أرجو المساعدة فى بيجو 406

[azhk]

ألاخوة الاعزاء
الحمد لله اشتريت سيارة بيجو 406 موديل 2002 الموتور الاسود وقد قمت بعون الله بعمل صيانة عامة للسيارة فغيرت زيت الموتور مع الفلتر وفلتر الهواء وسير الكاتينة وسير المجموعة ,فلتر البنزين ,والبوجيهات فارجو من الاعضاء الاعزاء تقديم المعونة فى بعض الامور
-اريد ان اغير زيت الفتيس ولكنى لاادرى هل يجب تغييره ام يجب فحصه اولا وهل اذا غيرته هل يوجد فلتر يجب تغييره وماهو انسب مكان يمكن ان اغيره فيه وتكلفته التقريبية مع العلم انى اسكن فى عين شمس الشرقية

-مانوع زيت المحرك الموصى به من حيث الماركة ودرجة لزوجة الزيت حيث قال لى احد اصحاب محلات قطع الغيار ان افضل زيت لها هو زيت فى علبة بيضاء مكتوب عليه نوع GM يظل 10000 كم فهل هذا صحيح.
يوجد بجانب عصاية الفتيس بعض الازرار احده مكتوب عليه s والاخر * وثالث لااذكره فماهى وظائف هذه الازرار
-مانوع البنزين الذى يجب استخدامه 90 او 92
ضغط الهواء الامثل
نصائح عامة لصيانة السيارة ولو دليل الصيانة متوفر للتحميل رجاء وضع اللينك الخاص به
وجزاكم الله كل خير

[hany63]

بص انا هقول لك المعلومات اللي عندي
1- الفتيس بتاع العربيه دي بالذات حساس جدا و بيبوظ لو ما خدتش بالك (عندنا منها كذا واحده في الشغل) بس هي جميله جدا و وحش على الطريق فنصيحه موضوع صيانة الفتيس يتم في التوكيل او في مركز وهدان في شارع المراغي بالعجوزه و بالمره يقولوا لك على زيت الموتور حسب حالة موتورك
2- زرار s يعني القياده الرياضيه و فيها النقل بيكون على ار بي ام عالي
3- حط بنزين 92
4- حط نتروجين و اضبط على 30 هيريح العفشه و يخف الدركسيون و الضغط شبه ثابت لو العجل سخن او بارد

[azhk]

شكرا على سرعة الرد وبارك الله فيك

[hany63]

يافندم العفو و تحت امرك في اي حاجه

[tihab]

يعني ايه الماتور الأسود ؟؟
هو فيه في ال406 أكثر من نوع ماتور ؟؟

[Unendlich]

ألاخوة الاعزاء

-اريد ان اغير زيت الفتيس ولكنى لاادرى هل يجب تغييره ام يجب فحصه اولا وهل اذا غيرته هل يوجد فلتر يجب تغييره وماهو انسب مكان يمكن ان اغيره فيه وتكلفته التقريبية مع العلم انى اسكن فى عين شمس الشرقية

-مانوع زيت المحرك الموصى به من حيث الماركة ودرجة لزوجة الزيت حيث قال لى احد اصحاب محلات قطع الغيار ان افضل زيت لها هو زيت فى علبة بيضاء مكتوب عليه نوع GM يظل 10000 كم فهل هذا صحيح.
يوجد بجانب عصاية الفتيس بعض الازرار احده مكتوب عليه s والاخر * وثالث لااذكره فماهى وظائف هذه الازرار
-مانوع البنزين الذى يجب استخدامه 90 او 92
ضغط الهواء الامثل
نصائح عامة لصيانة السيارة ولو دليل الصيانة متوفر للتحميل رجاء وضع اللينك الخاص به
وجزاكم الله كل خير

زيت الفتيس أهو, متجيبش غيره تحت أي ظرف


زيت الموتور احنا بنستعمل موبيل 1 لزوجة 0W40 ممتااز الصراحة و مريحها مليون مرة أكتر من ال 5W50
ال S هو اللي يهمك و هو ال sport mode
بنزين 92 بدون نقاش و لو تقدر على ال 95 هتستمتع
ضغط الهواء المنصوح به 33 و لو الكاوتش و الجنوط حالتهم نضيفة و العفشة هتلاقي العربية زي الفل ولا نيتروجين ولا غيره



و بالنسبة للي بيسأل عن الموتور الاسود فده القديم و الجديد بيبقى عليه cover فضي

[rompo10]

هو فعلا عيوب الفتيس انتهت من 2003 ولا لا

[benmatar]

السلام عليكم
زيت الفيتيس بالذات بتشتريه اسمه الزيت الأبيض ومتشتريش موبيل أو غيره من ابو 40ج للكيلو. آخر مرة غيرته كان تقريبا ب 1000ج. معلش غالي شوية وياريت يكون في مركز خدمة موثوق فيه عشان يحافظ على الفيتيس ويمشي 50000كم.
بالنسبة لزر s: وده الوضع الرياضي والتسارع العالي ((لو عاوز توري الناس الوحش على حقيقته))
بالنسبة لزر 1: وده تضغط عليه لما تحط الفيتيس على الوضع 2 وهتلاقي لمبة بيان 1 نورت في التابلوه لو هتمشي على غيار الأول بعزم (بدون تسارع) كأنك بتجر مثلا عربية ثقيلة، أو غرزت في رمل مثلا.
بالنسبة لزر *: وده مش هتستخدمه غلبا إلا لو نزل عندنا في مصر ثلج زي السويد والنرويج، أو لو مشيت في شارع عليه زيت أو صابون مثلا والعملية آخر زحلقة.
ربنا يباركلك في العربية، وأنصحك بصيانتها عند أحمد عمارة في مصر القديمة وبلا تتعامل مع مركز الهرم ولا مع وجيه أباظة لأنه خاب على الآخر.

[benmatar]

نسيت أقولك بنزين 90 أو 92 مفرقش كتير

[azhk]

اشكر جدا كل من قام بالرد جزاكم الله خيرا

[waleedabbas]

زيت الفتيس هو فعلا بتاع بيجو بس وهو ال موجود في الصورة بتاعة الاستاذ الزميل بتغير 4 لتر ب 400 جنيه وتمن المصنعية حالي 25 جنيه ومش بتغير فلتر لزيت الفتيس اما باقي الفلاتر والبوجيهات بتكشف عليها كل 10000 كم مع الالصيانة الدورية
سير الكاتينة بيتغير كل 80000 كم
من الناس المحترمة جدا في الصيانة المهندس محمد صلاح في المطرية الراجل ده كان ماسك الصيانة في وجيه اباظة 30 سنة