صوت فى ماتور 307

[MuhamedNabil]

السلام عليكم

العربية 307 auto


بقالى فترة كدة ملاحظ ان عندى صوت فى الماتور او الفتيس لسة مش قادر احدد
على العموم الصوت زى صوت بلية خشنة بيبان فى التسارع لما ازود بنزين بيبان و لما اسيب البنزين و العربية معشقة برده بيبقى واضح و تحس انه بيعلى و يرفع مع السرعة
و يوطى و يخشن لما بتسيب العربية تهدى و هى معشقة
و لو مورت الصوت بيروح.

[dedo_ryo]

حضرتك اخر مره غيرت زيت الفتيس امتي و العربيه موديل كام و هل حضرتك حرقت علي غيار

[Ahmed Amin]

أستاذ محمد أخبارك أيه..

أنا عملت لك جوجل عال مشكلة دي ولاقيت أن ممكن يكون ليها 3 أعراض

لو الصوت عندك زي دا..

What a bad wheel bearing sounds like - YouTube

أو دا

BMW Wheel Hub Bearing Noise - Before & After /// 330i (E46) - YouTube

بيبقي من ال Wheel Bearing/ or Hub Bearing ومش فاكر أسمه بالعربي دلوقتي وبتحتاج تتغير في الغالب بعد 160 الف ل 200 الف كيلو علي حسب ما قريت..
أو لو ينفع الرومانة اللي جوا دي تتغير لوحدها.



وكان واحد كاتب بخلاف الفيديوهات إن البيرنق لو كان به عطل يصدر صوت ونه يكون واضح عند سرعة 80 - 100 كم
وتقدر ان تحدد هل هو الامامي او الخلف عندما تعمل عملية لف لطارة القيادة يمين و شمال او العكس حيث تلاحظ ان صوت الونه يزداد مع اللف فتكتشف ان البيرنق الامامي عطلان هذا الاختبار اثناء القيادة على الطريق.
اما الاختبار الثاني فيكون كالتالي:
لما توقف العربية روح علي أي جنط وحاول ان تضغط الكاوتش بايديك ضغطة للداخل واخرى للخارج اذا شعرت انه يوجد فضاوة او فراغ فهذا يدل على عطل في البيرنق..

لأن ممكن يطلع لك صوت ونة برضه علي سرعات ما بين 70 كيلو لحد 100 وتكون من الكاوتش مش من البيرنج, وانا بسمه الونة دي عندي ما بين ال 80 وال 90 بعد ما ركبت الكومهو مع أنه جديد ومكنتش موجودة في البيريلي مع انه كان قديم.!

اللي هيحدد لك المشكلة أنك ترفع العربية وتحرك الجنوط وتشوف هل هتكون ثابتة ولا بتتحرك معاك عشان تتأكد من البيرنق.

طريقة الأختبار:
Unusual noise from wheel bearings by differential - YouTube


ودا فيديو لطريقة التغير
Front wheel bearing - YouTube


==========================================
السبب التاني:

اللي هوا أول حاجة جات علي بالي لما قريت موضوعك ودي مستبعدة شوية في حالتك بس حبيت أشاركك بيها أنه ممكن يكون الديفرنشال لأن صوت الونة اللي بيكون مصاحب غيار وبيروح لما تمور العربية وتخليها في وضعية اللا تعشيق بتبقي مشكلة ديفرنشال أو كورونة خلفية في حالة العربيات الخلفي..
وبما أننا في العربيات الأمامي مفيش كورونة زي الخلفي وكله في Transaxle
وتحديداً من ال Differential Bearings
لأن السؤال دا كان محيرني لما ركبت عربية أمامي لأول مرة فين الكورونة ؟ وأمتي بيتزودلها زيت وإزاي لما تطلع الونة دي.. فعرفت أن كله في ال Transaxle ودورة الزيت واحدة لكله,

a Transaxle is a major mechanical component that combines the functionality of the transmission, the differential, and associated components of the driven axle into one integrated assembly.

والـ Differential Bearings بتبقي عاملة كدا..













اللي هيا أول قطعة فوق





ودي نادر أنها تتغير علي حسب ما قريت ممكن تبدأ تحتاج تتغير بعد 400 الف كيلو, يدينا ويديك طولة العمر
بس أعتقد لو في مشكلة في لزوجة الزيت ممكن دا يقصر علي عمرها زي ما هيقصر علي أي أجزاء ميكانيكية في الفتيس, فأول حاجة ممكن تبدأ بيها أنك تكشف علي زيت الفتيس تاني أحتياطي.
================================================== ====

السبب التالت أن الصوت بيكون من الكوبلن نفسه CV Axle Joint Work
الجزء الخارجي اللي بيتحرك مع العجلة

Front Wheel Drive Shafts نظام الدفع الامامى - YouTube






وممكن تبقي تبص عال موضوع دا برضه
دي كان حالتة زي اللي عندك تمام

http://img29.imageshack.us/img29/3425/20130118051740.png

Peugeot: loud..the drive shaft bearings..wheel bearings..gearbox - JustAnswer

ملحوظة: الصور اللي في الموضوع مش بتاعت بيجو بس للتوضيح, وياريت تكون المشكلة أبسط من كدا وتطمنا عملت أيه.

[MuhamedNabil]

حضرتك اخر مره غيرت زيت الفتيس امتي و العربيه موديل كام و هل حضرتك حرقت علي غيار

الزيت تمام و الصوت كنت باخد بالى منه حتى بعد تغيير الزيت الفتيس
اعتقد هى بلي فى الفتيس محتاج تغيير و الله اعلم

أستاذ محمد أخبارك أيه..

أنا عملت لك جوجل عال مشكلة دي ولاقيت أن ممكن يكون ليها 3 أعراض

الحمد لله بخير و انت ايه اخبارك, عملت ايه اخر مرة جبت كولر ولا طلع حاجة تلنية

و الف شكر على تعبك معايا
انا بصيت على الحجات دى بس الموضوع محصور فى اما الفتيس او الماتور, و الاقرب انه بلية بتاعت الخارج لكبالن او الداخلة على الفتيس من الماتور

[maclaren722]

فعلا بالظبط زى ماقال العضو LeitoSR دى حاجة بلغة الصنايعية اسمها بلية العجلة وكانت عندى ف العربية وعملتها بيفك الصرة بتاعة العجلة وتروح عند الخراط يطلع البلية القديمة ويكبس البلية الجديدة ويروح الصوت نهائيا بس اهم حاجة تتاكد ان البلية زى القديمة بالظبط علشان فى كذا مقاس واسف على الاطالة

[Ahmed Amin]

الحمد لله بخير و انت ايه اخبارك, عملت ايه اخر مرة جبت كولر ولا طلع حاجة تلنية

و الف شكر على تعبك معايا
انا بصيت على الحجات دى بس الموضوع محصور فى اما الفتيس او الماتور, و الاقرب انه بلية بتاعت الخارج لكبالن او الداخلة على الفتيس من الماتور

أنا الحمد لله تمام, لسه والله معملتش فيها حاجة كنت مشغول شوية الفترة اللي فاتت.

بس إن شاء الله هبدأ بالزيت والكولر, لأن في ناس بدأت تعيد لي القصة من الأول وتقولي نطلع العلبة اللي فيها السويتشات وننضفها ونغير ال 2 سيولنيد فالف إياهم,
وكمان لما بقوله عال نتشة بتاعت لما بتقف مرة واحدة قالي تبقي شنابر,, وأنا عارف أنه التشخيص ممكن يبان شنابر, بس إزاي هيا مش بتعمل كدا لو وقفت مرة واحدة عال سريع عشان مطب أو حادث موقف طريق وبتعملها جوا البلد بس..!

يبقي العيب الأول في السخونية ودايرة التبريد.. مش كدا ؟

ومفيش تعب ولا حاجة يا بشمهندس محمد, دا أحنا ياما تعبناك معانا وأستفدنا منك كتير ومن مشاركاتك وأنفذتنا في مواقف كتير.

المهم حليت المشكلة ولا لسه, وإن شاء الله تكون حاجة بسيطة وفي بلية العجلة زي ما ماكلارين قال مادام عدت عليه المشكلة دي..

[venzo]

ابقي خلي الميكانيكي يبصلك
عل قواعد الماتور وقواعد الفتيس