مساعدة مطلوب مكان اشترى منو الحاجات دى

[partez86]

بـــســـم الله الــرحــمـــن الــرحــيـــم

ازيكم يا رجالة البيجو وحش الطريق :d

انا كنت محتاج مريتين لعربية بيجو 305 و تانك بنزين يا ريت لو فى حد عاندو يا ريت يبلغنى او لو حد يعرف مكان بيبعهم يقولى فين او رقم موبيل بتاع حد بيبعهم و بكام تقريبن و لكم جزيل الشكر و التقدير

[akmm]

حاول تبحث فى المنتدى بخصوص البيع والشراء بين الأعضاء .

[darsh_darsh]

هتلاقيهم عند اسماعيل الشيخ فى الطوابق فيصل او محل المريوطيه التانك هيكون فى حدود 400 جنيه تقريبا لكن المرايات معرفش

[aboomar22]

احمد فهمى فى المنيب على فكرة الشارع كله بتاع بيجو الشارع اللى قبل موقف الفيوم وانت رايح على المنيب بخصوص المرايات هات لها اتنين ممكن بتوع 405 احسن يكونوا بيتقفلوا لان مرايات ال 305 بتتكسر بسرعة نتيجة انها مبتتقفلش ----ولو ممكن الاستاذ darsh_darsh هو المخزن اللى قبل الدائرى بس ده دايما مقفول وشكرا

[darsh_darsh]

انت تقصد الحاج اسماعيل ده تروحله من نزله الدائرى اللى بعد المريوطيه اللى بتنزلك على اللبينى امشى على طول هتلاقيه على ايدك الشمال وفى مخزن تانى ليه فى الطوابق اللى هو نفس امتداد الطريق ده تنزل النفق وتكمل هتلاقيه فى شارع جانبى اسمه الشيشينى

[aboomar22]

انت تقصد الحاج اسماعيل ده تروحله من نزله الدائرى اللى بعد المريوطيه اللى بتنزلك على اللبينى امشى على طول هتلاقيه على ايدك الشمال وفى مخزن تانى ليه فى الطوابق اللى هو نفس امتداد الطريق ده تنزل النفق وتكمل هتلاقيه فى شارع جانبى اسمه الشيشينى

شكرا يا باشا حضرتك تقصد سوسو ولا الحاج اسماعيل دا غيره انا عارف مكان سوسو بس حاجة 305 مش متوفره عنده غالبا ولحضرتك جزيل الشكر

[darsh_darsh]

اسماعيل الشيخ ده واحد غيره هتلاقيه شغال فى البيجو انا بجيب منه حاجتى هتلاقيه جنب محل سوسو اللى فى المريوطيه والفرع التانى بتاع فيصل برضه جنب محل سوسو اللى فى فيصل