عربية بيجو جيده

[maroomo]

يا جماعة الخير انا عايز اشتري بيجو 305
اشتري ولا بلاش؟؟؟؟

[aboomar22]

بص يا باشا لو حالتها حلوة اشترى مش هتلاقى عربية زى دى وبالاسعار دى اهم حاجة موتور وعفشة وصاج وكبالن يكونوا كويسين هى عربية واسعة مريحة ثابتة على الارض سعرها رخيص بالنسبة لعربية زى ال 128 عيوبها مينفعش يركبلها الا موتورها وعلشان كده غالى شوية 4000 جنية كبالنها غالية لكن انا كنت بصلحهم ومفيش اى مشكلة جنوطها 3 خرم علشان كده بيبقوا غاليين شوية اهم حاجة فى العربية دى دور على قطع غيارها الاصلية هتريحك وعيب اخر تقيلة فى البيع يعنى خدها كلمة بينى وبينك لما هتيجى تشترى هتسمع 14 - 15 الف ولو حبيت تبيع هتسمع 9 و10 الاف

[maroomo]

جزاك الله خير

[MEDO84EG]

كلام ابو عمر مفيش بعده كلام
لو لقيت عربية سليمة و حالة كويسه بجد هتبسطك جدا و اسال مجرب
و زي ما قال الاستاذ ابو عمر ركب قطع غيار اصلي متستخسرش هتلاقيها تمام باذن الله

[AMIRB11S]

اللى احسن منها ال 305 الطيارة موتور و عفشة 405 او شبيهة منها اوى و طبعا العجل 4 مسمار.

[MEDO84EG]

الطيارة مفيش عليها كلام بس اغلي حبتين و ساعات في حاجات مش بتلاقيها و بتضطر تركب حاجة ال 305 العادية