بيجو 504 هتجنني

[AhMeD MeTwAlY]

امبارح وانا راجع من الجامعه والحمد لله وصلت بالسلامه كنت طبعا ماشي مخنوق من الدخان قفلت الازاز وماشي 100-120 وكل شئ تمام
بهدي عشان مطب هو حاجه كده لا اله الا الله شبه الكبري مش مشكله (متعوده ديما) وخصوصا عندنا في الشرقيه بيعملو المطب وصايه
ببص لقيت عربيه 504 بيجو معرفتش الموديل مفيش كارونه قولت لا اله الا الله واحد صحبي كان راكب معايا بقولو بص علي البيجو دي مفيش كارونه هو معاه النترا 2010 ومعاه العربيه الي شافت المر كله شاهين دوجان
قالي مش تستغرب في عربيات مش كرونه كبالان بيني وبينكم انا الحوار مش داخل دماغي
ازاي بيتعمل كبالان !!!!

[magyver]

ايوة ال gr بتكون علي كباالن
ال gl علي كرونة

[ahmedsameih]

مع احترامي الشديد ل magyver
ولتصحيح المعلومة
GR , L كارونة
و GL هي اللي كبالن
انا معايا GR كارونة
وبالنسبة للعضو XMANX51
انت هتقولي على مطبات الشرقية ؟؟
ده فعلا المطب عامل زي الكوبري والله الواحد يطلع الكوبري ارحم

[abo_hosni]

في ناس عندها اعتقاد أن الكبالن دي للدفع الأمامي بس

لكن الدفع الخلفي في منه عربيات على كبالن و منها 504 gl و ده بيسمح أن تعليق العجلات الخلفية يكون مستقل، الكورونة بتكون مثبتة فوق و الكبالن (مدلدلة) منها بعكس المعروف عن الكورونة اللي طالع منها أكسات و بيبقى المحور الخلفي كله حتة واحدة بيتحرك مع بعضه. الدفع الخلفي لما يكون على كبالن بيبقى التعليق مستقل يعني كل عجلة تتحرك فوق و تحت لوحدها