ممكن مساعده في 307

[ahmedb1]

انا ظهرتلي على الشاشة الكلمة دي electrical faculty معناها ايه ؟
انا مش متأكد من كلمة faculty بس كلمة شبيه جدا او المهم electrical ومش حاسس بأن العربية فيها حاجة

وشكرا مقدما

[A.Lotfy]

ممكن تكون fault يعني خلل

[ahmedb1]

ممكن تكون fault يعني خلل

صح كده يعني ممكن تكون المشكلة في ايه بالضبط مع العلم لاشي ظاهر هل ممكن العربية بيتخرف electrical faulty

[ahmedb1]

معلش هي الكلمة اسمها electrical circuit faulty وزادة على الرسالة دي رسالة تانية مش فاكرها
المهم هحكيلكم اللي حصل النهردة طلعتلي الرسالة مرتين بعدين فجأة التكييف فصل والاي بي اس والباور والعربية مرضتش تدور وعطلت مني في الشارع فبحاول اشغلها تاني بسمع صوت تكتكة من غير متدور
وسبتها وروحت ادور على حد يسحبني فا اللي حصل لما جبته وجيت كده بصدفة اشغلها لقيتها اشتغلت ومشيت بس طلعت الرسالة تاني وحسيت انها هتعملها تاني روحت قاطرها للبيت ولما وصلت جيت اشغلها لقيتها مشتغلتش تاني
العربية اوتوماتيك , في حاجات زي ازاز العربية مش بيترفع بس السنتر لوك شغال وانا لما قطرتها المسافة كانت قربية يعني تقريبن 10كم وفتحت الكونتاك في وضع الراديو وحطيتها على n فممكن تكون المشكلة ايه
انا في حاجات في بالي هل ممكن تكون هي bsi , علبة الفيوزات ,الكونترول , الدينمو , الموبينة , وممكن البوجيهات بس مش متأكد عشان وانا كنت ماشي بيها ومفيش اي مشاكل مش بتقطع وكانت اول حاجة حسيتها التكيف فصل والباقي جه وراه , المهم عايز اقفل الازاز واعرف ممكن تبقى ايه

[ahmedb1]

كان في موضوع بخصوص سحب العربية الضعيف انا غيرت قلب الطرمبة وبرضة لسه ضعيف بس انا غيرته كان بسبب ان الموتور بتاع الطرمبة ضعف جدا لدرجة انه مكنش بيسحب بنزين من الطرمبة ومكنتش راضية تدور ومكنش في رسايل بتظهر !
وقالولي لو عايز السحب يرجع غير الطرمبة كلها وانا ركبت موتور بوش

[A.Lotfy]

90 % battary .... Check your battary
sorry i answerd from mobile ...

[ahmedb1]

اولا انا متشكر جدا لرد حضرتك , هو ممكن لأن القطاش عليه رواسب واملاح بس دي بتعطل مني وهي شغالة
ملوحظة انا الحمد لله قفلت الازاز بعد ساعة من ركنها تحت البيت , واشتغلت مع انها كانت بتدي التكتكة دي اول موصلت البيت ومكنش في حاجة شغالة بس بعد ساعة اشتغلت , انا خايف تعملها معايا تاني ولو فيها مشكلة كبيرة مش ناوي اصلحها دلوقتي خليها مرمية تحت البيت , انا كمان كنت غيرت البطارية قبل كده وعارف هيه نفس التكتكة بس مكنتش بتدور خالص حتى بعد خمس ساعات عامة تنصحي بإيه والبطارية لسه على الضمان

[A.Lotfy]

انا من اسبوع تقريبا العربية دورتها ومشيت بيها وكان بقالي يومين باحس ان المارش تقيل في الدوارة
بعد ما مشيت شوية لقيت المالتي فانكشن بتاع الكاسيت ما بيقلبش بيعلي ويوطي بس
وقفت وحست ان فيه لمبة غريبة منورة
طفيتها وانا بادور تقلت معايا شوية وحست انها بطارية ... كملت طريقي ورحت لمركز بيجو اللي ورا نادي السكة كشف على البطارية وانا واقف وقالي ضعيفة وكويس انك أخدت بالك على طول ... رحت رايح لوحد مغيرها في ش الطيران

انت تكشف عالبطارية ولو محتاجة تغيير غيرها وبعدها تروح اي مركز خدمة يحطلك العربية عالجهاز لأن فيه أكيد أعطال متخزنة هيمسحها كلها ويعمل scan ويقولك لو فيه حاجة

العربية دي حلوة أوي لو صونتها وهتتعبك اوي لو عاملتها على انها كوري وبتسيبها لما تجمع معاك مشاكل
اي مشكلة حلها اول بأول حتى لو لمبة محروقة مش هتحس بالتكلفة لو استنيت شوية هتلبس وتدفع مبلغ كبير

[ahmedb1]

انا حطيت ميه سخنة على القطاش ونضفته والعربية دارت وقلت اقعد اسنتى ايه اول مشغلت التكييف والعربية بدأت تهنج والاي بي اس ينور وعطلت وجيت اشغلها تاني مشتغلتش وبتديني التكتكة و لقيت رسالة جديدة rds system faulty وكمان رسالة طويلة مش عارف اعمل ايه

[ahmedb1]

بس افتكر ان الرسالة بتاعت البطارية anti-pollution fault

[waleedabbas]

غالبا زي ما استاذ A.Lotfy قالك هي بطارية او دينامو ومعظم الرسايل ال بتظهرلك دي بسبب ضعف البطارية لان التيار ضعيف وبالتالي الحاجات دي مش قادرة تشتغل
اما anti-pollution fault دي معناها غالبا ان العادم ملوث ياما عيب في نوع البنزين او سيبت التنك لغاية ما خلص او عيب في الكتاليزر ( علبة البيئة بتاعة الشكمان )

[waleedabbas]

انت تكشف عالبطارية ولو محتاجة تغيير غيرها وبعدها تروح اي مركز خدمة يحطلك العربية عالجهاز لأن فيه أكيد أعطال متخزنة هيمسحها كلها ويعمل scan ويقولك لو فيه حاجة

العربية دي حلوة أوي لو صونتها وهتتعبك اوي لو عاملتها على انها كوري وبتسيبها لما تجمع معاك مشاكل
اي مشكلة حلها اول بأول حتى لو لمبة محروقة مش هتحس بالتكلفة لو استنيت شوية هتلبس وتدفع مبلغ كبير

فعلا الاهمال في العربيات دي مش كويس وللاسف ده السبب ال بيخلي ناس تشتكي من البيجو مع انها عربيات محترمة جدا

[ahmedb1]

غالبا زي ما استاذ a.lotfy قالك هي بطارية او دينامو ومعظم الرسايل ال بتظهرلك دي بسبب ضعف البطارية لان التيار ضعيف وبالتالي الحاجات دي مش قادرة تشتغل
اما anti-pollution fault دي معناها غالبا ان العادم ملوث ياما عيب في نوع البنزين او سيبت التنك لغاية ما خلص او عيب في الكتاليزر ( علبة البيئة بتاعة الشكمان )

شكرا لرد حضرتك , ان شاء قريب جدا هنزل واكشف عليها واعرف العيب وهقولكم ايه اللي فيها

[ahmedb1]

فعلا الاهمال في العربيات دي مش كويس وللاسف ده السبب ال بيخلي ناس تشتكي من البيجو مع انها عربيات محترمة جدا

بس مشكلتها بتفتح على الاخر وسعر قطع الغيار ده يخلي الواحد قبل مايفكر يصلحها يبقى عامل حسابه في مبلغ محترم وبالتالي الواحد بقى يفكر في الاولويات والاساسيات في العربية اللي اسعارها عالية اللي بتلفت الانظار ويسيب الحاجات البسيطة لبعدين
يعني مثلا الدينمو يعملو مثلا 3000 وممكن اكتر جديد ...

[waleedabbas]

بس مشكلتها بتفتح على الاخر وسعر قطع الغيار ده يخلي الواحد قبل مايفكر يصلحها يبقى عامل حسابه في مبلغ محترم وبالتالي الواحد بقى يفكر في الاولويات والاساسيات في العربية اللي اسعارها عالية اللي بتلفت الانظار ويسيب الحاجات البسيطة لبعدين
يعني مثلا الدينمو يعملو مثلا 3000 وممكن اكتر جديد ...

هو فعلا تعمل حسابك ف مبلغ محترم بس صدقني كل العربيات الجديدة كده حتى الكوري مش البيجو بس يعني متوسط اسعار قطع غيار البيجو تقريبا زي معظم انواع العربيات الكوري والياباني ان لم يكن بعض قطع الغيار بتلاقيها ارخص من مثيلاتها في عربيات ياباني مثلا
بالنسبة للدينامو ان شاء الله ميكونش عندك عيب دينامو هو فعلا غالي بس معدي ال 2000 ممكن 2500 بس ممكن تجيبه استيراد في حدود 400 جنيه ده الكبير كمان ال 120 امبير هو نفسه بتاع البيجو هو ال بيركب في المرسيدس ال e