اسعار بيجو 508 فى مصر من التوكيل

[kareeeem]

العربية نازلة فئتين 210 الف والثانية 240 الف للhighline
العربية 1600 سى سى تربو 156 حصان

[MaZaGAngeE]

هيه نزلت التوكيل ؟

[khaled_afandy]

اليوم فى الأهرام الإعلان على 5008 و لمحتها امبارح فى معرض المعادى، بس 508 شديدة جدا الحقيقة و لو نزلت ل 190 او 200 ممكن تعمل شغل كويس المفروض اليورو نزل و الجمارك أقل جدا على السيارات الأوروبية فلو نزلت شوية حتغطى على الفانتاسيا الكئيبة

[Land_Cruiser]

هى تقفيل ايه؟

[MaZaGAngeE]

هى تقفيل ايه؟

سؤال مهم جدا

[khaled_afandy]

غالبا فرنساوى بس مش متأكد
بس أكيد مش صييييييييييييينى

[Land_Cruiser]

سبحان الله يا آخى. الجماعه الصينين دول من كتر ما قلدوا منتجات غيرهم الموضوع ده علق معاهم لدرجه لما حتى عملوا بيجو اصلى المره دى برضه لما تشوفها تحس انها تقليد و فيها حاجه مش مظبوطه. :)

لو كانت فرنساوى تبقى حلوة لكن لو كانت صينى و لا مغربى و لا حتى تركى بالسعر ده يبقى شكرًا

[MaZaGAngeE]

شكلها كده صيني :

بس الموديل اللي 1.6 مش موجود في المجموعة دي ( ممكن يكون مخصص للسوق الأوروبي و بكده يبقى فيه امل )

dongfeng Peugeot 508 | ChinaAutoWeb

[Unendlich]

هي غالبا فرنساوي
بس حتى لو صيني ماهو مصنع بيجو إيه المشكلة يعني
الجيتا بتيجي من المكسيك
الكورولا من جنوب افريقيا
في سيفيك في السوق من تركيا
النيسان تيدا من المكسيك
الميجان من تركيا
هوندا سيتي من تايلاند
الخ الخ
المشكلة إن الناس اتعقدت من البيجو الايراني, بس الحقيقة إن الايراني ده كان سفالة بحتة من التوكيل, كان بيجيب عربيات غير موجودة في أوروبا ولا عمرها شافت فرنسا, زي الرؤا والبارس وال 206 سيدان ...
عربيات مش مفروض يبقى عليها بيجو, مفروض يبقى عليها "ايران خردو" و لما طلعت زبالة (و ده كان متوقع من أول يوم و بصراحة العيب على اللي اشتري من غير ما يعرف اصلها و فصلها) الناس كرهت البيجو والتوكيل و كله

[maskeen]

سعرها ف اوروبا بيبدأ من 20 الف استرلينى..يعنى 185 مصرى...يبقى ازاى هاتبقى هنا ب 210؟؟؟ الا اذا كانوا هاينزلوا النسخه الصينى
لان الجمارك+الضريبه+رسم التنميه يخللى ال 185 دول 282 قبل ربح الوكيل

[Land_Cruiser]

بالضبط حتى لو نزلوا الجمارك على الاوروبى برضه عمرها ما هتبقى فرنساوى بالسعر ده

[MaZaGAngeE]

بس السيتروين ds3 < ds4 في رينج السعر ده
و 508 مشتركة معاهم في حاجات كتير
و بتتصنع في نفس المصنع
عشان كده اتوقع انها تنزل بالاسعار دي او قريبة جدا منها

[khaled_afandy]

ليه لأ، 407 كانت فى حدود 190-200 موتور ديزل صناعة فرنسية و كان الجمرك وقتها 40%
هناك أيضا ستروين سى 5 الرهيبة ب 230 ألف فرنساوى 100% بس التوكيل الفاشل أبو غالى ده مشكلة كبيرة لوحده

[Unendlich]

سعرها ف اوروبا بيبدأ من 20 الف استرلينى..يعنى 185 مصرى...يبقى ازاى هاتبقى هنا ب 210؟؟؟ الا اذا كانوا هاينزلوا النسخه الصينى
لان الجمارك+الضريبه+رسم التنميه يخللى ال 185 دول 282 قبل ربح الوكيل

اسعار انجلترا عالية
شوف سعر أي عربية 1600 من بتوعنا عندهم كام (جولف, فوكس, مازدا 3 ...)

ليه لأ، 407 كانت فى حدود 190-200 موتور ديزل صناعة فرنسية و كان الجمرك وقتها 40%
هناك أيضا ستروين سى 5 الرهيبة ب 230 ألف فرنساوى 100% بس التوكيل الفاشل أبو غالى ده مشكلة كبيرة لوحده

ما هي هي ال c5 مفيش فرق
وال c5 فرنساوي و بالسعر ده
عامة توكيل بيجو شد حيله جاااااااااامد الفترة اللي فاتت و رجع يعمل ضمان 3 سنين 100 ألف بدل السنة و 20 ألف المسخرة اللي كان عمله و بقى عنده تشكيلة موديلات ممتازة بعد ما قعدنا فترة عايشين على الزبالة الإيراني
انهارده كل عربياته جايبها فرنساوي و موديلات بتنزل أوروبا بنفس المواتير اللي عندنا فيما عدا ال 408 و ده لا يقلل منها في حاجة لانها معمولة للأسواق اللي بتحب السيدان أكتر من الهاتشبك زي امريكا الجنوبية والصين

[AHMEDOOF]

استنتاج منطقي جداً