اسعار قطع غيار بيجو 508

[pandermal]

المكيف

احسن عربيه في مصر و تسوى اكتر من تمنها بكتيير
و مفيهاش مشاكل نهائي و شغاله بال 92و فيه ناس عدت ال 80 الف و كل اللي اتعمل الصيانات العاديه و حاجات بسيطه زي الطنابير و قاعدة موتور
اتكل على الله و ادعيلي و مفيش عربيه هتملا عينك بعدها غير المرسيدس ال e 350
و بالمناسبه لسه عامل صيانة ال 10 الاف و مغير 5 ك زيت منهم نص ك معايا و فلتر و فلتر هوا و مية مساحه و تربيط عفشه و دافع 670 جنيه

طب معلشي بالنسبه لمكيفها تلاجه بمعني الكلمه ولا يدوب بيبرد لانك عارف ان ده اهم حاجه ف الخليج وسبب بيعي للعربيه اللي تحت ايدى اني معرفتش اصلحه

[Batman372]

هي الاسعار دي رخيصة !!!!!!!!!

مع ان الموضوع قديم من ٢٠١٢ !!!
لا مش رخيصه بصفه عامه ...
لكن ارخص من العربيات الى فى نفس الفئه السعريه ٢٤٠-٣٠٠ الف
مثل الباسات و الانسينجيا و ال ٣١٦ و ال الفولفو و الاودى ...
و بعض قطع الغيار ارخص من اليابانى و الكورى الجديد ...
فعلا ال ٥٠٨ اثبتت انها ممتازه كعربيه و قطع غيار و صيانه ...
تحياتى ...

[Batman372]

انت عايز تقنعني انك لو روحت توكيل مرسيدس واشتريت منه الازاز هيبقي ارخص من كده ؟؟ روح توكيل تويوتا واسال علي اسعار نفس القطع دى وانت فعلا هتدرك انها اقل من اكتر عربيه شعبيه في مصر

كلامك صحيح ...
قطع غيار بيجو ايه الى اغلى من مرسيدس ؟؟؟؟ !!!!
للعلم فقط سي ٢٠٠ :
طقم فوانيس زينون امامى و ليد خلفى ب ٢٤ الف لمو ٢٠٠٩ !!!! مش عارف الشكل الجديد بكام !!!
طقم مرايات ضم ب ١٤ الف !!!
٢ اكصدام ورا و قدام بالحساسات ب ٢٣ الف !!
طلمبه بنزين ب ٧ الاف جم !!
زجاج امامى المانى اصلى ب ٥ الاف جم ... د جريش مثله ب ٩٠٠ جم
بطاريه العربيه مرسيدس اصلى ١٠٠ امبير ب ١٦٠٠ جم ... فى حين الفارتا مثلا ب ٦٥٠ ..
اكمل و لا بلاش :)

تحياتى ...

[meka1990]

و الفوانيس ارخص من الاكسنت الاربي حاجه تشل والله غبور ده عامل فينا كده ليه !!