معلش سوال لاهل الخبرة عن بيجو 307 ضروري

[mikydod]

انا كنت ناوي اشتري بيجو 307 موديل 2007 بس الصراحة بعد ما شوفت في المنتدي هنا خوفت لاني كل شوية بلاقي مشاكل كتيرة اوي

فلو سمحت ممكن حد فاهم يقولي اية عيوب العربية دي عشان دي هتكون اول عربية ليا ومش عايز ادبس

[akmm]

سؤال منطقى للإستعانه بالخبرات ------- وانا =متابع .

[mikydod]

مفيش ردود لية يا جماعة ؟؟

[ana]

لو قدامك عربيه نضيفه وعاجباك اطلع على زكريا الكهربائى فى الزاويه يحطها على الجهاز ويكشف عليها كويس وبعدها اطلع على مهندس محمد صلاح فى المطريه يكشف على الميكانيكا والعفشه وخلى سمكرى يبص عليها طبعا
اهم حاجه تبص عليها حاله الفتيس وحاله كهرباء السياره عموما واذا كان صاحبها بيعمل الصيانات الدوريه فى وقتها ولا لا وربنا يوفقك للى فيه الخير

[shark_3li]

أنا العربية معايا بقالها سنة ونص دلوقتي وأقدر أقولك إن مفيش حاجة بتعطل فيها الا لما يكون عمرها الإفتراضي انتهى والعمر ده إنت بتعرفوا من الكتالوج أو من التوكيل أو مركز الخدمة يعني طول ما أنت متابع صيانتك في مواعيدها يبقى اطمن الناس دي مش بتهزر ولا حاطين العمر ده كده وخلاص اتوكل على الله بس اكشف عليها في مكان مضمون ومفيش أحسن من التوكيل ولو غالي خليك في مركز خدمة كويس أو عند عمارة بتاع البيجو

[fido377]

لو لسه ما اشترتش.. دور على 307 موديل 2008 احسن، فيه مشاكل كتير في موديل 2007 اتعدلت في اخر سنة من انتاجها.. والعربية عامة في السواقه افضل كتير من الياباني (كورولا و لانسر وصني )