خلاص قررت أبيع واجيب ال 406

[the-hero]

السلام عليكم ورحمه الله وبركاته

أنا خلاص قررت أبيع حبيبتى عزيزة وهجيب ان شاء الله 406
فاللى عاوز يتفرج عليها يكلمنى على الخاص
والله مهينى علية أبدا
بس لو العربيه اللى قدامى طلعت مفيهاش غلطة بقي يبقى ربنا يعوض عليا
عربيتى مو 95 فرنساوى من الألف للياء ورشه خارج بس ومشدودة شده ملهاش حل وصالون الأورجينال والكاسيت الأصلى وجنوط سبور بيجو فرنساوى
1600 سي سي باور سنتر تكييف أربي ام كشافات شبورة
رداتير كبير ب 2مروحة 3ماسورة فاليو فرنساوى درجة حرارة مبتوصلش لل 70
ماتور جديد بطاريه جافه جديدة دينامو أستيراد مارش 406 2 كوبلن +2مقص+2مساعدين أستيراد وكل حاجتها الأصليه المتغيره حالتها كويسه بس انا بغير الجزء على طول وبجيبه أورجينال وريح دماغى شاسيه من تحت ببلاك الأصلي
العربيه الحمد لله بتقفل العداد 6 سمعات أصلى
مع جهاز سرينه فدرالى مع دواسات أورجينال + دواسة جلد عملها فوق الموكيت الأصلى للصالون كله
العربيه من الأخر مشفتش عربيه بنفس الطراز ده فى مصر حالتها شاذة
فأتمنى أنها متتطلعش بره المنتدى بتاعنا والله مشعارف هيجيلى قلب وأسيبها ازى بس للضرورة أحكام
فاللى عاوز يجى يتفرج يكلمنى على الخاص
ولحد دلوقتى محددتش سعر لأنى لسه متردد فى البيع واللى فيه الخير يقدمه ربنا
وياريت من أدارة المنتدى عدم نقل الموضوع لأن بخصصه لأعضاء منتدى بيجو بس
وشكرا

[kareem_Ashmawy]

ربنا يباركلك في بيعها يا باشا و تجيب 406 و الــ407 كمان

[the-hero]

ربنا يباركلك في بيعها يا باشا و تجيب 406 و الــ407 كمان

الف شكر على زوقك يا كرملة
ربنا يقدم ما فيه الخير ولو مفيشنصيب للبيع هعدلها وأجيب لها ماتور 405 t16زى اللى هانى مسقطه 210 حصان بتربو وسعتها هتبقي أحسن من ال 406

[Mahmoud_405]

ربنا يوفقك وتوقع في 406 جامده بس انا راي انك تجيب 406 احسن متسقط موتور ال mi16 ال 406 احدث واشيك وبرستيج عالي جدا وفرق رهيب بين العربيتين...
المهم ربنا معاك ويوفقك..........
انا كمان ياهيرو ناو اجيب 406 ان شاء الله بس كمان سنو ولا اتنين.....
وكنت عايز اسئالك البرستيج الاتوماتك عاملة كام عندكوا في الزقازيق لو فابريكة بره وجوه وصيانة في التوكيل وحالة جيده جدا؟؟؟؟؟؟؟؟؟

[the-hero]

تعمل من 60 الى 65 الف على حسب الحاله
بس نادرا متلاقى حد بيبيع 405 أصلا الكل بيحبها ومبيفرطش فيها