استشاره عاجله ل 406

[rompo10]

لو سمحتوا واحد صاحبي علي وشك شراء 406 2004 ممكن اعرف عيوب الموديل ده وهل فعلا زيت التفيس بيتغير كل 20000 ك وب 1000 جنيه وايه الفرق بين الماتور الابيض والاسود والموديل ده ماتوره ايه واسف علي الاطاله وياريت تسعير العربيه

[Ahmed Amin]

أنا بصراحة معرفش الفرق بين الموتور الأبيض والأسود بس في الغالب الأسود بيكون أعلي في السعه اللترية زي البي أم والهورس باور.

بالنسبة لموديل 2004 كان في مشاكل في تصميم بلوف الفتيس واتحلت بنزلو بلفين جداد رقمهم 2574.16
لكن مفيش حاجة أسمها الزيت بينزل علي 20000

وبالنسبة لتسعر السوق دا بيقف علي حسب حالتها, فابريكة ولا لأ وهل كانت بتعمل صيانتها بانتظام ولا لأ وفي التوكيل ولا بره.
وممكن تاخد لفة في كونتاكت كارز تشوف أسعار المستعمل للموديل دا.
بالتوفيق.

[benmatar]

السلام عليكم
أحب أنقل لحضرتك ردي على زميل في المنتدى سأل سؤال مشابه عن شراء بيجــــو 406، طبعا هي عربية ممتازة جدا ومحترمة وكفاءة بكل المقاييس، وليس كل ما يقال عنها أو عن أي سلعة أو منتج يكون سليم. باختصار أنصح حضرتك بشراء بيجو 406 من خلال استخدامي لأربع سيارات 406 موديلات مختلفة وواحدة 405 ولكن بشروط:
- شراء بيجو 406 موديلات 2004-2005-2006
- السيارة تكون فابريقة بالكامل (من الخارج والداخل) ومتاح العثور عليها
- الكيلومتر يكون في حدود المعقول (معدل 20 ألف كم كل سنة استخدام تقريبا)
- الكشف الكامل (موتور، فيتيس، شاسيه، كهرباء) عند مركز متخصص بيجو مش الوكيل ولا ميكانيكي عادي!!
بالنسبة للموتور الأسود فهو الموتور القديم، يعني قبل 2003، والموتور الأبيض أو البعض يسميه الفضي فهو موجود في موديل 2004 فعلا وما بعده، حكاية البلوف دي ناس كتير بتتكلم عنها بدون مرجعية علمية أو تجربة فعلية يعني مجرد من الكلام الذي يثار عنها فقط، ولكن لمعلوماتك أي عربية أوروبي حديثة ممكن تغير بلوف الفيتيس لو مشيت على الزيت كثير وأصبح ملئ بالشوائب والجزيئات المعدنية الدقيقة (الرايش) علما بأنه يوجد مغناطيس صغير داخل حلة الفيتيس لجذب تلك الجزيئات ولكن مع مرور الوقت أو الاجهادات على الفيتيس تتحرك في الزيت وبالتالي يحدث سدد جزئي للصمامات (البلوف)..... ما الحل؟؟؟؟ الحل: تغيير زيت الفيتيس كل 50-60 ألف كم، واستخدام زيت أصلي وليس النوع أبو 40ج.م المتواجد لدى المحطات. يتم شراء زيت إسمه الدارج عند محلات بيجو وفولكس وسكودا (زيت أبيض) أو (زيت كهرباء) وسعره يبدأ من 125ج.م ماركة فيبي وحتى 300ج.م حسب الماركة والمنشأ. وليست بيجو متهمة بتصنيع فيتيس سئ ولكن الصيانة الدورية التي نهملها هي السبب وهذا الأمر حدث لي مع سكودا أوكتافيا A5 وكان ثمن صمام body valve هو 11 ألف جنيه مصررررررري !!!!
المهم تشتري حالة جيدة جدا مع الكشف كمبيوتر وشاسيه جيدااااا. وبالنسبة للسعر فلن يتعدى الثمانينات في حالة وجود سيارة جيدة جدا. ولتعلم إن عملية إعادة البيع أقل من الياباني والكوري مثلا بس فارق شاسع في الاستخدام والقيادة والتحمل والقوة طبعا.
بيجو406 بصفة عامة تتميز بثبات عالي جدا في السرعات والدورانات، صاج متين، كفاءة محرك عالية، معدل تسارع مهول لو الفيتيس سليم، صالون شيك، كماليات جيدة، قطع الغيار ليست غالية كما يظن الكثير والدليل موجود.
وبتوفيق الله سيتم عثورك على سيارة محترمة وجيدة.

[rompo10]

الف شكر ياباشا علي المعلومات الجميله

[Unendlich]

زيت الفتيس بيتغير كل 60 ألف و تحطله ده , اللي يسترخص في زيت الفتيس لا يلوم الا نفسه

[waleedabbas]

بالنسبة للزيت هو فعلا بيتغير كل 20000 وده كلام شركة بيجو نفسها والمهندس محمد صلاح اشهر مهندس شغال في البيجو في مصر وتمنه 400 جنيه وماتحطش اي نوع غير اللي الاستاذ الزميل حاطه في الصورة وان شاء الله بكده الفتيس يمشي معاك زي الفل
اما بالنسبة للفرق بين الموتور الابيض والاسود هو مفيش فروق كبيرة غير ان الموتور الاسود 135 حصان والابيض 145 حصان لكن الاسود موتور محترم برضه القصة كلها في الفتيس الابيض هو ال نزل معاه الفتيس المعدل
الموتور الابيض بدأ من اول 2003 يعني 2004 دي موتور ابيض
بالاضافة الى المميزات الرائعة ال السادة الزملاء قالوها هي ماشاء الله عربية قوية وصاجها متين وثبات عالي وكماليات كتيرة بعضها مش موجود في عربيات كتيرة زيرو محرك رائع وقوي

[Unendlich]

بالنسبة للزيت هو فعلا بيتغير كل 20000 وده كلام شركة بيجو نفسها والمهندس محمد صلاح اشهر مهندس شغال في البيجو في مصر وتمنه 400 جنيه وماتحطش اي نوع غير اللي الاستاذ الزميل حاطه في الصورة وان شاء الله بكده الفتيس يمشي معاك زي الفل
وقوي

كل 60 مش كل 20

[Ahmed Amin]

فعلاً هوا كل 60 الف مش 20, اللي قالك 20 دي كان سرحان او مش عارف هوا بيقول أيه..

أستاذ Unendlich تعرف علبة الزيت دي موجودة عند مين, عشان كل اللي موجود في السوق اللي هيا 1 لتر بس.
وأنا شاكك فيها بصراحة وبدور علي دي اللي هيا بتبقي 2 لتر تقريباً ومش لاقيها.
وتعملها كام تقريباً لو تعرف مكانها ؟

[Unendlich]

فعلاً هوا كل 60 الف مش 20, اللي قالك 20 دي كان سرحان او مش عارف هوا بيقول أيه..

أستاذ Unendlich تعرف علبة الزيت دي موجودة عند مين, عشان كل اللي موجود في السوق اللي هيا 1 لتر بس.
وأنا شاكك فيها بصراحة وبدور علي دي اللي هيا بتبقي 2 لتر تقريباً ومش لاقيها.
وتعملها كام تقريباً لو تعرف مكانها ؟

أنا كنت شاريها من أكتر من سنة من عند غزال اللي في شارع دمشق
لو عايز تفاصيل عنه ابعتلي على الخاص عشان لو حطيت نمرته هنا في ناس بيجيلها ارتيكاريا

[ahmedkhairy]

أولا بيجو 406 موديل 2004 سيارة ممتازة جدا وخاصة لو فابريكة برة وجوة
ثانيا مفيش حاجة إسمها زيت الفتيس يتغير كل 20000 كيلو

[magdykorashy]

السلام عليكم
أحب أنقل لحضرتك ردي على زميل في المنتدى سأل سؤال مشابه عن شراء بيجــــو 406، طبعا هي عربية ممتازة جدا ومحترمة وكفاءة بكل المقاييس، وليس كل ما يقال عنها أو عن أي سلعة أو منتج يكون سليم. باختصار أنصح حضرتك بشراء بيجو 406 من خلال استخدامي لأربع سيارات 406 موديلات مختلفة وواحدة 405 ولكن بشروط:
- شراء بيجو 406 موديلات 2004-2005-2006
- السيارة تكون فابريقة بالكامل (من الخارج والداخل) ومتاح العثور عليها
- الكيلومتر يكون في حدود المعقول (معدل 20 ألف كم كل سنة استخدام تقريبا)
- الكشف الكامل (موتور، فيتيس، شاسيه، كهرباء) عند مركز متخصص بيجو مش الوكيل ولا ميكانيكي عادي!!
بالنسبة للموتور الأسود فهو الموتور القديم، يعني قبل 2003، والموتور الأبيض أو البعض يسميه الفضي فهو موجود في موديل 2004 فعلا وما بعده، حكاية البلوف دي ناس كتير بتتكلم عنها بدون مرجعية علمية أو تجربة فعلية يعني مجرد من الكلام الذي يثار عنها فقط، ولكن لمعلوماتك أي عربية أوروبي حديثة ممكن تغير بلوف الفيتيس لو مشيت على الزيت كثير وأصبح ملئ بالشوائب والجزيئات المعدنية الدقيقة (الرايش) علما بأنه يوجد مغناطيس صغير داخل حلة الفيتيس لجذب تلك الجزيئات ولكن مع مرور الوقت أو الاجهادات على الفيتيس تتحرك في الزيت وبالتالي يحدث سدد جزئي للصمامات (البلوف)..... ما الحل؟؟؟؟ الحل: تغيير زيت الفيتيس كل 50-60 ألف كم، واستخدام زيت أصلي وليس النوع أبو 40ج.م المتواجد لدى المحطات. يتم شراء زيت إسمه الدارج عند محلات بيجو وفولكس وسكودا (زيت أبيض) أو (زيت كهرباء) وسعره يبدأ من 125ج.م ماركة فيبي وحتى 300ج.م حسب الماركة والمنشأ. وليست بيجو متهمة بتصنيع فيتيس سئ ولكن الصيانة الدورية التي نهملها هي السبب وهذا الأمر حدث لي مع سكودا أوكتافيا A5 وكان ثمن صمام body valve هو 11 ألف جنيه مصررررررري !!!!
المهم تشتري حالة جيدة جدا مع الكشف كمبيوتر وشاسيه جيدااااا. وبالنسبة للسعر فلن يتعدى الثمانينات في حالة وجود سيارة جيدة جدا. ولتعلم إن عملية إعادة البيع أقل من الياباني والكوري مثلا بس فارق شاسع في الاستخدام والقيادة والتحمل والقوة طبعا.
بيجو406 بصفة عامة تتميز بثبات عالي جدا في السرعات والدورانات، صاج متين، كفاءة محرك عالية، معدل تسارع مهول لو الفيتيس سليم، صالون شيك، كماليات جيدة، قطع الغيار ليست غالية كما يظن الكثير والدليل موجود.
وبتوفيق الله سيتم عثورك على سيارة محترمة وجيدة.

استاذ.

[Rambo10]

يا ريت لو ممكن حد يفيدنا بالاماكن اللى ممكن اكشف فيها على 406 العربيه بجد عجبانى اوى بس مش عارف اكشف عليها فين

[benmatar]

عليك وعلى أحمد عمارة في مصر القديمة أمام مرور عين الصيرة وبجوار ملاهي مش عارف إسمها إيه... المهم مركز فني محترم

[Rambo10]

اشكر حضرتك على الرد
يا ريت لو حضرتك تعرف حد فى محيط مصر الجديده او مدينه نصر
اصلى انا من مصر الجديده و العربيه ايضا موجوده بجوارى
وانا بصراحه عايز اللى يكشف عليها هوه اللى يشغل فيها على طول
بس لو حضرتك عارف الراجل ده يبقى حروله ولو فى نصيب ابقى اصلحها عنده هوه مش بعيد
طب ينفع اقوله انى جاى من طرف حضرتك
والف شكر مره ثانيه

[YousryGuirguis]

يا سيدى
لا تقلق من الذهاب لآل عمارة ، ده مركز محترم جدا. كل اللى عليك انك تودي له العربية وتقول له طلباتك وهم هناك هيعملوا اللازم وبالتوفيق ان شاء الله