سعر البيجو 406

[mody_halawa]

ياجماعة نفسى اعرف سعر البيجو 406 استعمال من اول مديلات 1998الى 2006 وياترى فية فرق بينهم غير شكل الفوانيس اللى ورا وصحيح العربية دى بتسحب بنزين كتير
ياريت حد يرد عليا من محبى البيجو ومن اللى جربها

[Mahmoud_405]

ال406 موديل 98 تعمل في حدود 80 الف والموديلات الجديدة 2002 وانت طالع تعمل في حدود 110000 الف والفرق بين الموديل القديم والجديد مش الشكل بش لا ده الفتيس تصميمة اتغير وبقي احسن من القديم لانة كان في مشاكل وكذلك الموتور

[elpasha009]

ال406 موديل 98 تعمل في حدود 80 الف والموديلات الجديدة 2002 وانت طالع تعمل في حدود 110000 الف والفرق بين الموديل القديم والجديد مش الشكل بش لا ده الفتيس تصميمة اتغير وبقي احسن من القديم لانة كان في مشاكل وكذلك الموتور

بالظبط كده وكمان الماتور القديم كان تقريبا 130 حصان الجديد 138.
وطبعا الفتيس متغير تماما وشكل العربية والوسع كمان.

[waleedabbas]

تقريبا الاسعار زى ما الاستاذ محمود والباشا قالوا كده حسب الموديل وحسب الحالة
اما بالنسبة للاختلافات الاختلاف فى الفانوس الخلفى وطبعا الشنطة واختلاف فى الفانوس الامامى والشبكة واختلاف فى الباكيتات الجانبية
ده بالنسبة للشكل اما بالنسبة للموتور من 97 ل 2001 نفس الشكل القديم ومن اخر 2001 الشكل الجديد فعلا نزل مختلف يختلف كتير عن القديم وفعلا افضل فى الاداء والفتيس واعلى فى الهورس باور 137 وصوته اهدا بكتير من الموتور القديم خصوصا مع التكييف 2003 نزل موتور جديد برضه افضل من التانى2005 اخر موتور نزل كان 147 حصان حتى العداد 260 كم وده افضل موتور نزل فعلا لكن الحقيقة الفروق بين المواتير كلها مش فروق جامدة لكن كلهم كويسين
فى كمان بعض الاضافات فى الصالون وفرش الابواب بعض الكماليات زى حساس المطر وحساس النور والعاكس فى مراية الصالون متوسط استهلاك البنزين حوالى من 8 ل 10 كم لكل 100 كم ده جوه البلد ومع التكييف اما على الطريق لو على سرعة ثابتة 100 مثلا بيكون الاستهلاك اقل
وماتنساس انها اوتوماتيك والاوتوماتيك استهلاكه اعلى و2000 سى سى

[the-hero]

نصيحه بلاش تجيب العربيه ديه أقل من 2002 فى الموديل لكن هيه تحفه