ال406 بتسئف .. أرجو المساعدة ياركيبة الأسد

[amounir6666]

السلام عليكم


يارب أشوف الأسودة يتعتكوا كلها فى أحسن حال تسعدونى علشان مفضلش ألف كتير

أشتريت للأبويا 406 , 2006 , 73,000 KM

2000 أوتوماتيك موتور أبيض طبعا

مشكلة المكانيكا الوحيدة أنها كانت بتسأف فى أول الغيارات 1,2,3 ولازم تسايسها وبعد كدا 200 KM

على الوصلة بتاعت حازم حسن / دائرى عادى جدا

عملت السيرفس بتعها كامل عند عمارة / الفسطاط

الصبح العربية بتبئا زى الفل .. المشكلة لما تخش فى الزحمة وتوصل لنص اليوم .. أى دوسة زيادة سنة

تسئييييف هستيرى فى أول الغيارات و أول ما الطريق يفتح ولا كأن فية أى حاجة


اللى أتعمل لغاية دلوئتى الأتى:

- تغيير بلفين فتيس و زيت
- كاتينة و الشداد
- سير مجموعة
-بوجيهات
-فلاتر و زيت موتور
- كشف على دورة المية و تغيير طلمبة
- reset for the ECU errors (Peugeot Planet 2000
-كل الحاساسات تمام حسب كلام Peugeot Planet 2000
- تنظيف بوابة


أرجو الأفادة سريعا يا ركييبة :)

[amounir6666]

وعلى فكرة الكلام دا من أبل ماروح لعمارة علشان مظلمش الراجل

[Unendlich]

أنت بتحط بنزين إيه ؟

[benmatar]

حساس الشكمان عامل إيه؟؟؟؟
وطلمبة البنزين لو فيها حاجة العربية سحبها بيضيع وبتعمل حاجات غريبة ولاذات في السرعات المنخفضة والزحام بيظهر أداء سيء

[amounir6666]

بنزين 92 .. طلمبة البنزين مش حاسس أن فيها حاجة ... الدوارة من تكة واحدة .. مفيش تئطيع على الطوالى ولا فية مشكلة فى التجميع ... المشكلة فى التسأييف لما الحرارة تكون 90 و زيت الموتور 100 == 120 .. حساس الشكمان مكشفتش علية بصراحة .. هوا ممكن يتنضف ؟؟ أى أقتراحات تانية ... ومتشكر جدا على ردكوا و أهتمامكوا

[abou-yahia]

بنزين 92 .. طلمبة البنزين مش حاسس أن فيها حاجة ... الدوارة من تكة واحدة .. مفيش تئطيع على الطوالى ولا فية مشكلة فى التجميع ... المشكلة فى التسأييف لما الحرارة تكون 90 و زيت الموتور 100 == 120 .. حساس الشكمان مكشفتش علية بصراحة .. هوا ممكن يتنضف ؟؟ أى أقتراحات تانية ... ومتشكر جدا على ردكوا و أهتمامكوا

نفس المشكله عندي

اللي انا شاكك فيه

علبه الشكمان لانها لو كتمت ممكن تعمل كده

عايزين خبير

[MuhamedNabil]

عندى كده برده , لما بتسخن بسمع صوت التكيهات فى اول النقلة بس فوف التانى ممكن 2-> 3 -> 4. و بحس ان السحب تقيل شوية.
على العموم انا جربت زيوت مختلفة liqui moly / Castrol / ....l كلهم 5w-100 و النتيجة متقاربة
بنزين 95 بيعمل فرق مش بطال بس مش بيحل المشكلة
injector / valve clearner @ Liqui moly بردة فى تحسن بس متقدرش تقول انه الحل المشكلة.

[amounir6666]

مش المفروض لو حساس الشكمان أو أى حساس تانى ممكن يسبب مشكلة فى خليط مكونات عملية الأنفجار و الحرق

(هوا - بنزين - كهربة ) داخل الموتور يدى أيرور فى الدياجنوز بتاع ال Peugeot Planet 2000 ؟؟؟؟

و بعدين أية نظام ال 95 دا .. هوا أحنا راكبين أودى :)

أحنا الأسد ضحك علينا ولا أية يا رجالة :]

[amounir6666]

عندى كده برده , لما بتسخن بسمع صوت التكيهات فى اول النقلة بس فوف التانى ممكن 2-> 3 -> 4. و بحس ان السحب تقيل شوية.
على العموم انا جربت زيوت مختلفة liqui moly / castrol / ....l كلهم 5w-100 و النتيجة متقاربة
بنزين 95 بيعمل فرق مش بطال بس مش بيحل المشكلة
injector / valve clearner @ liqui moly بردة فى تحسن بس متقدرش تقول انه الحل المشكلة.

وفعلا السحب بيبأ تقيل ف أول التالت خاصة

[abou-yahia]

سألت خبير من الخبراء

قالي مسطره رشاشات

ايه رايكم

[MuhamedNabil]

دى بتعمل اية , انا بحس ان الصوت ده طالع من التكهات يعنى الفالف بيخبط فى حاجة زى ميكون التكيهاتمش مضبوطة , انا عارف انها روافع هيدروليك بيسموها كستبنات تقريبا
المسطرة دى بقى وظيفتها ايه فى الكلام

[abou-yahia]

دى بتعمل اية , انا بحس ان الصوت ده طالع من التكهات يعنى الفالف بيخبط فى حاجة زى ميكون التكيهاتمش مضبوطة , انا عارف انها روافع هيدروليك بيسموها كستبنات تقريبا
المسطرة دى بقى وظيفتها ايه فى الكلام

اعتقد الكستبانات بتبان في بدايه الدواره وهيه اللي بتعمل البرجله

لاكن المسطره ديه اللي بتنفذ اوامر الكنترول في توقيتات الضخ

ولو فيها لخبطه بتعمل التسقيف

هذا والله اعلم

[benmatar]

روح الحرفيين وعندك ورشة هاي تك (امجد) ممكن يحل المشكلة علطول... معروف إسأل عليه... بيشتغل في البيجو

[mohamedadelemam]

السلام عليكم .. انا معايا بيجو 605 موديل 1998 نفس موتور ال 2000 سىسى406 القديمة كان عندى نفس المشكلة بالظبط وفى الآخر طلع كل الموضوع فالف الايدل stepper motor عايز تنظيف كان مليان زيت وشحوم ودا عادى بيتفك ويتنضف باى اسبراى تنظيف ومفيش مشكلة مش بيبوظ ان شاء الله ولو استمرت المشكلة بيبقى فلتر هوا مش اكتر ان شاء الله ..ملحوظة رغم ان الايدل فالف من علامات ضعفه ان السلانسيه مش مظبوط إلا ان فى حالتى كان السلانسيه تمام لكن كنت بعانى من نفس المشكلة من تسقيف وصوت عالى وصعوبة فى الطلعة..واختبار حساس الشكمان بيبقى عن طريق فصل فيشته وفصل كابل البطارية السالب لمدة ساعة كاملة عشان نعمل ريسيت للكمبيوتر وبعد كدا تجربة السيارة بدون توصيل فيشة حساس الشكمان لو فى تحسن يبقى السبب من الحساس ويفضل تغييره

[abou-yahia]

السلام عليكم .. انا معايا بيجو 605 موديل 1998 نفس موتور ال 2000 سىسى406 القديمة كان عندى نفس المشكلة بالظبط وفى الآخر طلع كل الموضوع فالف الايدل stepper motor عايز تنظيف كان مليان زيت وشحوم ودا عادى بيتفك ويتنضف باى اسبراى تنظيف ومفيش مشكلة مش بيبوظ ان شاء الله ولو استمرت المشكلة بيبقى فلتر هوا مش اكتر ان شاء الله ..ملحوظة رغم ان الايدل فالف من علامات ضعفه ان السلانسيه مش مظبوط إلا ان فى حالتى كان السلانسيه تمام لكن كنت بعانى من نفس المشكلة من تسقيف وصوت عالى وصعوبة فى الطلعة..واختبار حساس الشكمان بيبقى عن طريق فصل فيشته وفصل كابل البطارية السالب لمدة ساعة كاملة عشان نعمل ريسيت للكمبيوتر وبعد كدا تجربة السيارة بدون توصيل فيشة حساس الشكمان لو فى تحسن يبقى السبب من الحساس ويفضل تغييره

بعض المشاكل بيكون الاعراض بتاعتها مشتركه لاكن حلولها مستقله

يعني اغلب مشاكل stepper بتكون ذي ما حضرتك تفضلت في السلانسيه وبيعمل المشكله الاشهر انه بيخلي العربيه تبطل فجأه .

مشكله التسقيف اغلبها بيكون مشكله حراره مش مضبوطه لاكن في حاله اخري كان فيه عيب في رشاش

ولما تم تغيير المسطره واتعمل ريسيت الحمد لله المشكله بتاعت التسقيف شبه انتهت

الفكره يكون عندك صبر ويكون الميكانيكي اللي معاك فاهم وامين عشان متعكش كتير .

وشكرا