بيجو 405 بتبطل اول ما اشيل رجلى من على دواسة البنزين

[dev66]

برجاء من الاخوة الاعضاء حد يساعدنى علشان العربية دى شلتنى
بيجو 405 glx موديل 2001 فرنساوى
العربية هاف انجيكشن المشكلة دى ظهرت لوحدها
فى الاول ادور العربية وامشى بيها تمام اول ما اقرص عليها فى الغيار التانى بتبقى عايزة تبطل اول ما اشيل رجلى من على دواسة البنزين نور الكونتاك يرعش ولو سبتها تبطل لو دوست تانى تفضل دايرة وماشية عادى ( مع انى كنت بعمل كده ياما عمرها ما كانت بتبطل )
جبت اسبراى تنضيف كربراتير ونضفته وغيرت بوجيهات وغسلت موتور وكله تمام
اجرب تانى نفس الكلام بس اللى نيلها زيادة دلوقتى لو انا ماشى على اى سرعة وعلى اى غيار نفس المشكلة افضل ماشى بيها عادى لغاية لما اهدى لاى سبب العربية تبقى عايزة تبطل ونور الكونتاك يعد ينور ويطفى لو سبتها من غير ما ادوس بنزين تانى تبطل لو فضلت دايس بنزين حتى لو شعرة تبقى دايرة وماشية عادى
ياريت حد يدلنى فين المشكلة ؟؟؟؟؟؟؟

[mr1975hany]

مساء الخير الحل سهل شوف بك السلانسيه ممكن يكون سلكه مهزوز او ممكن البيك يكون عاوز يتنضف البيك مكانه وانت واقف امام السياره بيكون على اليمين فى الكربراتير تحت وش العمه البلاستيك ولو عاوز حاجه انا تحت امرك

[mr1975hany]

معلش نسيت اقولك انى البيك الاصلى بيكون كهرباء

[hugan]

بك السلانسيه
المفروض انه لو كهرباء بيعمل تنظيف ذاتي
ممكن البك نفسه يكون فيه مشكله في الكهرباء او محتاج تغيير

[dev66]

تمام حضرتك انا لقيته على اليمين وداخله سلك بس عايز استفسر من حضرتك اكشف عليه ازاى من حيث القطع فى الكهربا ولا عايز ينضف ولا هو بايظ اصلا
وشكرا على ردود حضراتكم والمساعدة

[mr1975hany]

صباح الفل ممكن حاجه من 3 اول حاجه حرك سلك البك والعربيه دايره شوف ممكن يكون العيب فى ترمله السلك الى هيى ركبه فى البك ثانى حاجه بطل العربيه وفك البك هو سهل الفك بل ايدى في جزء فى الاخر نحاس به ثقب اسحبه لبره وشوفه سالك ولا لا ممكن يتسلك بلنفخ او اى حاجه مرنه بلاش ابره ثالث حاجه اختبر البيك بعد فكه من العربيه جسم البك ارضى ومكان الترمله كهرباء 12فولت من البطاريه المفروض تسمع
صوت زنه متوسطه مع فيبريشن والابره الداخليه للبك تتحرك بسرعه

[mr1975hany]

بك السلانسيه
المفروض انه لو كهرباء بيعمل تنظيف ذاتي
ممكن البك نفسه يكون فيه مشكله في الكهرباء او محتاج تغيير

لوالسدد بسيط بيتسلك اتوماتيك عن طريق الابره الداخليه لكن لو السدد كبير يبقى لازم تسليك يدوى

[dev66]

الحمد لله المشكلة اتحلت وغيرت البك وركبت واحد عادى مش كهربا بس كنت عايز اتاكد من حضراتكم هو البك العادى يختلف عن الكهربا يعنى حيأثر معايا ولا هو ده ذى ده
وشكرا لحضراتكم على المساعدة

[mr1975hany]

ليه حضرتك عملت كده لو كان ده ذى ده مكنوش عملوه كهرباء الكهرباء بيحافظ على نسبه المعايره اتوماتيك وبيعمل على راحه المحرك (نسبه الخليط) عيبه انه غالى الاسبانى ب175 والاصلى ب350 بش القديم اكشف عليه ذى مقلتلك انا عندى في مشكله فى الترمله فا لحمتها بلعجينه السحريه والحمد لله كله تمام ياريت تحاول مع البك الكهرباء تانى وان امكن تالت
ملحوظهالبك الكهرباء بيقلل استهلاك البنزين بعكس البك العادى

[dev66]

ححاول اكشف عليه زى ما حضرتك قولتلى بس لو معرفتش حضطر اشترى واحد كهربا وامرى لله بس الميكانيكى مقاليش على موضوع نسب الخليط هو قالى ده زى ده وبالعكس العادى حيريح دماغك بدل ما كل شوية الكهربا يتحرق منك ( منه لله )
شكرا لحضرتك على المساعدة جزاك الله كل خير