بيجو 305 2 كربراتير

[mado4ever]

السلام عليكم ورحمة الله وبركاته
انا معايا بيجو 305 عادة مش طيارة وطبعا زى ما انتو عارفين ان العادة حوضها ضيق وما ينفعش يتسقطلها ماكينة , فحاولت اغير الوش بوش انجكشن لكن ما نفعش , وفى النهاية سمعت عن تعديل فى الماكينة لاتنين كربراتير او 4 كربراتاير عشان ارفع اداء العربية وناوى اروح للميكانيكى بتاعى عشان الموضوع دة بس يا ريت حد يفيدنى عشان ابقى عارف انا بتكلم فى ايه مع الميكانيكى عن كيفية التعديل لو حد ليه خبرة
وشكرااا

[aboomar22]

يعنى ايه 2 كربراتير او 4 كربراتير انا اول مره اسمع الكلام ده بص هو عموما لو حتى بتحاول ترفع الاداء عن طريق الفلتر الرياضى او البوجيهات الايريديوم اظن مش هتفرق كتير لان الهورس باور بتاع الموتور قليل لكن لو عايز تحسن الاداء ممكن تعدل الاسبراتير لاسبراتير اليكترونى وبوبينه الكترونى ودى معلوماتى مش عارف بقى لو حد يقدر يضيف

[mado4ever]

اولا شكرا على ردك يا باشا
موضوع الاتنين كربراتير دة موجود وساعات بينزل فابريكة فى موديلات معينة فى البيجة زى ال 504 او ال 205 بانك بتزول كمية البنزين اللى بيتحرق ( بدل رشاش واحد بيبقوا اتنين ) لكن المشكلة انا عايز اشوف حد يكون عمل الحوار دة ابل كدة تعديل مش فابريكة
وبالنسبة لموضوع الاسباتير الالكترونى دة انت تعرف حد جربه ابل كدة عشان انا فعلا عايز ارفع اداء العربية عندى ومش عارف

[aboomar22]

اه انت تقصد الكربراتير ال 2باب مش عارف يركب ولا ايه بس هو لو زود كمية البنزين اظن ان العربية ممكن تدخن دخنة سوداء لان الموتور مصمم لكمية بنزين معينة اما الاسبراتير الالكترونى واحد جارى جربة فى 505 وبيقولى كويس قوى كفاية انك مش محتاج تظبط كهرباء تانى او تغير ابلاتين وكوندنسر هى ظبطة واحدة وخلاص عايز اقولك حاجة فى التعديلا اكتر ناس بتفهم فى الموضوع ده بتوع الاستيراد لان كل يوم بيعدى عليهم كام زبون اللى عايز حاجة واللى عايز يعدل وبيعرفوا ايه بيركب مع ايه

[mado4ever]

الف شكرا يا معلم وانا حشوف حوار الاسبراتير الالكترونى دة

[more_try2]

ايه موضوع الاسبراتير ونوعه ايه ويركب على العربيه ازاى والكربراتير ايه افضل الانواع ال موجوده فى السوق واجيبه منين وبيكام وجديد ولا مستعمل ولو حد عمل تعديل فى يا ريت يقولنا عن تجربتو

[aboomar22]

الاسبراتير ده بيكون اسبراتير اليكترونى بتاع 205 وبيظبط اداء العربية جدا بصراحة انا مركبتوش بس فيه ناس بتشكر فيه اما الكربراتير اما كربراتير فرنساوى وده ب850 جنيه تقريبا واما كربراتير ارجنتينى ب450 جنيه تقريبا واما صينى وده حدود 300 جنية فى مجلس الامة واما كربراتير استيراد بيكون بحوالى 300 جنية اما الحل الاخير هو تصليح الكربراتير عن حد متخصص وعندك هنا اعلان لمركز الصفا انا بقى زودت حل اخر ركبت مرة بتاع 128 وكان مضبوط زى الساعة بس عيبه ان اتجاه الواير مختلف فتطر تركب سوسته علشان ترجع البوابة بس الوضع ده مكنش مريح رجعت تانى للكربراتير الاصلى