الحمد لله... استلمت بيجو 508 اليوم

[lovingfraction]

الحمد لله.. استملت اليوم البيجو 508 أكسس 2013 ... اللون اسود و الداخل بيج ...

السيارة ممتعة جدااااا .... انا في السعودية ..وان شاء الله ناوي انزلها مصر ..اللي عنده أي استفسار يا رجالة أو نصايح يا ريت نستفيد منه ....

وان شاء الله الصور هنزلها في القريب العاجل ....

[محمدصلاح]

ألف مبروك يا باشا وربنا يرزقك خيرها ويكفيك شرها

ونصيحة : بلاش تنزل بيها مصر اليومين دول احسن

[dr_ahmed1983]

الف مبروك ربنا يعطيك خيرها ويكفيك شرها
كنت عاوز اسألك انت جبتها التربو ولا العاديه لانى الحقيقه بفكر من فتره فيها بس متخوف من موضوع التربو لان البنزين 95 غالى جدا فى مصر وسمعت ان اللى مفهاش تربو عزمها ضعيف ومعرفش اصلا اذا كان ينفع يتحطلها 92 ولا لازم 95 واخيرا انت سألت على الجمارك هتبقى قد ايه؟

[monamize4]

مبرووووووووووووووووووووك و ربنا يديك خيرها و يكفيك شرها

[S O P H O S]

الف مبروك
ربنا يباركلك فيها ..

[lovingfraction]

ألف مبروك يا باشا وربنا يرزقك خيرها ويكفيك شرها

ونصيحة : بلاش تنزل بيها مصر اليومين دول احسن

الله يبارك فيك يا باشا..و شكرا علي المرور

ايوا انا ان شاء الله مش ناوي انزلها دلوقت..شوية كدا...

[lovingfraction]

الف مبروك ربنا يعطيك خيرها ويكفيك شرها
كنت عاوز اسألك انت جبتها التربو ولا العاديه لانى الحقيقه بفكر من فتره فيها بس متخوف من موضوع التربو لان البنزين 95 غالى جدا فى مصر وسمعت ان اللى مفهاش تربو عزمها ضعيف ومعرفش اصلا اذا كان ينفع يتحطلها 92 ولا لازم 95 واخيرا انت سألت على الجمارك هتبقى قد ايه؟

الله يبارك فيك يا باشا تسلملي ...
بالنسبة لموديل 2013 الفئتين بالتربو ... الفئة الاولي بس 2012 كانت نازله هنا من غير التربو...

بالنسبة للبنزين ..التربو طبعا يفضل 95 والوكيل بيقولك كدا و قالي في مصر ممكن تحطلها 92 عادي..عشان هنا بنزين 91 و 95 بس ..... بس مش عارف بعد كام سنة كفاءة المحرك اكيد بتقل ساعتها ممكن نستخدم 92 واللا لا ...

وبالنسبة للجمارك .. اول اكتوبر هيقابلك بعد ما تشتري السيارة هيتخصم منها 10 % من قيمة فاتورة الشراء .. و كل سنة في اكتوبر بعدها يتخصم 5% ..معاك لحد 9 سنين لحد ما يوصل الخصم 50 % من قيمة الفاتورة..و مافيش خصم بعدها ...

انا خلتهم يعملولي الفاتورة أقل 8000 ريال من تمنها ... دا اقصي سعر قدروا يكتبوه..ودا طبعا عشان يقلل من الجمارك اللي هدفعها لما اجي انزلها ان شاء الله ... اي سؤال تاني عنيا يا باشا..

[lovingfraction]

مبرووووووووووووووووووووك و ربنا يديك خيرها و يكفيك شرها

الله يبارك فيك با باشااااا تسلم

[lovingfraction]

الف مبروك
ربنا يباركلك فيها ..

تسلم يا رب و ربنا يبارك فيك يا باشا

[khaled sabry]

الف مبروك يباشا
يديك خيرها و يكفيك شرها
بقولك ايه... اعرض عليك عرض مغرى
تبدل ال 508 بس 504 :)) ... على الاصل دور برضه

بهزر ياباشا اوعى تحدفنى بحاجه

[lovingfraction]

الف مبروك يباشا
يديك خيرها و يكفيك شرها
بقولك ايه... اعرض عليك عرض مغرى :u_thin1[1]:
تبدل ال 508 بس 504 :)) ... على الاصل دور برضه

بهزر ياباشا اوعى تحدفنى بحاجه

ههههههههههههههههه

الله يبارك فيك يا كبير
تسلم يا رب

يا ريت والله ال 508 تثبت بس انها 1/4 ال 504 :-))))

[khaled sabry]

ههههههههههههههههه

الله يبارك فيك يا كبير
تسلم يا رب

يا ريت والله ال 508 تثبت بس انها 1/4 ال 504 :-))))

ياعم كفايه ان 508 بتشد مع bmw دلوقتى
انا ماسمعتش ان 504 عملت كده فى زمانها (فى زمانها ماكنتشى bmw مسمعه زى دلوقتى على فكره)

[asadx100]

الحمد لله.. استملت اليوم البيجو 508 أكسس 2013 ... اللون اسود و الداخل بيج ...

السيارة ممتعة جدااااا .... انا في السعودية ..وان شاء الله ناوي انزلها مصر ..اللي عنده أي استفسار يا رجالة أو نصايح يا ريت نستفيد منه ....

وان شاء الله الصور هنزلها في القريب العاجل ....

ألف مبروك لحضرتك

ربنا يرزقك خيرها ويقيك شرها

خضرتك أخدت أي فئة ,,, استاندرد ,,, ؟ ولا وسط ,,بدون فرش الجلد ؟ ولا الهاي لاين فرش جلد ؟

أنا في السعودية ,,, وفي عرض للفئة الاستندارد ,, تقسيط بسعر الكاش على 4 سنوات

تمنها 90000 ريال

وايه رأي حضرتك ,,, هل الكماليات فيها مهمة ولا مفيش داعي علشان الجمارك وكمان علشان الأعطال ؟


يا ريت تفيدني ؟

[Eng_Moh.Dewair]

الف مبروك و ربنا يطرحلك فيها البركه . حضرتك بقى متاكد من ان الجمارك هتحسابك على السعر اللى فى الفاتوره ؟؟؟؟ اصل انا كنت منزل كرولا من الكويت و حاسبونى على سعر الوكيل فى مصر و رفضزا تماما حكايه الفاتوره دى :( حتى لما دخلت لمكتب المدير فوق قالى بالنص "احنا بنتعامل على سعر الوكيل افرض التاجر فى الكويت مجاملك و مديهالك بنص تمنها " و اتحاسبت على سعر الوكيل رغم ان العربيه كانت اقل فى الكماليات من بتاعت الوكيل الجنوب افريقى .

[Ahmed.Fahmy]

الف مبروك
ربنا يديك خيرها ويكفيك شرها ان شاء الله