ماهى وظيف عداد الزيت فى الـ405 برستيج...؟؟

[kareem_Ashmawy]

السلام عليكم يا شباب البيجو...:)
لو سمحتم العداد ده وظيفته ايه

كل اللى اعرفه عنه ان صاحب العربية الولانى قال لى اما تيجى تدور العربية
افتح الكونتاكت على تانى لفة و استنى لغاية ما العداد ده ييجى على الــMax
و بعدين دور المارش و هو هيرجع تانى للـMini أول ما الموتور يدور....
و الكتالوج مكتوب انه بتاع حرارة الزيت
بس هو مبيتحركش ابدا و العربية دايرة...!!

[Mahmoud_405]

كريم باشا عامل اية في الاجازه....

اعتقد ان المؤشر ده بتاع كمية الزيت وليس الحراره لاتة بيشتغل بس لما يكون الكونتاك علي تاني لفة (ده معناه ان الزيت لسة مش في الموتور ) انما لما تدور العربية العداد بيرجع تاني ( ده معناه ان الزيت بقي في الدوره بتاعتة في الموتور) نفس فكره مقياس الزيت مينفعش تقيس الزيت والعربية دايره...

نيجي لدرجة حراره الزيت في انواع من البيجو 405 العداد بتاعها بيقس درجة حراره الزيت وبيبقي موجود مع مؤشر نسبة الزيت ( بص في الكتالوج حتلاقي الطابلوه بتاع مؤشر الحراره بتاع الزبت غير بتاعك- فية بعض الاختلافات )

كل ده اعتقاد علشان انا معرفشي بالظبط.... هاني باشا زعيم العصابة ممكن يفيدك اكتر مني

[kareem_Ashmawy]

شكرا يا بوب على ردك
الأجازة تمام الحمد لله


كلامك مقنع جدا
لنى كمان اما بتبقى العربية مايلة عجلة على الرصيف مثلا
العداد مش بييجى للاخر أما بفتح الكونتاكت


و فى انتظار اراء باقى العضاء

[the-hero]

عداد مقياس الزيت وكمية الزيت اللى فى الماتور والفتيس عشان لو نقص او محتاج تغيير وملوش علاقة بالحرارة
بس أنا لحظت ان عداد الحرارة عندك معدى ال 90 كدا عليه خالص

[kareem_Ashmawy]

أحمد باشا
انت فين ...بقالك فترة مختفى....و أخبار عربيتك ايه بيعتها و لا لسه
يارب يكون كله تمام
..
شكرا على ردك
بالنسبة للحرارة...فالكتالوج مكتوب فيه ان الطبيعى انها تبقى حوالين 90
انما هى عمرها ما جابت ال100 خالص
كده يبقى فى مشاكل؟؟

[the-hero]

أحمد باشا
انت فين ...بقالك فترة مختفى....و أخبار عربيتك ايه بيعتها و لا لسه
يارب يكون كله تمام
..
شكرا على ردك
بالنسبة للحرارة...فالكتالوج مكتوب فيه ان الطبيعى انها تبقى حوالين 90
انما هى عمرها ما جابت ال100 خالص
كده يبقى فى مشاكل؟؟

أزيك يا كريم باشا عامل أيه انا كان عندى مشاكل عندى فى خط النت بس بدأيتحسن
انا عندى العربية عداد الحرارة مبيجيبش ال 70 أصلا عند الشرطة التلتة اللى فى الاول بس انا عندى الرداتير الكبير ال 3 ماسورة وده نادر أصل عربيتى غريبه شوية
بس انا شفت عربيات كتير حرارتها على الشرطة اللى قبل ال 90 يعنى 85
وبخصوص عزيزة حبيبتى لسه معايا وال 406 اللى كنت بخلص فيها صحبها ماسك فى 130 الف وأنا مستكترهم بس حالتها فوق الممتازة وتكلمت معاه فى 120
بس كل شي قسمة ونصيب بس بينى وبينك مبسوط أن عزيزة لسه معايا ومفرطش فيها

[kareem_Ashmawy]

ربنا يخليهالك و يخليك ليها و يحفظهالك من كل سوء يا رب:)