ليه موديلات بيجو صغيرة ومتوسطة الحجم مفيش عليها اقبال فى السوق المصرى؟؟

[hossam_elwani]

ليه موديلات بيجو صغيرة ومتوسطة الحجم مفيش عليها اقبال فى السوق المصرى على الرغم ان اسعارها مماثله للسيارات الكوريه ؟؟

[haysam2000]

نفس الفكر فى اى ماركه اوروبى زى رينو او سيتروين مثلا ان دى هتكون عربيات الفئه المتوسطه و الفئه دى غالبا بتخاف على فلوسها ف بيحطها فى الحاجه اللى واثق انها هتتباع بسهوله و قطع غيارها متوفرة و سهله الصيانه و ده غالبا متوفر فى العربيات الكورى

[S O P H O S]

اعتقد علشان التكنولوجيا الي فيها
فبالتالي اعطال خاصة بالكهرباء والكمبيوتر اكتر
ده الي بيقال كالعادة ثم ان شركة بيجو مبقتش اعتمادية زي زمان
وده مش فمصر فقط لان الشركة نفسها في فرنسا عندها مشاكل
والله اعلم ..

[M.Al-Hefnawy]

ارتفاع أسعار قطع الغيار وانخفاض قيمة السيارة

[hossam_elwani]

بس اعتقد ان بيجو مستقره وقليلة الاعطال مقارنه بستروين ورينو مثلا وده من خلال قراءاتى صح ولا ايه ؟؟

[medoghaly]

قطع غيارها غالية بالنسبة للكوري و كمات سعرها بعد شراها بيقع كتير و معقدة عن الكوري الصغير

[drgham]

البيجو يعيبه شكله مو بالمستوى المطلوب

[Astra200]

ليه موديلات بيجو صغيرة ومتوسطة الحجم مفيش عليها اقبال فى السوق المصرى على الرغم ان اسعارها مماثله للسيارات الكوريه ؟؟

شوف انا أوعي عالي البيجو ايام ال 404 و ال 504 وبعدين 505 -- وكانت عربيات روعة وليها شعبية وبعدين بقوا يعملو عربيات لعبة 207 و307 وغيره -- يعني سابت العربيات السيدان التقيلة واشتغلت في العربيات اللعبة وكمان سعرها غالي -- يعني تجيب 207 ولا فلوينس ؟
ده رأيي --- من ساب داره قل مقداره --

[Land_Cruiser]

سعر شراءها غالى و أعاده البيع ضعيف شأنها شأن السيارات الفرنساوى بسبب فتره الانكماش و اللخبطه الكبيره اللى عاشوا فيها فى السوق المصرى الكام سنه اللى فاتوا ده غير أن قطع غيارها غاليه و التكنولوجيا الكتير اللى فيها بتخللى صيانتها صعبه و فى الفئه اللى حضرتك بتتكلم عليها اللى هى المتوسطه و الصغيره هتلاقى أن البيجو اللى فيها العربيه نفسها تعتبر فى ماركتها فئه متوسطه يعنى مش باين فيها اختلافات كبيره عن العربيات العاديه او ان الفرق ما يستاهلش فرق السعر الكبير ده و فى الاغلب مش متصنعه فى فرنسا اصلا و كمان سعرها بتاع فئه اعلى فى عربيات من ماركات تانيه كتير و العربيات التانيه دى مليانه كماليات و شكلها معقول و قطع غيارها منتشرة و اى حد بيصلحها و مشاكلها قليله. يعنى من الآخر اللى هيشتري البيجو المتوسطه الحجم أو الصغيره لازم يكون غاوى ألماركه دى علشان كده بيشتريها و بيستحمل المشاكل اللى هتواجهه

[mbx4e]

عفوا ممكن تفهموني انتم بتكلموا بشكل عام ؟؟؟
ولا بتقارنوا موديلات وفئات معينه عشان كدا انت دخلتو الدنيا في بعضها عندي
وعفوا في الكلمه بشكل عام الصناعه الاوربيه بتختلف عن الاسيويه في العيوب قبل المميزات والتكنولوجيا
بالنسبه لغلاء قطع الغيار الاوربيه عن الاسيويه عموما برده عشان محدش يفهمني غلط او الدنيا تخش في بعضيها زي محصل عندي
اظن ارنفاع اسعار العماله في اوروبا عن اسيا عامل اساسي + كميه الانتاج الاسيوي اكبر من الاوروبي بشكل عام ودا يخلي سعر القطع اقل + ان الجوده بتاعت الاوروبي اعلى من الاسيوي بسبب المعايير القاسيه للجوده والامان اللي ببتطبق اكتر فيها عشان كدا الغالي تمنه فيه
بغض النظر بقى عن جهل الصنايعيه عندنا وذكاؤهم المفرط اللي توقف عند موديلات التسعينات الاسيويه بسبب بساطتها في الفك والتركيب وكثرة تعلمه فيها بسبب كتر اعطالها وكثر عدد مرات الزياره لبليه الميكانيكي

[mbx4e]

سؤال لكل من شارك هنا
هل حد فيكم ركب اي فئه في الاسد سواء قديم ولا جديد ؟
هل حد فيكم ركب عربيه اوروبي من الدرجه الاولي ( الماني انجليزي فرنساوي ) وجربها ؟
مش معنى ان السوق عندنا بيفضل حاجه يبقى الحاجه دي جامده مثال على كلامي ومع احترامي لاصحابها فيات 128

[Land_Cruiser]

عفوا ممكن تفهموني انتم بتكلموا بشكل عام ؟؟؟
ولا بتقارنوا موديلات وفئات معينه عشان كدا انت دخلتو الدنيا في بعضها عندي
وعفوا في الكلمه بشكل عام الصناعه الاوربيه بتختلف عن الاسيويه في العيوب قبل المميزات والتكنولوجيا
بالنسبه لغلاء قطع الغيار الاوربيه عن الاسيويه عموما برده عشان محدش يفهمني غلط او الدنيا تخش في بعضيها زي محصل عندي
اظن ارنفاع اسعار العماله في اوروبا عن اسيا عامل اساسي + كميه الانتاج الاسيوي اكبر من الاوروبي بشكل عام ودا يخلي سعر القطع اقل + ان الجوده بتاعت الاوروبي اعلى من الاسيوي بسبب المعايير القاسيه للجوده والامان اللي ببتطبق اكتر فيها عشان كدا الغالي تمنه فيه
بغض النظر بقى عن جهل الصنايعيه عندنا وذكاؤهم المفرط اللي توقف عند موديلات التسعينات الاسيويه بسبب بساطتها في الفك والتركيب وكثرة تعلمه فيها بسبب كتر اعطالها وكثر عدد مرات الزياره لبليه الميكانيكي

أكيد بنتكلم فى الموديلات الحديثه المتوسطه و الصغيره و عن اغلبيه الناس اللى بتشترى بتفكر ازاى و هى بتشترى و ظروف السوق

سؤال لكل من شارك هنا
هل حد فيكم ركب اي فئه في الاسد سواء قديم ولا جديد ؟
هل حد فيكم ركب عربيه اوروبي من الدرجه الاولي ( الماني انجليزي فرنساوي ) وجربها ؟
مش معنى ان السوق عندنا بيفضل حاجه يبقى الحاجه دي جامده مثال على كلامي ومع احترامي لاصحابها فيات 128

انا عن نفسى ركبت فى فتره ما بيجو حديث 406
و عندى عربيه المانى و عايز اعرف ده هيفيد حضرتك فى إيه فى التحليل ؟

[mbx4e]

انا عن نفسى ركبت فى فتره ما بيجو حديث 406
و عندى عربيه المانى و عايز اعرف ده هيفيد حضرتك فى إيه فى التحليل ؟

اولا اشكر حضرتك على ذوقك العالي في الرد وان حضرتك فهمتني بموضوعيه
انا لاحظت في البروفايل بتاع حضرتك ان معاك صني حديث ودي عربيه محترمه جدا لابعد مدى ( ودا مش مجامله ) لاني دخلت المصنع بتاع نيسان في اكتوبر وشوفت مقدار النظافه في الشغل
المهم سؤالي لحضرتك هل المقارنه بين البيجو والنيسان ( طبعا بغض النظر عن اختلاف الموديل والفئه والحاله والتكنولوجيا وقطع الغيار و تكاليف السيرفيس والصيانه ) مجال او وجه المقارنه اللي عايزك تحكم بيه هو الاحساس والشعور بالرضا اكتر في صالح من البيجو ولا النيسان ؟ وانا متقبل رايك ايا يكون
اتمنى ان يكون وجهة النظر بتاعتي وصلت لحضرتك

[Land_Cruiser]

اولا اشكر حضرتك على ذوقك العالي في الرد وان حضرتك فهمتني بموضوعيه
انا لاحظت في البروفايل بتاع حضرتك ان معاك صني حديث ودي عربيه محترمه جدا لابعد مدى ( ودا مش مجامله ) لاني دخلت المصنع بتاع نيسان في اكتوبر وشوفت مقدار النظافه في الشغل
المهم سؤالي لحضرتك هل المقارنه بين البيجو والنيسان ( طبعا بغض النظر عن اختلاف الموديل والفئه والحاله والتكنولوجيا وقطع الغيار و تكاليف السيرفيس والصيانه ) مجال او وجه المقارنه اللي عايزك تحكم بيه هو الاحساس والشعور بالرضا اكتر في صالح من البيجو ولا النيسان ؟ وانا متقبل رايك ايا يكون
اتمنى ان يكون وجهة النظر بتاعتي وصلت لحضرتك

البيجو طول عمرها عربيه محترمه و أن كانت وقعت منها البارس اللى كانت بتتجمع فى ايران دى و مكنش هناك اهتمام كبير بالموديلات الجديده من ناحيه الدعايه و الأسعار مبالغ فيها من وجهه نظرى . هو انا كمان عندى e46 على فكره و علشان كده عندى فكره عن المدارس المختلفه فى صناعه السيارات . انا بس عايز أوضح لحضرتك حاجه لان حضرتك اسئلتك كانت غريبه عن هل حد ركب بيجو أو سيارات اوروبيه قبل كده و مفهمتش سبب السؤال بصراحه و مدى علاقته بالموضوع. ما علينا المهم اللى عاوز اوضحه لحضرتك أن صاحب الموضوع محدد حاجات معينه بيسأل فيها و هى مدى انتشار السيارات البيجو الصغيره و المتوسطه و كل اللى كان بيرد و انا منهم كان بيحلل سبب الموضوع بناء على ظروف السوق المصرى بتاعنا و ازاى المستهلك بيفكر و الكلام مره تانيه على الفئات الصغيره و المتوسطه و مش معنى أننا بنحاول نحلل معلومه اننا بنقلل منها أو بنقول أنها تعبانه لكنها قد تكون مظلومه فى السوق بتاعنا زى عربيات كتير منها الفورد مثلا أو السوبارو او الانسر الشارك قصاد البومه لانها ببساطه مش ماشيه فى السوق و الناس بتفضل حاجات تانيه عنها لرخص قطع الغيار و سهوله اصلاحها و ارتفاع سعر أعاده البيع على حساب الامان و جوده التقفيل و عراقه الصانع مثلا وده مش معناه أن معايير الاختيار بتاعه الشعب سليمه أكيد لكن فى الاخر هى دى اختياراته و بالتالى اللى بتؤثر على قرار الشراء. يعنى مثال بسيط لو سألت ١٠ اشخاص تشترى ٢٠٧ و لا النترا ممكن تلاقى ٨ منهم بيقولولك النترا و السبب أنها أكبر و شنطتها اوسع و بتجرى و فيها وسائل أمان برضه و شكلها جديد و سعر اعاده بيعها ممتاز. و كذلك لو قلتله مثلا ٢٠٦ و لا صنى الشكل الجديد تفتكر الاغلبيه هتختار مين لو عايز عربيه عائليه و ما يقدرش يدفع اكتر من كده مع العلم بأن شكلها صعب حبتين؟ هو ده كان قصدى يعنى هو ممكن يضحى بالأمان الممتاز و التقفيل المحترم علشان حاجه أكبر بنفس السعر أو حتى علشان الشنطه أو سعر اعاده البيع. الموضوع فى الاخر ثقافه مستهلك وواقع بنعيشه قد يكون خطأ لكنه فى الاخر يظل واقع و يمكن بيجو ادركت ده أخيرا و بالتالى دخلت المنافسه بس بطريقه مناسبه و هى التركيز على الفئات العاليه بحيث أنها تحط فيها مواتير و كماليات و تكنولوجيا تقدر تنافس بيها العربيات الغاليه و بكده تهرب من الفئات الصغيره و المتوسطه اللى مش هتقدر تنافس فيها الكورى و الصينى اللى بيجو حاولت تنافسهم فيها بالبارس الايرانى و فشلت و لذلك انتقلت للفئات الاعلى اللى تقدر تجذبها و مش هتفرق معاها السعر قوى قصاد الحاجات الكتير اللى هتاخدها مقابله و أرجو أنى أكون وضحت لحضرتك الصوره و تحياتى لشخصك الكريم و السلام عليكم

[hossam_elwani]

وهيا الــ 307 مثلا وحشه ؟؟؟ انا شايفها ممتازه جدا خامه وشكل وامان وكل حاجه