408 أو 308 sw

[mostafa53]

السلام عليكم ورحمة الله وبركاته
رغم إن هذا السؤال يجب أن يكون فى قسم المقارنات إلا أنى فضلت أن أورده فى قسم البيجو لأنه يهم محبى البيجو أكثر ولأن رواد قسم المقارنات كما لاحظت يتحيزون لماركات بعينها. لقد امتلكت بيجو 405 منذ سنة 1991 وحتى الأن وتعودت على التعامل مع ورشها ووكلائها ولذا فإنى أميل لشراء بيجو وماهو متاح لى فى حدود إمكانياتى إما ال408 أو ال308 sw
فإذا كانت إمكانيات ال408 وأدائها (كما يوحى إدخالها فى فئة ال400) أكبر فأنا لا أهتم كثيرا لموضوع التقفيل الصينى أما إذا تساوتا تقريبا فإنى أفضل ال308 sw لأن شكلها أجمل وجربت لفترة فى مصر. إذا كان أحد محبى البيجو يملك الإجابة أرجو الرد

[mostafa53]

السلام عليكم ورحمة الله وبركاته
رغم إن هذا السؤال يجب أن يكون فى قسم المقارنات إلا أنى فضلت أن أورده فى قسم البيجو لأنه يهم محبى البيجو أكثر ولأن رواد قسم المقارنات كما لاحظت يتحيزون لماركات بعينها. لقد امتلكت بيجو 405 منذ سنة 1991 وحتى الأن وتعودت على التعامل مع ورشها ووكلائها ولذا فإنى أميل لشراء بيجو وماهو متاح لى فى حدود إمكانياتى إما ال408 أو ال308 sw
فإذا كانت إمكانيات ال408 وأدائها (كما يوحى إدخالها فى فئة ال400) أكبر فأنا لا أهتم كثيرا لموضوع التقفيل الصينى أما إذا تساوتا تقريبا فإنى أفضل ال308 sw لأن شكلها أجمل وجربت لفترة فى مصر. إذا كان أحد محبى البيجو يملك الإجابة أرجو الرد

مضطر أفتح الموضوع من تانى لأن ماحدش إدانى رأيه وشكلى كدة حادور على ماركة تانية غير البيجو

[Mohab.Nabil]

لا الـ 408 مش اعلى من الـ 308

عشان هيا عربية سيدان مبنية على شاسيه الـ 308 موجهة للدول النامية ..

انا بصراحة شايف الـ 308 sw اشد كثير و تحس انها بيجو اصلى و الـ308 محركها اقوى و تحس ان تقفيلها افضل

مع احترامى برضه للـ 408

[mostafa53]

لا الـ 408 مش اعلى من الـ 308

عشان هيا عربية سيدان مبنية على شاسيه الـ 308 موجهة للدول النامية ..

انا بصراحة شايف الـ 308 sw اشد كثير و تحس انها بيجو اصلى و الـ308 محركها اقوى و تحس ان تقفيلها افضل

مع احترامى برضه للـ 408

ألف شكر على المشاركة وإبداء الرأى

[mmffor]

ال 308 اشيك من وجهة نظري و الاتنين فئة واحدة لكن 408 سيدان و ال 308 ستيشن زي ما تفضلت

[Ahmed Amin]

ال 308sw عمليه أكتر من ال 408 من وجهة نظري
بس كسواقة أنا ممكن أختار ال 408 :)

الأختيار صعب بس في الغالب برضه هروح لل 308 sw
وأنت صلي أستخاره وربنا يوفقك في الأختيار

[Unendlich]

ال 408 ما هي إلا 308 ركبولها شنطة عشان في دول زي امريكا الجنوبية و اسيا بيفضلوا السيدان
و ال 408 مش ازبرانزا, دي تقفيل بيجو لكن في الصين, زي ما شركات كتييير قوي بتقفل عربيتها برة بلدها لتقليل تكلفة الايد العاملة و خاصة كمان تكلفة النقل, يعني في حالة ال 408 هو بيصنعها في الارجنتين و الصين, إيه الفكرة انه يعملها في فرنسا و تتكلف قد كده شحن ؟؟
أنا مش عارف إيه فكرة تمسك المصريين بموضوع بلد المنشأ, أنت بتشتري ماركة محترمة ليها اسم و تاريخ و أكيد عندهم quality control مش بيهرج

[mostafa53]

السلام عليكم ورحمة الله وبركاته
الله يبارك لكم جميعا على مجهودكم ومساعدتكم. أنا فعلا مقتنع جدا بإن مسألة تصنيع أو تجميع البيجو 408 فى الصين لاتعتبر نقطة ضعف أو عيب. وكان طلبى الأساسى للمقارنة هو الفرق فى مواصفات السيارة بينها وبين ال308sw وانتم وضحتم الفرق بطريقة ممتازة. تبقى نقطة التفضيل الشخصية فى السيدان أم الهاتش باك العائلية وربنا يسهل واختار

[م.احمد زكريا]

ال408 ماتور وفتيس 307

وبناءا عليه ابعد عنها لمشاكل ال 307 الكتيير

ده اولا

ثانيا تقفيل العربية وتصميمها وشكلها لا يرقى لفئة 400

يعني مش متخيل انها نازلة بعد 407

انا عندي تتوكل على الله وتجيب 308