى وتنفع أى واحد بتاع بيجو ... انا جمعت كل المحلات والورش اللى الاعضاء الكرام قالو عليها فى الموضوع ده وعملتها فى جدول وورد كده وكمان صورتين ... صورة للروش وصورة لأماكن بيع قطع الغيار ان شاء الله يعجبوكو ... بس الناس الخبرة فى البيجو من زمان عاوزين حاجات اكتر ... مش معقول دول بتوع البيجو الكويسين بس :) اكيد فى ناس تانية كتير

اسيبكو دلوقتى مع الملف والصور







وده لينك ملف الورد للى عاوزه

RapidShare: 1-CLICK Web hosting - Easy Filehosting

الله ينور عليك
موضوع هايل ياباشا ربنا يكرمك ويعزك

[usama_zh]

عضو جديد يريد نصيحة

الاخوة الكرام
اولا : اود ان ابدى اعجابى بالروح الطيبة للاعضاء
ثانيا : انا عندى سيارة 305 موديل 1981 الشكل العادى وارغب فى معرفة سمكرى ممتاز يجيد ويحب العمل فى هذة السيارة لانى اعشق هذة السيارة ولا اريد بيعها وعلى فكرة انا من سكان القاهرة - عين شمس
وشكرا للجميع

[the-hero]

الاخوة الكرام
اولا : اود ان ابدى اعجابى بالروح الطيبة للاعضاء
ثانيا : انا عندى سيارة 305 موديل 1981 الشكل العادى وارغب فى معرفة سمكرى ممتاز يجيد ويحب العمل فى هذة السيارة لانى اعشق هذة السيارة ولا اريد بيعها وعلى فكرة انا من سكان القاهرة - عين شمس
وشكرا للجميع

ان شاء الله لاخوة القاهريين يدلوك

[ahmatar]

جميل هذا الموضوع وانا بأيدك

[the-hero]

جميل هذا الموضوع وانا بأيدك

شكرا ليك
والى الامام