عفشة الـ 307

[A.Lotfy]

أنا العربية عندي بقالها معايا 30 ألف كيلو دلوقتي وساكن في هضبة الهرم والدنيا مكسرة شويتين
المهم الصبح طبعا الواحد بيبقى مستعجل فساعات ما بأهديش على النقر والحركات دي

العفشة كويسة بس حاسس انها فيه تزييق خفيف او دربكة خفيفة في الحتت المكسرة وعايز اكشف عليها بس حاسس انهم في مراكز الخدمة بيستهبلو ومش بأثق فيهم أوي

مين ممكن يكشف عليها كويس

[ahmedb1]

في واحد في شارع فيصل في الاول لو تعرفه او هتلاقي الناحية التانية محل قطع غيار بيجو على الناصيه اسألو عليه وهو هيوصفلك مكانه او الحرفيين

[ahmed_zamalek7]

نصيحه شخصيه بلاش تروح الحرفيين انا معايا بيجو 307 بروح بيها الحرفيين وبجد بحس انها كل مره بترجع اوحش من الاول العربيه ديه عايزه التوكيل انت روح وشوف هيربطلك العفشه والعربيه كويس جدا انا بقلك بجد نصيحه عن تجربه

[original]

ممكن تكشف عند أى واحد ومش ضرورى تخليه يلعب فى العربية

[Ahmed Amin]

عملت ايه في العربية؟
مش مستاهلة تروح عن حد غريب. لأن لو ربطها في أي مركز خدمة بياخد حوالي 40 جنيه. معرفش التوكيل بكام
وفعلا الحرفين الشغل فيها بقا مش قد كدا, وعمتاً في أي مكان الفترة الي فاتت من اللي شفته محدش بقي يشتغل بضمير

[ahmed_zamalek7]

عملت ايه في العربية؟
مش مستاهلة تروح عن حد غريب. لأن لو ربطها في أي مركز خدمة بياخد حوالي 40 جنيه. معرفش التوكيل بكام
وفعلا الحرفين الشغل فيها بقا مش قد كدا, وعمتاً في أي مكان الفترة الي فاتت من اللي شفته محدش بقي يشتغل بضمير

الحرفيين انا اروح اغير مثلا فلاتر اغير تيل فرامل بس ان العربيه مش بترجع زى الاول مفهمش ليه مش نفس الكفاءه لدرجه انى قررت انى اروح التوكيل فى صيانه ال 60 الف كيلو وامشى معاهم بعد كده على طول

[ahmedkhairy]

فى الحرفيين مش أى حد يشتغل فى عربيتك يوجد مركزين ممتازين جدا :
1- أحمد العسكرى عند شارع مرسيدس
2- أحمد ندا وسط الحرفيين

[ahmed_zamalek7]

فى الحرفيين مش أى حد يشتغل فى عربيتك يوجد مركزين ممتازين جدا :
1- أحمد العسكرى عند شارع مرسيدس
2- أحمد ندا وسط الحرفيين

على فكره يا باشا انا مش بصلح غير عند احمد العسكرى بس بقي شغله مش تمام الصراحه مفيش احسن من التوكيل والواحد يغير الحاجات البسيطه بره

[A.Adel]

دي احتمال تبقى حاجة اسمها تيش ميزان , خليه يبص لحضرتك عليه