قطع غيار البيجو منين ...... عاجل

[A.Saad]

السلام عليكم
انا جاى من كيا وشكلى هاقعد عندكم شوية

ممكن اعرف اماكن بيع قطع غيار ال 206
لانى عايز مرايا
يفضل لو اماكن فى وسط البلد او الدقى او الهرم

[hanymi45]

عندك شارع مجلس الامه فى عابدين فى وسط البلد لو مش عراف الطريق كويس توصل عند ميدان لاظوغلى فى وسط البلد حتلقى شارع كبير فى كل حاجات البيجو ومتخصص فى البيجوة عموما والمسيرى خاصة محترم وكويس وعنده كل حاجه بس بيكون غالى شويه عن الباقى لكن مضمون وبنك يوفقك

[aboomar22]

لو فى الهرم عندك فاروق عيد فى الشارع اللى جنب البنزينه اللى قبل قسم العمرانية هتلاقى عنده كل حاجة البيجو وتعامله كويس وعندك التوكيل شارع النادى الرياضى بعد النفق على طول وفيه محل فى ميدان الجيزة قبل النفق بين بنزينة موبيل ومصر للبترول عنده جديد واستيراد واحمد فهمى خلف مستشفى ام المصريين جديد واستيراد والخطيب شارع فيصل بجوار كليه التربيه الرياضيه جديد وعندك فى المنيب شارع قبل موقف الفيوم كله بتوع بيجو استيراد

[Omar_H]

و فيه التوفيقية فيها كذا حد بتاع قطع غيار بيجو ... التوفيقية دي تروحلها إنك وإنت جاي من التحرير أو المهندسين أو يعني غرب النيل و رايح في اتجاه مدينة نصر أو شرق النيل تنزل شارع رمسيس من أوله و تمشي شوية هي بتبقى عاليمين بس اسأل يعني بعد متِنزل شارع رمسيس

[A.Lotfy]

100 100 يا رجالة

[mbx4e]

الوكالة = قطع غيار استيراد

[A.Saad]

والله انا متشكر ليكم جميعاً على اهتمامكم ومشاركاتكم

أسود أسود فعلاً