ارجو الدخول للرد على استفساري من فضلكوا

[mixd99999]

يا جماعة
يامالكين السيارات الفرنساوي الرايقة..............البيجو طبعا
ياجماعة انا عايز اشتري 406 موديل 2000
اول حاجة
عايز اخد رايكم في الموضوع ده وتقولو لي ايه ابرز العيوب والمميزات بالنبسة لل406 عامة الموديل ده2000
وايه سعرها دلوقتي في السوق بتاع المستعمل
واهم حاجة (مهمة جدا بالنسبة ليا)
اكشف عليها فين وازاي يعني عند التوكيل ولا اعمل ايه بالظبط

ياريت اللي يعرف يفدني في الموضوع ده وشكرا

[the-hero]

بالنسبة لل406 عربيه تحفه وملهاش حل لكن لما سألت عليها فى التوكيل الناس هناك نصحونى وقلولى بلاش تشتريها أقل من مو2002 الشكل الجديد لأن القديم فيه مشاكل فى الفتيس وعيوب كتير وسمعت نفس الكلام فى المنتدى ومع ناس ركبيين العربية ديه
فياريت تسأل برضه وتتأكد

[mixd99999]

العمدة فلاينج وبيشو وأسد بيجو وأستاذ محمد والملا لولا وحرفوش وتولدو
where the replay

[amr mokhtar]

انا رأيى زى هيرو بلاش تاخد موديل قديم منها لإن على الأقل هتبقى ماشية كتير
يستحسن تدور على 2002 فما فوق

و البالنسبة للكشف على العربية انا رأيى ان افضل مكان هو التوكيل طبعآ لإنهم أكتر ناس عارفين العربية دى

[ASD peugeot]

العمدة فلاينج وبيشو وأسد بيجو وأستاذ محمد والملا لولا وحرفوش وتولدو
where the replay

يا باشا انا موجود وتحت امرك
البيجو 406 عربيه روعه بجد بس زي ما الاخوه قالوا خليك في الشكل الجديد افضل من حيث الشكل الخارجي واكيد في تعديلات عن الشكل القديم افضل
وطبعا اكشف عليها في التوكيل افضل لان قطع الغيار غاليه بس هي عربيه تستاهل
بس هي هتكون 2000 سي سي وايه هي مواصفاتها العربيه المعروضه عليك

[fahd_628]

خد بالك كمان انى اسمع ان الموتور فى الشكل الجديد معدل و اقوى و الجيربوكس كمان علشان كان فيها مشاكل


والله اعلم استنى رد عمالقة البيجو

[mixd99999]

الف شكر للناس الجميلة اللي ردت عليا وبتحاول تفيدني
بس انا يا جماعة شبه محكوم بالسعر بتاعها لان هي عاملة75000 والموديلات الاعلى غالية
وانا مش عارف سعرها كده مقبول ولا اشتريها وتقرفني وتعملي مشاكل بعد كده
فبرضه قولولي رايكم ولو في حاجة الشكل الجديد قولولي تعمل كام


على فكره انا زعلان من بقيت اعضاء البيجو اللي يعرفو ومرضيوش يفيدوني

[ssafwat]

شوف يا مكس انت تشتري من نص 2003 لغاية آخر 2004. الشكل الجديد نازل من 2002 لكن التطوير في كهربة العربية كان من نص 2003.

كلهم 2000 سي سي لكن النصيحة دايماً للي بيشتري عربية خصوصاً المستعمل اسأل على قطع الغيار بكام. البوجيهات تيل الفرامل الفوانيس الأمامية ده يديك مؤشر على متوسط اسعار قطع الغيار وده في رأي اهم من ثمن العربية اللي حتدفعوا في الأول عشان قطع الغيار هي التكلفة الجارية للعربية.

ايا كان بقه قرارك ضروري جداً تكشف على العربية في التوكيل يحطوها على جهاز كشف الأعطال عشان يقولولك موقف الكمبيوترز والحساسات وطبعاً البودي والعفشة عشان تبقى عارف انت داخل على ايه.

[harphosh]

كلام الأخوة الأفاضل تمام جداً
هى العربية ليس عليها غبار بس فعلاً موتور وفتيس الموديل العالى أفضل من القديم وده بصراحة من السمع من الزملاء اللى معاهم 406 .
والشكل الجديد إمكانياته التكنولوجية أعلى .
وإن كان ولا بد من الموديل المعروض عليك علشان السعر فاكشف عليها كويس وتوكل على الله ، بس لاحظ إن الـ406 كما يقال على حد السمع قطع غياره غالية شويتين ولكن معمره ، وربنا يوفقك لما فيه الخير بإذن الله .

[محمد ابراهيم 1]

العربيه ال 406 دى تحفه بجد وركوبه ممتازه جدا لكن استهلاك البنزين عالى وده طبعا لأنها 2000 سى سى وأوتوماتيك
وقطع الغيار غاليه شويه لكن معمره طبعا واحد صاحبى معاه العربيه دى وكورولا 2002 بيقول انه لما ينزل من البيجو ويركب الكورولا بيحس إنه ماشى حافى

[د. علاء ابراهيم]

يا جدعان انا ماليش فى ال406
انا ليا فى ال 504 بس
بس انا شايف ان الاخوة الاعضاء قاموا بالواجب صحيح

[kareem_Ashmawy]

أنا كنت فى التوكيل من يومين
و قابلت واحد معاه 406 مو 2004
بيقول ان استهلاكها فى البنزين عاجبه جدا
و على حد زعمه ( حلوة الكلمة دى) بتعمل فوق ال 200 كيلو فى الصفيحة
هو اللى بيقول أنا مليش دعوة