صيانة بيجو 406

[م.احمد زكريا]

طبعا العربية 406 هنا مظلومة شوية مش زي الـ 405 البعتبر اسود البيجو هنا عاملينلها موسوعة

انا كنت باعمل صيانة 10000 كيلو في الحرفيين عند ( العسكري ) وقطع الغيار من عند ( الإسراء )

- تيل فرامل أمامي أصلي ( بيجو ستروين ) : 375
- سير كاتينة فرنساوي ( نفس المصنع بتاع الاصلي ) : 225
- بلية كاتينة ثابتة : 325
- بلية شداد كاتبنة : 300
- سير دينمو : 125
- طاقم بوجيهات ( بوش - البيجو الاصلي بوش برضو ) : 150
- فلتر زيت (بيجو) : 50
- فلتربنزين ( بيجو) : 85
- فلتر هواء باسفنجة : 120


كشف بالكمبيوتر ومراجعة زيت فتيس و مصنعية 150

[TOOLA]

انتا فتحت الموضوع ده فى وقتو, دلوقتى انا بقارن بين العربية ديه و أوكتافيا 4 أو بورا او مازدا 3, أعتقد انها أفضلهم, تخوفى الأكبر من الفتيس (هل انعدمت المشاكل من أول 2004 فعلن و تكلفة تغيير زيت الفتيس و كل اد ايه)مع العلم لو خدت القرار ان نيتى شراء سيارة من أول موديل 2004 ان شاء الله.
عل فكرة كنت فى الحرفيين من يومين فسالت على بعض قطع الغيار "الاستيراد" و من ضمنهم الاسراء (كنت بتعامل معاه زمان أيام الكيا):

1- الفتيس بداية الكلام 7000 ج من محلين مختلفين من ضمنهم الاسراء
2- الموتور واحد قلى 3500, و التانى قالى 5500 تقريبا
3- عفشة خلفية كاملة 1500 ج
4- الأمامية قالى فى حدود سعر الخلفية, بس لما سألتو مكونتها ايه مردش باستفاضة, قولتلو طب علبة الدركسيون بكام قالى مش متوفرة.
الأسئلة ديه كانت على طيارى كده من غير مركز لنزولى لصيانة سيارة زوجتى, كمان الأسعار ديه بداية كلام من بقهم من غير فصال و جدية ,أعتقد لو فيه نية شراء ممكن تنزل شوية.

تعليقى على أسعار قطع الغيار الأنت بينتها بما ان راكب سابق للبورا و حالى للالنترا:

تيل فرامل بورا أصلى: 450 ج, و النترا أصلى: 250 ج تقريبا

فلتر بنزين النترا أصلى: 120 ل 150 ج (مش فاكر بضبط)

أسعار السيور و البية: فى المتناول و أقل من البورا تقريبا

العفشة الخلفية استيراد: فى البورا دنجل خلفى فى حدود 1000 ج تقريبا و المساعدين 300 الجوز لو الذاكرة أسعفتنى. فى الانترا معرفش استيراد, فى مساعدين أصلى جداد ب 650 ل 700 تقريبا

موتور استيرادج: البورا فى حدود 5 الاف, و الالنترا الأسمعو انه فى حدود 3 بس مسألتش.

الفتيس الأوتو استيراد: فى البورا فى حدود 5 تقريبا و الانترا مش متأكد

[amr fayek]

لو سمحتوا يا شباب كنت محتاج حد من اللي بيبيع قطع غيار للبيجو استيراد كنت محتاج موتور ياريت اللي يعرف حد كويس يبعتلي رقمه و شكرا مقدما

[wolfin]

لو سمحتوا يا شباب كنت محتاج حد من اللي بيبيع قطع غيار للبيجو استيراد كنت محتاج موتور ياريت اللي يعرف حد كويس يبعتلي رقمه و شكرا مقدما

أنزل بلبيس قدام الكليه الجوية. لو عايزا تجمع عربيه هناك يجمعهالك

[فرسان المحاماة]

اذا سمحت مهندس احمد انا الفتيس عطلان سيارة بيجو 406 موديل 2001
مش عارف اروح اصلحها فين بالضبط الافضل يعنى بالحرفيين ولا قدر الله لو فى شى فى الفتيس اجيبة منين سواء جديد او استيراد
ارجو النصيحة

[aborody2011]

احسن حاجه عملتها حولت من فولكس للالنترا