ياريت بسرعه جدا

[rompo10]

دلوقتي انا بعت الاسكودا وناويت ان شاء الله اجيب 406 انا كمان ولقيت واحده بتاعت واحده معرفه 2004 فابريكه بره وجوه ومعاه فاتوره تغير زيت الفتيس ووكشفت عليها وطلعت فابريكه فعلا بس المشكله انها ماشيه 260000 ك ايه رايكم ازاي مش عارف

[tihab]

260.000 كيلو كتيير أوي ....
طيب مسألتش نفسك ليه الناس بتحب تغير العربية بعد ال100 أو 150 الف كيلو ؟؟؟ أكيد مش عندهم فلوس زيادة يعني :)
العربية بتبدأ تفتح في المصاريف .... لأ طقم شنبر .. لأ علبة زيت .. مكنه المية ...
أي حاجة من الحاجات الإستهلاكية دي ..
من الآخر لو انت وقتك ما يسمحش بالعطلة دي .. هاتها و استحمل انك تروح عند الميكانيكي و تغير الحاجات دي ...
لكن لو وقتك و شغلك بالثانية و أي تعطيل هيبوظلك الدنيا هات حاجة جديدة ...

[BEBO0O]

مبروك مقدماً
وربنا يوفقك

[ahmedkhairy]

بلاش أفضل لان 260000 كتير أوى أوى
وبالتالى من المؤكد انك ستضطر تغير كتير من قطع غيار العربية
وقطع غيارها مش رخيصة

[benmatar]

لو العربية تمام، توكل على الله واشتري......... إزاي تمام؟؟؟؟
1- فحص على الشاسيه والبودي ورفعها بتأني ودقة
2- كشف على الموتور، الفيتيس، الحساسات، البلوف، على الكمبيوتر في مركز خدمة بيجــــــــــــو متخصص
3- التجربة العملية من خبير أو فني بيجو.
لو تمام البيجو 406 مايفرقش معاها الكيلومتر... دي مش عربية صيني ولا كوري تفتح بقها بعد 100 ألف كم...
لو الصيانات بتتعمل وصاحبها مراعيها ممكن تمشي معاك مليون كيلو من غير مشاكل، وده مش مجرد كلام وإنما من تجربة لثلاث عربيات 406 وعربية 405، و206، و305
البيجو بيجــــــــــــــــــــو
بس انتقاء الحالة، وبالتوفيق

[benmatar]

وبالنسبة لقطع الغيار، احب أوضح لحضرتك نقطة أو نقطتين وبالمثال يتضح المقال:
1- تيل فرامل بيجو 406 ماركة بيندكس انجليزي باشتريه بحوالي 190-200ج.م بيفضل معايا سنة علما بأن معدل استخدامي السنوي 40-50 ألف كم.
2- تيل فرامل لانسر كريستالة كوري 70-90ج.م وفي ارخص وفي أغلى بيتغير 3-4 مرات في السنة مع نفس الاستخدام ونفس الشخص اللي هو العبد الفقير.
3- تيل فرامل آفيو بتغيره في الوكيل وتدفع حوالي 400ج.م وبيحلفو إنه جاي من عند الحاج افيو شخصيا في كوريا ومستحيل يقعد معاك 5-6 شهور.
4- تيل فرامل لانسر أصلي 350ج.م
5- فانوس بيجو 406 أمامي من عند الكيلاني في ش شمبليون 900ج، وفانوس صني أصلي 1800ج، وفانوس أوبترا صيني 650ج.
قطع غيار البيجو 406 دي مفيش منها صيني، عندك فرنساوي وتركي وإيطالي وانجليزي

[magdykorashy]

وبالنسبة لقطع الغيار، احب أوضح لحضرتك نقطة أو نقطتين وبالمثال يتضح المقال:
1- تيل فرامل بيجو 406 ماركة بيندكس انجليزي باشتريه بحوالي 190-200ج.م بيفضل معايا سنة علما بأن معدل استخدامي السنوي 40-50 ألف كم.
2- تيل فرامل لانسر كريستالة كوري 70-90ج.م وفي ارخص وفي أغلى بيتغير 3-4 مرات في السنة مع نفس الاستخدام ونفس الشخص اللي هو العبد الفقير.
3- تيل فرامل آفيو بتغيره في الوكيل وتدفع حوالي 400ج.م وبيحلفو إنه جاي من عند الحاج افيو شخصيا في كوريا ومستحيل يقعد معاك 5-6 شهور.
4- تيل فرامل لانسر أصلي 350ج.م
5- فانوس بيجو 406 أمامي من عند الكيلاني في ش شمبليون 900ج، وفانوس صني أصلي 1800ج، وفانوس أوبترا صيني 650ج.
قطع غيار البيجو 406 دي مفيش منها صيني، عندك فرنساوي وتركي وإيطالي وانجليزي

يا حلاوتك، يا مزاجك يا كل حاجة حلوة
كتابتك دي كيفتني قوي. عرض سلس و مقنع لوجهة نظرك بتفكرني بطريقة المهندس خالد ( سبعاوي).
أحييك.

[Ahmed Amin]

أنا من رأيي برضه لو أنت وقتك ضيق ومعندكش وقت تقف عند ميكانيكا وتعد تكشف علي الأعطال أو تبقي ماشي علي الطريق قلقان أن حاجة تحصل. خليك في حاجة جديدة.

لو العربية داخلة دماغك أوي, أتوكل علي الله وأشتريها
بس عايز أقولك نصيحة لوجه الله.. موضوع كشف التوكيل دا ولا حتي عند أجدع ميكانيكي في مصر بيعمل حاجة كله نصب.
أنا قبل ما أشتري عربيتي كشفتي عليها في توكيل أبو رواش ودفعت حوالي 250 جنيه
وطلع قالي العربية تمام ومية مية بس مرشوش حته في الباب اللي ورا
قلت له فين الريبورت قالي مفيش. !! وأكتشفت بعدها ان العربية مكنتش مغيرة زيت حوالي 30 الف كيلو كان نازل زفت والفتيس بينتش والعتبة كانت مخبوطة وداخلة لجوا خالص واتصلحت عند سمكري مش بيفهم حط عليها معجون قد كف يدك مش عارف مشفاهوش ازاي. وكان قالين لي حاجات كتير غريبة مش وقتها هنا.
يعني من الأخر دبيت المشاور ل 6 أكتوبر عشان أعمل كشف في أحسن مكان وتوكيل بيجو وأضحك عليا وتقريبا باللي لاقيته فيها بعد كدا دا معناه أنهم مبصوش فيها أصلا مش هقول مبصوش فيها بما يرضي الله.!!


حبيت بس أنبهك للنقطة دي, عشان متحطش أمل عليها كتير.
وبالنسبة للعمر الأفتراضي مفيش عربية في عدد الكيلومترات دا سواء الماني ولا صيني مش هتطلب شغل وتتعب من الوقت للتاني. فالازم تحط دي في بالك كويس أوي..
ورداً علي موضوع تيل الفرامل دا فروق الأسعار دي مش مقياس لأن الأستهلاك بيبقي علي حسب رجل الواحد وعلي حسب أنتا ماشي جوا بلد وأستهلاكك هيكون عالي لأنك بتمشي وتقف كتير وكمان أتوماتيك بيحمل علي الفرامل. ولا بتمشي علي السريع أكتر فرجلك مش دايما علي الفرامل.
أنا التيل عندي مش بيعد أكتر من 30 الف ولو سبته مش بعرف أقف قبل المطبات.! مع العلم أني بغيره بالأصلي من التوكيل.

فأنت أستخير ربنا وشوف أيه أمكانياتك ووقتك هيسمح أنك تفضي لها لو حصل حاجة وتصلحها ولا لأ
وبالتوفيق.

[benmatar]

تحت أمرك يافندم، أحب أوضح دايما بالدليل والأرقام عشان تحكم كويس، الأسد 406 محترم،،، بالتوفيق

[benmatar]

وبالنسبة للكشف والفحص والصيانة فعلا سيبك من التوكيل، أنصحك بمركز أحمد عمارة في مصر القديمة، وبرضه في ورشة بيجو محترمة جدا بين سوق السيارات والطريق الدائري في الحي العاشر م.نصر

[tihab]

بردو محدش قالي ... بعد كام ألف كيلو البيجو دي تبدأ تفتح بقها ؟؟
=====================================

[Unendlich]

لو استعمال بني آدم يبقى تنساهااااا

[tihab]

لو استعمال بني آدم يبقى تنساهااااا

ههههه
وهو لو فيه بني آدم عنده 405 كويسة ... هيبعها بردو ..؟؟
أعتقد إن مفيش عربية مستعملة إلا و لازم تكون معيوبه بشكل أو بآخر !!

[Ahmed Amin]

ههههه
وهو لو فيه بني آدم عنده 405 كويسة ... هيبعها بردو ..؟؟
أعتقد إن مفيش عربية مستعملة إلا و لازم تكون معيوبه بشكل أو بآخر !!

بص البيع بيكون لتلات أسباب..
يا إما بيكون بيحدث لموديل أعلي أو ماركه تانيه
يا إما عنده ظروف ماديه ومحتاج يبيعها
يا إيما السبب اللي انتا ذكرته دا طبعاً بيكون الأغلب, لو معيوبة عيب صناعه او عمل حادثه واتصلحت.
ولو اتصلحت كويس وبالحاجة الأصلية بتاعتها ومتكروتتش ومكنتش حادثة كبيرة تسمع في شاسية ولا حوض الكبوت فادا ميعيبش العربية.
لأن كل عربياتنا ماشية علي طريق ومعرضة لخبطات وحكات.

وأنا شوفت عربيات كتير أتباعت قدامي كانت بتقي مركونة في الجراجات اكتر ما بتشوف الشارع, وعاملة عداد كيلو متر قليل جداً وبتتباع بأسعار حلوة كمان
فإن شاء الله تلاقي حاجة كويسة من دول لو دورت شوية وتمعنت.
بالتوفيق

[tihab]

على فكرة ال405 دي عربية مهولة .... أيران لسه بتصنع منها لحد دلوقتي عشان مبيعاتها خرافية
و كمان حاجة مهمة جداً الي جابها وجيه أباظة من أيران دي أسمها رؤا ... مش ال405
ال405 الإيراني فعلا عربية كويسة أوي منزليين فيها ماتور بنزين و غاز و مليانا كماليات زي مرايات كهربائية و فتح الباب من غير مفتاح و تكييف و حاجات كتيير ده الموقع على النت ... شوفها و أتحسر على وجيه أباظة المصري
Peugeot 405 - Specifications
اللي لما راح يختار من عندهم عربية .. أخد أسواء انتج المصنع عشان فقط يزود مكاسب التوكيل بتاعه
ودي صورة العربية الإيراني ال405 الأصلي مش الروؤا !!