استفسار لبيجو 504

[stoqa1919]

عربيتى بيجو 504 ملاحظ شئ من فترة بيغيب ويرجع فى الفتيس ساعات بيقفش ومش بياخد غيار
وبحس ان التروس متعشقة فى بعض مع انى دايس بقوة على الدبرياج والموضوع ده بيختفى ويرجع تانى بعد فترة ياترى السبب ايه؟؟؟؟؟؟؟

[mohammedabdallh]

قيس زيت الفتيس
ولو بقاله فتره غيره

[stoqa1919]

تسلم على الرد بس انا لسه مزوده ولما سالت الميكانيكى قالى اسطوانة ودسك قولته الموضوع بيحصل كل فترة قالى السوستة وهتتنطر حسيته مش عارف يوصلى المعلومة انا عايز اعرف السبب علشان محدش ياكلنى وانا جديد فى عالم العربيات

[mohammedabdallh]

ممكن يكون الماستر
من عيوب الاسطوانه مش بيبقى فى نقل خالص بمعنى لاتشتغل او لا
الديسك هتلاقى رجرجه على الاول فى الطلعه بس

فاكشف على الماستر
العلوى والسفلى

[stoqa1919]

تسلم على الرد والاهتماااااااااااام شكرا

[amrelsaqqa]

طقم اصلاح للماستر وخصوصا لو بتحس ان البدال واطى زيادة عن اللزوم

ولو الدبرياج تقيل اوى والسحب ضعيف ممكن يبقى اسطوانة ودسك فعلا ، بس شوف الماستر الاول الفوقانى والتحتانى بلغة الميكانيكية

[stoqa1919]

تسلم على اهتمامك بالرد

[amer hassan]

بالترتيب كده ..... لو العيب معاه رجرجة في طلعة العربية... يبقى الاسطوانة و الديسك و البلية بتاعتهم... انما لو شوية يروح و شوية ييجي... اكشف على المساتر كلها.. الي فوق و الي تحت..... و لو العيب مراحش,,,,, هتحتاج تنزل الفتيس احسن تكون البلية الي جوة الفتيس فرطت .... الميكانيكية بيسموها بلية الشجرة ..... يبقى انت هتعمل ايه

1 اكشف عالمساتر.... لو سليمة
2 نزل الفتيس و اكشف عليه و على بلية الشجرة و على الاسطوانة و الديسك و البلية بتاعتهم و سقط الزيت الي فيه و حط زيت جديد... و بالتوفيق