معايا 70 الف جنيه ..

[Gel]

السلام عليكم

معايا 70 الف جنيه ومحدد ان شاء الله 3 عربيات مش عارف اجيب انهى واحدة لأن التلاتة زى بعض حسب معلوماتى

فممكن حد يفيدنى عشان اتكل على الله ..

1) بيجو ال405 الايرانى .. ايه مميزاتها وعيوبها علما انى هاطلع بيها كل يوم ما لا يقل عن 60 كيلو ان شاء الله؟ ومعايا اوزان فى العربية لأن انا لوحدى معدى ال120 فى الوزن

2) الهيونداى الفيرنا (مميزاتها وعيوبها بالنسبة للبيجو F/O M/T)

3) دايو لانوس / نوبيرا (مميزاتها وعيوبها بالنسبة للبيجو)

ويا ريت لو حد يعرف يقولى كل عربية بتشيل كام "كيلو" قبل مالمساعدين تتأثر؟!

Thanks in advanced!

[emadkamel]

انا حاسس انك بالاوضاع دى احسنلك شاهين 1600
معمره جدا، وعاليه، وحمالة اسيه، وموفره وفول اوبشن

عيوبها الشكل القديم والتابلوه اللى مش روش والتكييف اللى عند الرجل تحت

[Gel]

انا حاسس انك بالاوضاع دى احسنلك شاهين 1600
معمره جدا، وعاليه، وحمالة اسيه، وموفره وفول اوبشن

عيوبها الشكل القديم والتابلوه اللى مش روش والتكييف اللى عند الرجل تحت

لأ مينفعش الشاهين لأنها عندنا اصلا مش هنجيبها تانى

[the-hero]

سعادةالباشا نصيحة منى لك لوجه الله تعالى
أياك والبيجو الايرانى لآن ببساطة العربية ديه ملهاش أى علاقة بال 405 من قريب ولا من بعيد غير تشابة فى الشكل فقط لكن أختلاف غير منطقى والعربية دية ملهاش اى علاقة بمركة بيجو أصلا لا ماتور ولا شاسية ولا عفشه كلها أيرانى وجر خلفى كمان

أما بالنسبة للفيرنا فمع ظروف حضرتك بنهيألى مش مناسبة خصوصا العفشه والصالون

النوبيرا تعتبر أفضل وحدة فى التلاتة لكن لو عايز نصيحتى ومش هتحس بيها غير لما تجيب العربية ديه ال 405 برستيج الفرنساوى عربية ما شاء الله وحمار شغل عفشة قوية جدا صالون واسع جدا ومريح تستحمل اى حمولة حتى لو زيادة ماتور بقى جباروعزم مش هتلاقى زيه فى العربيات الجديدة وتحدى 123 حصان
ممكن تجيب وحده موديل من 95 الى 98 وهتكون فى حدود 65 ألف الى 70 ألف
بس خرافة وأسأل اللى ركبنها وشوف