تقرير عن تجربة نفتالين +بنزين 80 بيجو 605 1998

[mohamedadelemam]

السلام عليكم..انا معايا بيجو 605 موديل 2000 سىسى1998 بموتور زى بتاع ال406 القديمة...وشاروا عليا باستعمال النفتالين مع بنزين 80 وهيعلى الاوكتان واوفر فلوس عن 92...مع التجربة لأول شهر كانت رائعة ويمكن اداء السيارة كان افضل من 92 كمان..لكن مع الوقت خد عندك..انسداد فى الرشاشات بطريقة غبية وفكيت ونظفت ..وبعد كدا ضعف فى طرمبة البنزين وحطيت لها زيت باور والحمدلله نفع..وفى الآخر السيارة بقى ادائها زى الزفت جدااااا ومش فاهم ليه وبتطفى وتزود سرعة لوحدها وبالصدفة فصلت فيشة حساس الشكمان فاتظبطت نسبيا..لكن يظل الدخان الاسود وحاليا استهلاك بنزين فوق الخيال بتاع 100 كم للصفيحة ببنزين 92...وحتى انا مش عارف افك الحساس دا وياعالم هلاقيه ولا لأ..نصيحة منى يا جماعة بلاش حد يضحك عليكم ويقولك نفتالين وجرب 80 وانت نسبة الانضغاط عندك متنفعش.وياريت نصيحة من خبراء ال406 اعمل ايه فيها او افك ازاى حساس الشكمان وهل بيتباع؟

[beshomilan]

مع ان ناس جربته وقالت كويس!!!
ما يمكن المشكله عندك من قبل ماتستعمله!!وظهرت فى نفس الوقت اللى انت بدات تستعمله فيه فربطت مابين الاتنين

[rotanamasoud]

مفيش حد جربه وقال انه كويس(الاداء بس) غير كده دمار للمكنه واحد جربه فى دايو زيرو وعمر بعد سنه ولاقى الموتور من جوه مخرم (نقر) من الزفت النفتالين وكمان غير التنك لانه بوظ التانك

[MohammedAladel]

حدش يتعلم بلاش

[mohamedadelemam]

يلا الحمدلله انها جت على كدا..اللى هنوفره فى 80 هيطلع علينا فى العمره

[Shiref_mohamed]

قدر الله وماشاء فعل

[mohamedadelemam]

الحمدلله ان الموتور طلع كويس وسليم..بس ارجو خبراء بيجو 406 عايز اعرف منين اجيب حساس شكمان..سألت عند بتوع دمشق مش موجود واعتقد الحاجات دى متنفعش استعمال

[waleedabbas]

سالت عند مين في دمشق ؟ غزال و عمران ؟
عموما لو مفيش خالص في دمشق شوف ابو اليزيد بتاع الشكمانات ومركز صيانة احمد عمارة

[mohamedadelemam]

شكرا وجزاكم الله كل خير

[mbx4e]

في شارع رمسيس جنب نزله كوبري معروف جنب معرض توكيل الرواس بتاع ميتسوبيشي هتلاقي محل اسمه حاجه ادوارد ( مش فاكر بصراحه) بس المحل دا بتاع رفايع صغيره بس بيقفلوا الساعه 5 العصر
عندك المسيري في شارع مجلس الامه والفرع التاني امام معهد التعاون في شارع المبتديان موازي لشارع القصر العيني
وعندك رضا عشماوي في شارع دمشق

[mohamedadelemam]

الف شكر لحضرتك وجزاك الله خيرا

[Unendlich]

80 في 605 !!!!!!!!!!!!!

[yoko]

هتلاقي كمان علبة البيئة ودعت

[mohamedadelemam]

السلام عليكم..يا جماعة انا متشكر لكم جداا على مشاركاتكم ...انا من فترة مش بستعمل السيارة عشان عندى امتحانات باطنة واطفال دعواتكم يا جماعة..بس امس نزلت خرجت شوية العربي بسم الله ماشاء الله فجأة اصبحت ناعمة جدا وهادية خالص ومش بتكركب مع التكيف او سلانسيه..فمش عارف ارجع فيشة حساس الشكمان ولا أخليها مفصولة كدا لغاية ما اخلص بإذن الله امتحانات وبعد كدا اغيره؟..وبالنسبة لعلبة البيئة فأنا معرفش ايه أعراض تلفها ياريت حد من الخبراء يفتينى فيها وجزاكم الله كل خير

[yoko]

الكتمة الي حصلت دي هي أهم أعراض تلفها