مساعده ضروريه

[AHMED_HAMDY]

السلاموا عليكم ورحمه الله وبركاته
معلشي بقى اني بكتب هنا بس للضروره احكام
ان ااحمد حمدي من قسم الهوندا ان شاء الله
صحبي معاه 504 وعايز مكنه ليها بس تكون غير مكنه ال505 وال 504
حاجه تكون اوتوماتيك او لو مفيش يبى مانوال
تكون 2400 او 2800 سي سي
يا ريت كله يساعدني مكن ايه اللي بيركب على البيجوو 504
حتى لو مكنه من موديل ثاني او نوع ثاني
يا ريت حد يرد ويفدني
وشكرا لكم جزيرا

[darsh_darsh]

مفيش غير مكن 505 او 504 او مكنه تويوتا الديزل
وفى مكن بيجو 4000 سى سى
بس ده صعب ونادر انك تلاقيها فى مصر

[AHMED_HAMDY]

طيب ال 4000 سيسي ده بينزل في عربيات ايه

[darsh_darsh]

فى البيجو الامريكى

[mbx4e]

انا شفت ( عالنت طبعا ) عيال انجليز ولاد حرام واحد كان مسقط مكنة هوندا على 205 والتاني مسقط مكنه بيجو 3.600 سي سي v6 ( 6سلندر ) على 205 بردك ( دي امثله على انه لايوجد شيء اسمه مستحيل ) وانا عارف انك بتكلم في 504
اهم حاجه ان صاحبك يكون فاهم عشان يزبط الكلام والموضوع مايفكسش منه
المهم ياباشا هو صاحبك محتاج يركب مكنه 4000 سي سي على 504 ليه ؟؟؟؟؟؟؟؟؟؟؟
على العموم في مكن بيجو عالي كتير ( ممكن يبقى اقل من 4000 بالذات مكن بيجو 605 ) بس لو هو غاوي سرعات وشغل سباقات في مكن بيجو متربن ( عليه تربو) كمان في مكن 4x4 وفي مكن جاز عالي كمان وكفائته حلوه ( بس للاسف الحجات دي كلها نادره او قليله في مصر مافيش طلب عليها )
كمان هو محتاح يشوف ابعاد الحوض عنده ويشوف موتور يركب فيه وعلى نفس القواعد طبيعي في الحاله د ي هايبقى موتور بيجو
ولو ينفع يركب موتور غير موتور الشركه المصنعه ( اعتقد المرور بيمنع الموضوع دا ) يبقى الموضوع هايتلخص انه يفصل قواعد ويعدل كردان وممكن يعدل عفشه كمان

[mbx4e]

السلاما عليكم ورحمه الله وبركاته
معلشي بقى اني بكتب هنا بس للضروره احكام
ان ااحمد حمدي من قسم الهوندا ان شاء الله
صحبي معاه 504 وعايز مكنه ليها بس تكون غير مكنه ال505 وال 504
حاجه تكون اوتوماتيك او لو مفيش يبى مانوال
تكون 2400 او 2800 سي سي
يا ريت كله يساعدني مكن ايه اللي بيركب على البيجوو 504
حتى لو مكنه من موديل ثاني او نوع ثاني
يا ريت حد يرد ويفدني
وشكرا لكم جزيرا

اهم حاجه القواعد وداير الفتيس ومجموعة الات الجر الكردان وخلافه

[AHMED_HAMDY]

طيب هوه يلاقي ويشوف الحاجات دي فين
والنسبه لموضوع العفشه دي سهله مش مشكله بس الاول يلاقي اي موتور ويكون كويس بس يلاقي وينزل يدور فين

[mbx4e]

بص يابيه لازم يحدد مجموعة اختيارات الاول للمواتير البيجو اللي تنفع تركب عنده من غير تعديل قواعد بعد كدا ينزل يدور على اللي متاح منها في بلدنا مصر العزيزه ويشوف ايهم متوفر قطع غيار وصيانته متوفره ( مكن 504 و 505 و 604 و بالنسبه لل 605 هي كمواتير بنزين فيها 3000 سي سي بس ماتنفعش عشان الات الجر بتاعتها على كبالن اماميه
انت عارف ال 504 هندستها قديمه معتمده على ان الموتور امامي والات الجر او الدفع خلفي فدا عامل تعارض او مقلل امكانيه انه يركب مكن بيجو حديث بكبالن اماميه كمان مواتيرها بالطول
الموتور الي يخش الحوض بفتيسه بنفس تصميم القواعد اللي في الحوض هايكون بالطول عشان تحافظ على القواعد ستاندر
ثانيا الات الجر هاتبقى خلفي او نظام الدفع هايبقى خلفي او رباعي على حسب الموتور والفتيس
اما لو ملقاش دي حاجه تانيه يبقى هيلجأ لربنا اول حاجه ويدور على حد بيعدل او بيفصل قواعد للموتور اللي عايز يركبه
ساعتها ممكن يركب موتور بالعرض او بالطول زي مايحب
اسمع عن سواقين البيجو الاستيشن 7 راكب اللي شاغلين في المحافظات بالذات الشرقيه والدقهليه بيركبو مكن ميكروباص التويوتا الجاز الهاي أيس عليها بالذات المكن الصغيره 3 ال وهي في حدود الحجم اللي هو عايزه (بس هل دا متاح بالنسبه للمرور وفي الحاله دي محتاج حد محترف او عمل الموضوع دا قبل كدا عشان يشوف الشغل ويجربه ) ودي ماقدرش افيدك فيها اكتر من هذا الحد كمان عشان يبقى عندك خلفيه معظم مكن البيجو اللي معدي 2000 سي سي جاز
ممكن تاخد فكره :
504 كوبيه 2.700 سي سي
Rare Franco-Italian: 1975 Peugeot 504 Coupe For Sale
فكره عن 504
[url=http://www.konozalsamaa.com/vb/kz4387/]

[mbx4e]

Peugeot 504 - Wikipedia, the free encyclopedia
Peugeot 505 - Wikipedia, the free encyclopedia
Peugeot 604 - Wikipedia, the free encyclopedia
PRV engine - Wikipedia, the free encyclopedia دا موتور بي ار في
PSA ES engine - Wikipedia, the free encyclopedia ودا التحديث للبي ار في
Peugeot 504 24v v-6 - Page 3 - aussiefrogs - The Australian French Car Forum Since 1999 ودي ناس بتعدل ال 504 وهاتركب البي ار في

[mbx4e]

ربنا معاك

[mbx4e]

مواتير البي ار في هي اللي تنفع عنده وهاتديله الحجم اللي هو عايزه كمان بالطول ودفع خلفي شوف الرابط دا دي قايمه بانواع او الموديلات اللي نزلتها الشركه منه وموجود في اي موديلات PRV and PSA/Renault V6 Variants

[AHMED_HAMDY]

شكرا ليكم جميعا
وبالنسبه للمرور مفيش اي مشاكل سئلنا فيها وسهله ان شاء الله هقوله الكلام ده كله ولو في حاجه هتحصل هاخد رايكم برضه واحكيلكم بكل جديد يحصل

[AHMED_HAMDY]

واحنا من الزقازيق على فكره وكلها بيجو برضه وهبقى اسئل اللي معاهم 7 راكب

[Unendlich]

مفيش غير مكن 505 او 504 او مكنه تويوتا الديزل
وفى مكن بيجو 4000 سى سى
بس ده صعب ونادر انك تلاقيها فى مصر

بيجو منزلتش مكن 4000cc في عربيتها ال production اطلاااااقااااااا
أعلى حاجة في ال 504/505 كانت ال 2700cc اللي بيسموه PRV V6 (اختصار Peugeot Renault Volvo) عشان ال 3 شركات كانوا مطورينه سوا. و ده كان بينزل في أوروبا و امريكا و استراليا مش امريكا بس
و بعد كده في ال 605 خلوا ال PRV ده 3000cc و بعد كده استبدلوه بموتور تاني V6 3000cc و ده اللي كمل مع ال 607 و ال 407 لحد ما لغوه خالص مؤخرا و بدأوا يتبعوا سياسة ال downsizing/turbocharging عشان حوارات البيئة و كده
في طبعا مكن كبير للسباقات و كده زي مثلا ال 5500cc اللي في ال 908 السيدان و بتاعت Le Mans


و في ال 6000cc بتاع ال 907



و ده ميمنعش إن في ناس بتحط مكن كبير لل 504/505 بس في مصر حتى لو لقيته عمرك ما هتلاقيله قطع غيار. و أنا بقول صعب تلاقيه عشان دايما تجارنا بينشنوا على ال 2000cc الكربراتير العادي بتاعنا و مش بيهتموا بالمواتير التانية.

[mbx4e]

جالك متخصص 504 ولا كلام بعد كلامه