مشكلة غريبة الاطوار اخر حاجة

[mado4ever]

السلام عليكم ورحمة الله وبركاته
انا معايا بيجو 305 والعربية زى الفل الا انها بتعمل شوية حاجات مالهاش تفسير ز مثلا انى اصحى الصبح ادور العربية تدور معايا من ةاول تكة وتبقى تمام , على ما امسحها عشان امشى ابص الاقى العربية بعد دقيقتين من الدوارة كدة ولا حاجة عمالة تترعش وتقطع جامد وهى واقفة وبعد كدة تبطل وما تدورش تانى غير بعدها بكام ساعة كدة او ممكن فى تانى يوم الصبح برده
حليت الكربراتير ونضفته ونضفت التانك وغيرت الفلتر وغيرت رداخ البنزين وبرده نفس المشكلة
فيا ريت لو حد عنده فكرة عن السبب يفيدنا فى الموضوع دة عشان منظرى بقى زبالة فى الشارع كل يوم ادور العربية وامسحها وبعدين اركب ميكروباص واروح مشوارى
وشكرا

[ahmed.zahra]

مش عارف بس انا حاسس انها مشكلة كاربراتير ممكن يكون بيشرق، شوف حد متخصص كاربراتير يبص عليه. و على فكرة انا عايز ابيع عربيتي و هي بحالة شبه ممتازة لو عندك حد عايز

[mohamed_e36]

انا هقولك تخمين بس ممكن يكون هوا السبب ممكن يكون في سدد في المواسير اللي بتنقل البنزين من التانك للرداخ
بتاع البنزين
حصل موقف مشابه ليك مع واحد صاحبي كان معاه عربيه شاهين هوا كان ماشي بيها عادي وفجأه بطلت استنى شويه دورها دارت وبعدين مشي شويه وبطلت تاني وفضلنا ندور ونمشي وتقف لغايه اما وصلنا لميكانيكي راح فاكك الخرطوم اللي متوصل بالرداخ والخرطوم اللي واصل بالتانك وراح ضارب فيه هوا بالكمبريسور وركب ودور العربيه العربيه دارت وبقت تمام جرب كده وشوف ايه النظام
وممكن يكون الكربراتير مش مظبوط

[mado4ever]

__________________________________________________ __________________________________________________ _______

[mado4ever]

مش عارف بس انا حاسس انها مشكلة كاربراتير ممكن يكون بيشرق، شوف حد متخصص كاربراتير يبص عليه. و على فكرة انا عايز ابيع عربيتي و هي بحالة شبه ممتازة لو عندك حد عايز

هو الميكانيكى فك الكربراتير حتة حتة نضفه بالنزين ومافيش فايدة
وبالنسبة لعربيتك ربنا يوفقك فى بيعها يا معلم بس احب اطمنك ان البيجو تئيل شوية فى بيعه وانا كان بقالى مدة عايز ابيع عربيتى لحد ما صرفت نظر عن بيعها

انا هقولك تخمين بس ممكن يكون هوا السبب ممكن يكون في سدد في المواسير اللي بتنقل البنزين من التانك للرداخ
بتاع البنزين
حصل موقف مشابه ليك مع واحد صاحبي كان معاه عربيه شاهين هوا كان ماشي بيها عادي وفجأه بطلت استنى شويه دورها دارت وبعدين مشي شويه وبطلت تاني وفضلنا ندور ونمشي وتقف لغايه اما وصلنا لميكانيكي راح فاكك الخرطوم اللي متوصل بالرداخ والخرطوم اللي واصل بالتانك وراح ضارب فيه هوا بالكمبريسور وركب ودور العربيه العربيه دارت وبقت تمام جرب كده وشوف ايه النظام
وممكن يكون الكربراتير مش مظبوط

لو عالكومبريسور بس تبقى سهلة انضف الخراطيم ويا رب يطلع العيب منها وساعتها يبقى ليك الحلاوة يا معلم

[aboomar22]

جرب موبينة تانية كده يمكن تكون الموبينة فيها مشكلة وبالمرة غير ابلتين وكوندنسر اصل موضوع تقعد كام ساعة لحد ماتدور دى شكلها كده موبينة بتقطع مش شكل مشكلة كاربراتير