Tweet
امبارح كنت فى توكيل وجيه اباظة بعمل الصيانة
للاسف التوكيل بقى زحمة جدا ودى من النقاظ اللى تتاخد على وجيه اباظة لان مركز الصيانة ده قديم جدا من ايام ماكان عدد البيجو فى مصر او عدد العربيات عموما محدود لكن النهاردة العدد ضخم جدا والمركز ده مبقاش يستحمل نهائيا العدد ده.
الطبيعى والمفروض انه ياخد مكان اوسع واكبر ولو حتى فى الصراء عشان يستوعب الاعداد الضخمة دى.
انا رحت الساعة 9 وقفت العربية فى طابور من عشرات العربيات مش جوه التوكيل لا ده كان الطابور ممتد بطول شارع الخليج المصرى لدرجة انه الساعة 1 بعد الظهر الشارع اتقفل من العربيات البيجو لانه مبقاش طابور واحد بقى عدة طوابير .
معلش انا طولت فى الموضوع ده لانه لازم التوكيل يشوفله حل.
المهم وصلت لداخل التوكيل ومهندس الاستقبال قابلنا والحمد لله لسه المعاملة كويسة ومحترمين زى زمان وقلتله على الملاحظات الى جانب الصيانة الدورية والحمد لله اتعملت كل حاجة حتى اللى مطلبتوش ومش داخل الصيانة .
من الحاجات زرار سخان الزجاج الخلفى وده اصلا انا مكنتش شايف انه فى حاجه بس هما غيروه وظبطوا الابواب والشنطة مع انها كانت كويسة بس ظبطت اكتر وغيروا سير الدينامو لانه للاسف السير كان نازل صينى من ايران وتم تغييره فى معظم العربيات قبل الاستلام لكن عندى متغيرش بسبب الالحاح والاستعجال فى التسليم وتم تركيب سير انجليزى وكمان ادونى سير جديد احتياطى.
وطلعنا جربنا والحمد لله زى الفل والمهندس مش هاقولكم على اللى كمية المدح اللى فضل يقولها على العربية دى واداء الموتور بالذات عشان مبقاش بمدح فيها اكتر من اللازم هاكتفى بس بانه قالى الموتور ده ماشاء الله عفى جدا على العربية دى ومن احسن المواتير اللى نزلت على العربية دى (هو مش محتاج يمدح فى العربية بعد ماشتريتها بالعكس هو المفروض انه ينبهنى لعيوبها عشان ميحصلش مشاكل).
ملحوظة: الموتور فعلا انجليزى اسمه هيلمان hillman دورت عليه على النت لقيت فعلا ان هيلمان دى سيارة انجليزى من انتاج مجموعة roots الانجليزية اللى هى بتنتج سيارات جنرال موتورز وكرايسلر فى انجلترا وده كفاية عن الشركة دى.
اه على فكرة ده مش اول تعامل بين بيجو وهيلمان كان فى تعامل قديم ايام ال 504. والله اعلم.
حاجة تانيه من الحاجات اللى سالته فيها عن العربية هى الشاسية والبدى وايه علاقته بالسيارة بيكان وكان الاجماع على انه لا توجد اية علاقة بين البيجو والبيكان .
واكدوا ان البدى بالكامل والشاسية كله هو شاسية بيجو 405 مع بعض التعديل البسيط فى مكان عمود الكردان والكارونة راحت مكان التنك والتنك راح مكان الاستبن انما الشاسية هو كله بيجو واكدوا لى هما ليه هيغلبوا نفسهم كده ويخترعوا مفيش اى مشكلة فى ان شاسية ال 405 يشتغل عليه جر خلفى.
يعنى من الاخر كل العلاقة بين بيجو الايرانى وبيكان انه الاتنين بينزل عليهم اسم ايران خودرو.
مع العلم انه شاسية البيكان ده محترم بدليل انه بينزل فى عربية نص نقل.
حاجة كمان المهندس احب انه يوضحها لى وهى انه الناس كانت متصورة انه بيجو هتديهم هدية 407 او 607 ب 72000 جنيه وهيبقى فيه كل الرافيه اللى فى عربيات بيجو اللى الناس بتحلم بيها لكن لازم الواحد يحسبها ومايضحكش على نفسه بس الحمد لله هو لقانى متفهم ومقتنع بكلامه قبل مايقوله.
معلش حاجة اخيرة نسيت اقولها بالنسبة للموتور هو صوت عالى شوية او صوته خشن شوية بسبب ان الكاتينة جنزير حديد مش كاوتش ودى عيبها الصوت الخشن لكن ميزاتها واضحة جدا عن الكاوتش.
اسف للاطالة وشكرا ...
للاسف التوكيل بقى زحمة جدا ودى من النقاظ اللى تتاخد على وجيه اباظة لان مركز الصيانة ده قديم جدا من ايام ماكان عدد البيجو فى مصر او عدد العربيات عموما محدود لكن النهاردة العدد ضخم جدا والمركز ده مبقاش يستحمل نهائيا العدد ده.
الطبيعى والمفروض انه ياخد مكان اوسع واكبر ولو حتى فى الصراء عشان يستوعب الاعداد الضخمة دى.
انا رحت الساعة 9 وقفت العربية فى طابور من عشرات العربيات مش جوه التوكيل لا ده كان الطابور ممتد بطول شارع الخليج المصرى لدرجة انه الساعة 1 بعد الظهر الشارع اتقفل من العربيات البيجو لانه مبقاش طابور واحد بقى عدة طوابير .
معلش انا طولت فى الموضوع ده لانه لازم التوكيل يشوفله حل.
المهم وصلت لداخل التوكيل ومهندس الاستقبال قابلنا والحمد لله لسه المعاملة كويسة ومحترمين زى زمان وقلتله على الملاحظات الى جانب الصيانة الدورية والحمد لله اتعملت كل حاجة حتى اللى مطلبتوش ومش داخل الصيانة .
من الحاجات زرار سخان الزجاج الخلفى وده اصلا انا مكنتش شايف انه فى حاجه بس هما غيروه وظبطوا الابواب والشنطة مع انها كانت كويسة بس ظبطت اكتر وغيروا سير الدينامو لانه للاسف السير كان نازل صينى من ايران وتم تغييره فى معظم العربيات قبل الاستلام لكن عندى متغيرش بسبب الالحاح والاستعجال فى التسليم وتم تركيب سير انجليزى وكمان ادونى سير جديد احتياطى.
وطلعنا جربنا والحمد لله زى الفل والمهندس مش هاقولكم على اللى كمية المدح اللى فضل يقولها على العربية دى واداء الموتور بالذات عشان مبقاش بمدح فيها اكتر من اللازم هاكتفى بس بانه قالى الموتور ده ماشاء الله عفى جدا على العربية دى ومن احسن المواتير اللى نزلت على العربية دى (هو مش محتاج يمدح فى العربية بعد ماشتريتها بالعكس هو المفروض انه ينبهنى لعيوبها عشان ميحصلش مشاكل).
ملحوظة: الموتور فعلا انجليزى اسمه هيلمان hillman دورت عليه على النت لقيت فعلا ان هيلمان دى سيارة انجليزى من انتاج مجموعة roots الانجليزية اللى هى بتنتج سيارات جنرال موتورز وكرايسلر فى انجلترا وده كفاية عن الشركة دى.
اه على فكرة ده مش اول تعامل بين بيجو وهيلمان كان فى تعامل قديم ايام ال 504. والله اعلم.
حاجة تانيه من الحاجات اللى سالته فيها عن العربية هى الشاسية والبدى وايه علاقته بالسيارة بيكان وكان الاجماع على انه لا توجد اية علاقة بين البيجو والبيكان .
واكدوا ان البدى بالكامل والشاسية كله هو شاسية بيجو 405 مع بعض التعديل البسيط فى مكان عمود الكردان والكارونة راحت مكان التنك والتنك راح مكان الاستبن انما الشاسية هو كله بيجو واكدوا لى هما ليه هيغلبوا نفسهم كده ويخترعوا مفيش اى مشكلة فى ان شاسية ال 405 يشتغل عليه جر خلفى.
يعنى من الاخر كل العلاقة بين بيجو الايرانى وبيكان انه الاتنين بينزل عليهم اسم ايران خودرو.
مع العلم انه شاسية البيكان ده محترم بدليل انه بينزل فى عربية نص نقل.
حاجة كمان المهندس احب انه يوضحها لى وهى انه الناس كانت متصورة انه بيجو هتديهم هدية 407 او 607 ب 72000 جنيه وهيبقى فيه كل الرافيه اللى فى عربيات بيجو اللى الناس بتحلم بيها لكن لازم الواحد يحسبها ومايضحكش على نفسه بس الحمد لله هو لقانى متفهم ومقتنع بكلامه قبل مايقوله.
معلش حاجة اخيرة نسيت اقولها بالنسبة للموتور هو صوت عالى شوية او صوته خشن شوية بسبب ان الكاتينة جنزير حديد مش كاوتش ودى عيبها الصوت الخشن لكن ميزاتها واضحة جدا عن الكاوتش.
اسف للاطالة وشكرا ...
Comment