استفسارعن سعر و مواصفات 405

[megoogem]

السلام عليكم و رحمة الله و بركاتة

يا جماعة انا عايز اخد رايكم بخصوص عربية بيجو 405
بختصار انا كنت راكب هيونداى اكسيل و معجبتنيش و بعتها ثم اشتريت كيا بيكانتو و بردوا معجبتنيش و بعتها
دلوقتى بأه ادامى بيجو 405 موديل 2003 تكييف و سنتر و ازاز كهربا ادام و باور فابريكا بالكامل و عداد 80000 كيلو حالتها كويسة محتاجة شوية شغل فى العفشة ادام علشان فى اصوات كأنها جلب مقصات و كوتش ميزان بس انا مش متاكد و من برة فيها بعض الحكات البسيطة و لونها فضى

سؤالى هنا
اولآ : الراجل ماسك فى 47 الف جنية و مش هينزل هل هى تستاهل ولا اية
تانى حاجة: بالنسبة للبيجو 405 بشكل عام اية رأيكم فية من حيث توافر قطع الغيار و اسعارها و ثبتها و تجميعها و بشكل عام عن الاعتمادية لهذة السيارة
تالت حاجة: هل ممكن اجيب عربية تانية احسن فى رينج الفلوس الى هو لحد 50 الف جنية ولا اية رايكم

شكرآ جدآ

[magdykorashy]

العربية ١٦٠٠ ولا ٢٠٠٠
مانيوال ولا اوتوماتيك
٤٠٥ ولا بيجو روا
ال٤٠٥ عربية جميلة و prestigious , قطع الغيار موجودة في حنت كتير لان العربية دي فيه منها كتير لتستخدمها الشرطة
الأسعار رخيصة لقطع الغيار و للعربية نفسها
اشتري البرستيج موتورها كبير وشديدة و ممكن تركيبها غاز و تمشي بتلاتة تعريفه
ال١٦٠٠ اعتقد انها كويسة برضوا بس لم اجربها شخصيا
السعر حلو لو كانت برستيج غير كده تبقي غالية

[khaled sabry]

موديل 2003 موجود منه 405 اللى هى تقفيل وجيه اباظا و لا الروا
لو الروا (ايرانى ) يبقى بلاش منها احسن حتى لو بسعر اقل من كده
لأن الايرانى ماتعتبرشى بيجو اصلا غير فى الصاج الخارجى لكن من جوه (موتور انجليزي دفع خلفى سوست خلفى ورق بدل الكوبايه - ... الخ )
اما لو كانت تقفيل وجيه اباظه فاللى اعرفه ان اخرها 45 ... لكن ممكن تمشيها 47 مافرقتشى كتير - بس اهم حاجه الحاله العامه و هى المفروض تقل شويه علشان الشغل اللى فيها لكن يلا مش مشكله
و بالنسبه لقطع الغيار كويسه و حتلاقيها متوافره فى اى حته عادى