هشتري بيجو الجديد وأفلام الرعب ؟؟!!

[surfer3098]

السلام عليكم يا جماعة أنا بقالي فترة بدور على عربية جديدة اشتريها وأنا من عشاق الأسد الفرنسي وأول عربية اتعلمت عليها سواء كانت بيجو 305 الله يمسيها بالخير المهم بقى كنت في معرض اوتوماك امبارح وشفت البيجو 408 ووقعت في حبها بصراحة العربية مبنية على البيجو 308 ومعمولة تستهدف الأسواق النامية زي الصين والبرازيل والارجنتين الخ الخ المهم العربية جميلة جدا وتقفلها تحفة يعني فعلا تحس إنها من فرنسا وده لأن فرنسا بتنتجها في مصانعها في الصين مش franchise زي شركات تانية نيجي بقى لأفلام الرعب !!
كل الناس بتخوفني من البيجو ! من ناحية الاعتمادية والاعطال بالذات ان فعلا بالبحث بلاقي إن في للعربية اعطال مشهورة زي مثلا el-anti-pollution fault وغيرهم فـعايز أعرف هل الحاجات ده نادرة ولا فعلا العربية ده التكنولوجي بتاعها مينفعش معانا في مصر يا ريت تفيدوني يا جماعة لحسن أنا خلاص باشد في شعري

[melagouze]

متابع باهتمام

نفس المشكله...........بس بيجو ما بتجمعش في مصنعها في الصين

[Mohab.Nabil]

يا باشا

انا هتكلم كلام عام على كل العربيات الاوروبى

سيبك من كلام الناس خالص ، هل فيه حد اصلا ركب الـ 408 ديه عشان يحكم عليها ؟ هل فيه حد شافها اصلا الا راكنة فى المعرض ؟ .. يعنى اى حد حكمه عليها هيبقى من خلال العين بس و دا اى حد يقدر يعمله .. حضرتك تقدر تشوفها بعينك و تقرر اذا كانت حلوة ولا لا ؟ و انا شايف ان حضرتك مقتنع بيها

العربيات الاوروبى ذات جودة عالية و مفيهاش مشاكل زى ما الناس بتصور .. بس لازم تحافظ عليها .. يعنى المصنع كاتب كلام معين فى الكاتالوج بتاعه .. جيه اى حد خالف الكلام ده .. يبقى العيب منه مش من العربية

و بيجو شركة كبيرة و بصراحة انا شايف العربية جميلة جدا .. و ان كانت اقل سنة من الـ 308 فى التقفيل .. مش عارف هل ده احساس عشان عرفت انها صينى ولا ديه الحقيقة فعلا .. بس هى مستواها كويس فعلا و غير الـ Pars و الكلام اللى نزلنا ده .. و سعرها حلو بصراحة

انا شايف ان حضرتك تسأل على قطع الغيار و لو لقيتها مناسبة توكل على الله فيها و بالتوفيق ان شاء الله

[M.Elwan]

على الوكيىبيديا بيقولو انها انتاج الارجنتين
In November 2010, production of the 408 commenced in El Palomar, Buenos Aires, Argentina,[3] with sales starting in January 2011

ومن بولتان مكتوب ان فتيسها الاوتو نوع متطور من ZF
4speed automatic, which is the new AT8 Porsche Tiptronic system model
Not the same one as found in the 206 or the 308, which is the AL4.
The AT8 uses a torque converter by ZF which improves gearbox output and reduces consumption by about 5%

[surfer3098]

على الوكيىبيديا بيقولو انها انتاج الارجنتين
In November 2010, production of the 408 commenced in El Palomar, Buenos Aires, Argentina,[3] with sales starting in January 2011

ومن بولتان مكتوب ان فتيسها الاوتو نوع متطور من ZF
4speed automatic, which is the new AT8 Porsche Tiptronic system model
Not the same one as found in the 206 or the 308, which is the AL4.
The AT8 uses a torque converter by ZF which improves gearbox output and reduces consumption by about 5%

حضرتك أنا التوكيل نفسه قالي إنها صيني وحضرتك ممكن تتفرج على اللينك ده
Dongfeng PSA (DPCA) Exports Peugeot 408 to Egypt | ChinaAutoWeb

أنا بس القلقان منه قلة الاعتمادية يعني أنا شايف ناس كتير قوي جوه وبره بتشتكي من errors w-faults و أحيانا كمان والعربية في التوكيل بتتعمل مرة واتنين وترجع تاني وأنا هنا مش بأتكلم عن el-408 أنا بتكلم عن البيجو الجديد بشكل عام أنا إن شاء الله ناوي عليها منوال بس لسة مقلق من موضوع el-errors ده

[surfer3098]

يا باشا

انا هتكلم كلام عام على كل العربيات الاوروبى

سيبك من كلام الناس خالص ، هل فيه حد اصلا ركب الـ 408 ديه عشان يحكم عليها ؟ هل فيه حد شافها اصلا الا راكنة فى المعرض ؟ .. يعنى اى حد حكمه عليها هيبقى من خلال العين بس و دا اى حد يقدر يعمله .. حضرتك تقدر تشوفها بعينك و تقرر اذا كانت حلوة ولا لا ؟ و انا شايف ان حضرتك مقتنع بيها

العربيات الاوروبى ذات جودة عالية و مفيهاش مشاكل زى ما الناس بتصور .. بس لازم تحافظ عليها .. يعنى المصنع كاتب كلام معين فى الكاتالوج بتاعه .. جيه اى حد خالف الكلام ده .. يبقى العيب منه مش من العربية

و بيجو شركة كبيرة و بصراحة انا شايف العربية جميلة جدا .. و ان كانت اقل سنة من الـ 308 فى التقفيل .. مش عارف هل ده احساس عشان عرفت انها صينى ولا ديه الحقيقة فعلا .. بس هى مستواها كويس فعلا و غير الـ Pars و الكلام اللى نزلنا ده .. و سعرها حلو بصراحة

انا شايف ان حضرتك تسأل على قطع الغيار و لو لقيتها مناسبة توكل على الله فيها و بالتوفيق ان شاء الله

حضرتك معاك حق تماما بس أنا بشوف ناس كتير هنا في المنتدى وفي منتديات اجنبية بتشتكي من البيجو el-307 مثلا شكوى فظيعة ده حتى زميلنا هنا الباشمهندس هيثم المغرقنا بجميله ومعلوماته مابينصحش بيها فـأنا طبعا قلقان مع إنه طمّني على el-408 بس لسة الشك محيرني بالذات إنها أول عربية اشتريها بعد متعبت خلاص من عربية الوالد :)

[M.Elwan]

حضرتك أنا التوكيل نفسه قالي إنها صيني وحضرتك ممكن تتفرج على اللينك ده
dongfeng psa (dpca) exports peugeot 408 to egypt | chinaautoweb

أنا بس القلقان منه قلة الاعتمادية يعني أنا شايف ناس كتير قوي جوه وبره بتشتكي من errors w-faults و أحيانا كمان والعربية في التوكيل بتتعمل مرة واتنين وترجع تاني وأنا هنا مش بأتكلم عن el-408 أنا بتكلم عن البيجو الجديد بشكل عام أنا إن شاء الله ناوي عليها منوال بس لسة مقلق من موضوع el-errors ده

كلامك مظبوط فعلا واضح انها حتتصنع فى دول مختلفة لزيادة الانتشار
انا مشكلتى انى عاشق للاسد الفرنسى من زمان بس واضح التوكيل هنا مش تمام

[Mohab.Nabil]

كلامك مظبوط فعلا واضح انها حتتصنع فى دول مختلفة لزيادة الانتشار
انا مشكلتى انى عاشق للاسد الفرنسى من زمان بس واضح التوكيل هنا مش تمام

90% من التوكيلات فى مصر مش تمام الا من رحم ربى

ممكن حضرتك تاخد لفة على الاقسام كده و هتلاقى ان فيه شكاوى من معظم التوكيلات

انا مسمعتش حد بيشكر الا فى رينو و دايهاتسو و تويوتا

[Hegazio]

معجب جدا بالعربية دي
يا جماعة الهاي لاين بسعر الالانترا هاي لاين .. !!!!!
الشعب ده زي مابقول دايما محتاج ظبط زوايا .. بيحدف كوري .. بس للأسف مؤخرا من غير ما يوفر !!!

[Omar_H]

أنا شخصيا لو فيه عربية بيجو عجباني و معايا فلوسها هجيبها عادي

[waleedabbas]

البيجو من ناحية الاعتمادية هي عربيات محترمة جداااا واعتمادية عالية بس هي فعلا زي ما استاذ rs 12 قال هي لازم تنفذ تعليمات المنتج زي الكتالوج وتعمل الصيانات المطلوبة ف وقتها ان شاء الله تفضل معاك عربية محترمة وتريحك وكفاية عوامل الامان فيها والراحة والفخامة
اما بالنسبة لل
el-anti-pollution fault
ال اعرفه ان ده بيكون عيب اما في نوع الوقود مش مناسب للبيئة عشان كده حساس الكتاليزر (في علبة البيئة ف الشكمان ) او لما علبة الكتاليزر نفسها بتكون باظت وده برضه بسبب نوع الوقود لان البنزين عندنا مش حلو والمشكلة دي حلها تغيير العلبة دي انا تقريبا مغيرتهاش الا بعد 8 سنين من عمر العربية عند ابو اليزيد وقالي ان دي فترة كويسة جدا في عربيات كتيرة تانية غير الاوروبي بتتغير في مدة اقل من كده بكتير
ومش معني ان العربية فيها تكنولوجي عالي يبقى عيب فيها بالعكس
اما بالنسبة لل 408 بصراحة معرفش عنها حاجة حتي الاعلان ال نزل عنها للاسف مش موضح اي حاجة ولا امكانيات العربية وكمالياتها حتى اسال كويس وربنا يوفقك ان شاء الله

[TOOLA]

يا جماعة لازم تعرفو البتنصحو ده ممكن ميكنش معاه فلوس زيادة كتير عن الفلوس الهيشترى بيها العربية و هو ادرا طبعا بظروفو.

محدش يقول اعتمادية عالية لكن الناس بتستخدمها غلط, اكيد فيه نسبة اهمال من الناس و فيه نسبة مشاكل من العربية نفسها, بدليل مسمعناش عن كمية مشاكل مساوية فى عربية زى الاوكتافيا مثلا.

الفرنساوى معروف عنه الفخامة العالية و التكنولوجيا العالية بردو (و ده سلاح ذو حدين فى الفرنساوى) فالتكنولوجيا اعلى من سعر العربية ف مقابل كده بيبقى فى تأثير فى بعض المكونات, يأما التكنولوجيا ديه مخدتش حقها فى الدراسة (استنباط و ليس حقائق) لكن انك تقولى ناس كتير اشتكت من فتيس ال 307 و انه بيبوظ كتير اكيد مش صدفة, بردو ليا اخت عايشة فى الامارات معاها 307 sw, ماشية 36000 ك (يعنى شبه زيرو) و العربية كل صيانتها فى التوكيل بالكامل و فجأة الفتيس يهيس, و بعدين يصلحو حاجة فيه(مش متأكد او مش فاكرها فمش هفتى) العربية تظبط فترة و بعدين ترجع تهيس تانى, يروحو مغيرين الفتيس على حساب التوكيل, و أينعم التوكيل هناك محترم لكن ده ميمنعش ان فعلا حصل تهييس فى الفتيس, و ميمنعش انها مشكلة متكررة, و لو العربية بره الضمان و لو التوكيل هنا مش باحترام التوكيل هناك و لو مفيش فتيس استيراد سعتها هيبقى فيه لبس فى مبلغ و قدرو.
طيب عايز اقول ايه: عايز أقول للأخ الفاضل صاحب الموضوع ان نظرتى الخاصة هى, لو انتا هتشترى العربية ديه و معاك فلوس فوقيها زيادة عادى و عندك استعداد لنسبة مغامرة يبقى استخير و شوف دماغك هتوديك فين.

لكن, لو ديه تعتبر تحويشة العمر زى مابيقولو و هيبقى من الصعب عليك تواجه صدمات, يبقى من الأفضل تصبر عليها لما تبان ظروفها ايه فى السوق, او تبتدى تدور على حاجة سمعتها كويسة و تبقى خدن بالأسباب, و فى أسوء الظروف لو معجبتكش يبقى بيعها سهل و باقل الخسائر, أحسن متلاقى نفسك معاك عربية مش مقتنع بيها و فيها مشاكل حاسس انها بتستهلك فلوسك و لو بعت هتخسر كتير, و معندكش امكانية تركها و شراء غيرها او عربية تسند جنبيها.